"Futbol komandamızın çempionatdakı çıxışı ürəkaçan deyil, vəziyyəti pis qiymətləndiririk. Bu durum məni çox narahat edir". Qol.Az saytının əməkdaşına açıqlamasında Mərkəzi Ordu İdman Klubunun (MOİK) rəisi, polkovnik Natiq Əliyev belə deyib. N.Əliyevin sözlərinə görə, birinci dövrə başa çatdıqdan sonra komandanın vəziyyəti ciddi müzakirə olunacaq. Klub rəhbəri hələlik komandanın baş məşqçisi Qəhrəman Əliyevlə yolların ayrılmasını düşünmədiklərini bildirib. "İndi bütün diqqətimizi boks üzrə hərbçilərin dünya çempionatına yönəltmişik. Mötəbər yarışın ardından klubun Premyer-liqadakı çıxışı ilə bağlı danışacağıq. Hələlik komandada məşqçi dəyişikliyi gözlənilmir. Hansı futbolçuların göndərilib-göndərilməyəcəyi müzakirə zamanı müəyyənləşəcək".
N.Əliyev "Neftçi"dən kənarlaşdırılan bəzi futbolçuların MOİK-ə gətiriləcəyi ilə bağlı yayılan xəbərin həqiqəti əks etdirmədiyini vurğulayıb. Sonda maddi baxımdan heç bir problem olmadığını deyən ordu klubunun rəhbəri ARDNŞ-in rəhbərliyinə təşəkkür edib.
Qeyd edək ki, 12 turdan sonra MOİK (11 oyun, 4 xal) 14 komanda arasında turnir cədvəlinin 13-cü pilləsində qərarlaşıb.
Anar CƏFƏRSOY
"Roma"nın Lukaku qərarı
"Yuventus"a Ronaldo şoku
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə
"Arsenal"ı nokaut etmək gözəl idi"
Ayşən Abduləzimova Macarıstan çempionu oldu
Arda Güler "Sevilya"ya rədd cavabı verdi
Azərbaycanın U-17 millisinin heyətində dəyişiklik
Bellinqem: "Oyunun sonunda ayaqlarım ölmüşdü"