"Meydanda istədiyim komandanı görə bilirəm" - Elmar Baxşıyev

"Meydanda istədiyim komandanı görə bilirəm" - Elmar Baxşıyev
ÖLKƏ FUTBOLU 19 Sentyabr 2020 / 19:51 2090
-  A +

“Oyun maraqlı alındı. Çempionatın liderlərindən birinə qarşı oynayırdıq. Heyətinə görə “Keşlə” ön pillələrdə gedə biləcək komandadır. “Sabah”la görüşdən sonra komandanı qələbəyə hazırlayırdıq və üç xal qazanacağımıza inanırdıq”.


Qol.az xəbər verir ki, bu sözlər “Qəbələ”nin baş məşqçisi Elmar Baxşıyev Azərbaycan Premyer Liqasının 3-cü turunda “Keşlə” oyundan (0:0) sonra keçirilən mətbuat konfransında deyib. O, komandasından razı qaldığını bildirib:

“Oyunun keyfiyyətinə gəlincə, çox razıyam. Meydanda istədiyim komandanı görə bilirəm. İnanıram ki, oyunlar getdikcə hücum planında daha məzmunlu oyun nümayiş etdirəcəyik. Nikolas Raysel bizim üçün önəmli futbolçulardan biridir. Futbol emosiyalar oyunudur. Qırmızı vərəqəni də emosiyalarla bağlayardım. Onunla danışıqlarımız olacaq və belə halların təkrarlanmayacağına ümid edirəm. İkinci hissədəki oyunu fiziki hazırlıqla əlaqələndirməzdim. Azlıqda qalandan sonra mövqe vermədiksə, hazırlıqda problem yoxdur. İlk yarıda dominant futbol göstərməyə çalışdıq, oyunu pressinqdə qurmuşduq. Komandanın ikinci hissədəki çıxışı normaldır. Getdikcə daha yaxşı olacağına inanıram. Rafael Utziq iki gündür bizə qoşulub. Ona uyğunlaşmaq üçün vaxt lazımdır”.

Daha çox


Son xəbərlər
27.03.24  21:58

Keyn sağaldı