FİFA-dan AFFA-ya 1.5 milyon dollar

FİFA-dan AFFA-ya 1.5 milyon dollar
ÖLKƏ FUTBOLU 26 İyun 2020 / 11:50 1714
-  A +

FİFA koronavirus pandemiyasının yaratdığı iqtisadi çətinlikləri aradan qaldırmaq üçün milli federasiyalara edilən maliyyə yardımının detallarını açıqlayıb.

Qol.az qurumun rəsmi saytına istinadən xəbər verir ki, yardım məqsədilə ümumilikdə 1.5 milyard dollar vəsait ayrılıb.

AFFA da daxil olmaqla quruma üzv 211 assosiasiyanın hər birinə 1 milyon dollar, qadın futbolunun inkişafı üçün əlavə 500 min dollar qrant ödəniləcək.

Konfederasiyaların hər birinə isə 2 milyon dollar ödəniləcək. Ödənişlər FIFA-nın planının ilk iki mərhələsində ediləcək. Üçüncü mərhələdə hər bir milli assosiasiya 500 min dollardan 5 milyon dollaradək kredit almaq üçün müraciət hüququna malik olacaq. Məbləğ illik gəlirin 35 faizindən çox olmamalıdır.

Beləliklə, AFFA FİFA-dan 1.5 milyon dollar yardım alacaq. Bir müddət əvvəl bu məbləğin 500 min dollar olduğu açıqlanmışdı.

Daha çox


Son xəbərlər
28.03.24  10:55

Qrizmann qayıtdı