"Sumqayıt" cənubi azərbaycanlı hücumçusu Peyman Babayi Qol.az-a müsahibə verib.
-"Sumqayıt"da işləriniz necə gedir?
- Şükr olsun, hər şey yaxşıdır. Artıq tam uğunlaşmışam. Kefim yaxşıdır.
- Yəqin ki, Azərbaycanda özünüzü qərib hesab etmirsiniz.
- Əlbəttə, bura mənim vətənimdir. Eyni dildə danışırıq. Heç bir problem yoxdur. Adətimiz, yaşayış tərzimiz eynidir. Sumqayıt camaatı da çox şirindir, istiqanlıdır.
- Öz çıxışınızla bağlı nə deyə bilərsiniz? Bu mövsüm meydan çıxdığınız 5 oyunda 1 qol belə vura bilməmisiniz.
- Ola bilər ki, istədiklərimi meydanda edə bilməyim. Amma mən tam hazır da deyiləm. Türkiyə toplanışında kiçik bir zədəm olmuşdu. Komanda ilə tam məşq edə bilmirdim. Əsas odur ki, futbolçu tam hazır olsun, taktiki məsələlər gələcəkdə düzələr. Çalışacağam ki, "Sumqayıt"a ilk gəldiyim vaxtlardakı kimi yaxşı çıxış edim. Onu da deyim ki, bu mövsüm sırf hücumçu kimi oynamıram. Baş məşqçimiz məni gah sağda, gah da solda oynadır. Beş oyunun ikisində matçın sonuna yaxın meydana daxil olmuşam. Yəqin ki, tam hazır olmadığım üçün fərqlənə bilməmişəm.
- Ötən mövsüm baxımlı qollar vururdunuz. Bunun ardı gələcək?
- Əlbəttə, mən də buna çalışıram. Əsas odur ki, "Sumqayıt" yaxşı çıxış etsin. Özümü tam hazırlamağa çalışacağam. Gələcək oyunlarda yəqin ki, qollarım olacaq.
- Adətən "Sumqayıt"a gələn legionerlər millimizə cəlb olunur. Sizinlə bu barədə danışıq olub?
- Mən də eşitmişəm ki, "Sumqayıt"da oynayan futbolçuların milliyə cəlb olunmaq şansları olur. Mənimlə də əvvəl belə danışıq olmuşdu. Ancaq indi heç bir söhbət yoxdur. Azərbaycan millisinə də kömək edə bilsəm, çox sevinərəm. İndi əsas məqsədim odur ki, tam formamı yığım və "Sumqayıt"dakı oyunumla gələcəkdə millinin məşqçilərinin diqqətini cəlb edim.
- AFFA sizinlə nə vaxt danışmışdı?
- "Sumqayıt"da bir neçə oyuna çıxdıqdan sonra. Hər şey özümdən asılıdır. Yaxşı çıxış etsəm, millidə oynamaq şansım olar. Necə olacağı gələcəkdə bilinəcək.
- İlin əvvəlindən Azərbaycandasınız. Premyer Liqamızın səviyyəsi ilə bağlı nə fikirdəsiniz?
- Bəli, bir müddətdir ki, Azərbaycandayam. Gördüyünüz kimi, klubların hamısı çox yaxşı transferlər edir. Yaxşı stadionlar var. Premyer Liqaya dəyər verilir. Ona görə də Azərbaycan Premyer Liqası gələcəkdə Avropanın ən yaxşı çempionatlarından biri ola bilər.
- İran çempionatı ilə bizimkini necə müqayisə edərdiniz?
- Hər ölkənin özünə görə liqası var. İranla Azərbaycanı müqayisə edə bilmərəm. Azərbaycan futbolu "Qarabağ"a görə tanınır. Bu komanda avrokuboklarda yaxşı nəticələr qazanır. Ümid edirəm ki, "Qarabağ" kimi digər Azərbaycan klubları da güclənəcək və Premyer Liqada rəqabət artacaq.
- Sizin və Mehdi Şərifinin "Sumqayıt"a gəlişindən sonra İranda Azərbaycan futboluna maraq necədir?
- İranda çoxlu "Qarabağ" azarkeşi var. Necə ki, burada "Traktor" azarkeşləri çoxdur. Bunun şahidi olmuşam. Əsasən "Qarabağ"dan danışırlar. Mənim bura gəlişim Təbrizlə Azərbaycan futbolunun yaxınlaşmağına kömək ola bilər. Mən burada yaxşı oynadım ki, Mehdi Şərifi də "Sumqayıt"a gəldi. Gələcəkdə Təbrizdən başqa futbolçuların da bura gələcəyinə inanıram.
- Ancaq Azərbaycandan İran klublarına futbolçu getmir...
- Azərbaycanın yaxşı futbol məktəbləri, məşqçilər var. Hər şey futbolçuların özlərindən asılıdır. Burada çox yaxşı futbolçular var, hansı ki, İran çempionatında çıxış edə bilər.
- "Qarabağ"ın İranda xeyli azarkeşi olduğunu dediniz. Komandanın avroboklardakı çıxışı zamanı İrandan sizə zənglər gəlir, "Qarabağ"la bağlı nəsə soruşurlar?
- Belə hallar çox olur. Dostlarım məndən soruşur. Onlar gəlib mənimlə birgə "Qarabağ"ın oyunlarına da gedirlər. Əsasən Təbrizdən çox maraqlanırlar. Orada "Qarabağ"ı çox sevirlər. Mən özüm də "Sumqayıt"a gəlməmişdən əvvəl "Qarabağ" azarkeşi idim. Hər oyununa baxırdım.
- Elə Premyer Liqada növbəti oyununuz da "Qarabağ"ladır. Bu görüş haqda nə düşünürsünüz?
- Bizim üçün çox çətin oyun olacaq. Azərbaycan liqasını "Qarabağ"la tanıyırlar. Yaxşı transferləri var. Amma bizim kimi komandalar da "Qarabağ"la qarşılaşmağa çox həvəslidir. Futbolçularımız belə oyunda özlərini göstərmək istəyirlər. Yaxşı oyun olacağını düşünürəm. Bizə xal lazımdır. Çalışacağıq ki, ən azından "Qarabağ"dan bir xal alaq.
Ramiq AĞAMƏMMƏDOV
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın