Milli komandamızın sabiq üzvü, son olaraq, "Keşlə"də çıxış etmiş Vaqif Cavadov Qol.az-a müsahibə verib. Gələcək karyerası haqda danışan təcrübəli hücumçu yığmamızın seçmə mərhələdə Macarıstan və Slovakiyaya məğlubiyyətini də şərh edib.
- "Keşlə"dən ayrdıldıqdan sonra klubsuzsan. Təkliflərin, danışıq apardığın komandalar varmı?
- Əlbəttə, menecerlər vasitəsilə danışıq gedir. Bu istiqamətdə iş görürlər. Yəqin ki, yay transfer pəncərəsi zamanı yeni klubum bəlli olacaq.
- Real variantlardır?
- Təbii ki. Futbolla vidalaşmaq istəmirəm. Yaxşı olmalıdır.
- Maraqlıdır, danışıq apardığın klublar yerlidir, yoxsa əcnəbi?
- Xeyr, yerli klublar deyil. Hamısı əcnəbi ölkə təmsilçiləridir. Ancaq dəqiq olmadığı üçün indi ad çəkə bilmərəm.
- Bundan əvvəl bir dəfə də klubsuz qalmışdın. Belə hallarla üzləşəndə futboldan bezir, karyeranı bitirmək barədə düşünürsən?
- Yox, amma pis oluram. Kimlərsə istəyir ki, Vaqif futboldan getsin. Mən heç vaxt öz oyunumu tərifləməmişəm. Amma "Keşlə"dəki çıxışıma baxsaq, hər şey açıq-aşkar görünər.
- Səncə, bu gün Vaqif Cavadov niyə kölgədə qalıb?
- Bilmirəm. Bunun səbəbi prinsip aparmaq da ola bilər. Sualı başqasına ünvanlasanız, daha yaxşı olar. Mən əvvəlki gücümdəyəm. Futbol oynamağı da bacarıram. Belə olmasaydı, futbolu atardım, heç bu haqda da danışmazdım. Deyərdim ki, zəifləmişəm, futbolla vidalaşıram. Yadınızdadırsa, 3 ay futbol oynamadım, amma "Keşlə"yə gəlib, nəticə verdim. Təbii ki, bu Yuri Maksimovun gəlişindən və mənə güvənib şans verməsindən sonra oldu. Komandanın 2017-2018 mövsümündə kubok qazanmasında mənim də payım var. O ki qaldı yerli klublarımızdan təklif almamağıma, bu sual mənə aid olmamalıdır. Bunu klub prezidentlərinə, baş məşqçilərə vermək lazımdır.
- Bayaq dedin ki, karyeranı bitirməyini arzulayan insanlar var. Kimləri nəzərdə tutursan?
- Premyer Liqamızdakı 8 komandanın hər birində 30 futbolçu varsa və mənə təklif gəlmirsə, deməli, bu işdə kimlərinsə əli var. Bunu ancaq belə başa düşürəm. Onların seçimidir, heç nə deyə bilmərəm. Kim nə edirsə, özünə edir. Bu yolla Azərbaycan futboluna da pisliyi dəyir. Ona görə də bu gün futbolumuz, milli komandamız bu gündədir.
- Millidən söz düşmüşkən, yəqin ki, Avro-2020-nin seçmə mərhələsində Macarıstan və Slovakiya ilə hər iki oyunu izləmisən. Səncə, yığmamız niyə elə zəif təsir bağışladı?
- Bilirsiniz necədir, uduzmaq olar. Bizim də uduzduğumuz oyunlar çox olub. Amma heç vaxt mübarizəsiz məğlub olmamışıq. Bu gün millidə elə bir futbolçu yoxdur ki, məşqçinin dediklərindən başqa meydanda özü nəsə etsin.
- Yəni, lider futbolçu çatışmır...
- Həm lider olsun. Meydanın istənilən yerində oynasın. Məsələn, bizim vaxtımızda müdafiəçi həm arxa xətdə inamlı oynayırdı, həm də qol vururdu. Amma indiki millidə hərə özü üçün oynayır. Biz yavaş-yavaş azarkeşləri stadiona cəlb etdik, futbolun onlara sevdirdik. Son illərə baxırıq, bu cür davam etsə, oyunlarımız yenə boş tribunalar qarşısında olacaq. Hər oyunda istefa şüarları səslənəcək. Bu isə psixoloji baxımdan futbolçulara təsir edəcək. Azərkeşləri də başa düşmək laızmdır. Onlar ən azından mübarizə gözləyirlər. Son iki oyunda cəmi 1 sarı vərəqə alırıqsa, deməli, mübarizə yoxdur.
- Son iki oyundakı məğlubiyyətdən sonra hamı futbolçuların üstünə düşüb, onları qınayır. Sən də millidə oynamısan, yalnız oyunçular günahkardır? Baş məşqçinin heç bir günahı yoxdur?
- Əlbəttə, uduzanda baş məşqçi günahkar olur. Burada hamının günahı var. Hətta mənim də. Ancaq baş məşqçinin seçimi çox önəmlidir. Futbolçunu futbolçu edən məşqçidir. Ondan çox şey asılıdır. Seçimi, futbolçularla münasibəti çox önəmlidir. Bəlkə elə futbolçular çağırıb ki, onlar heç milliyə layiq deyillər, amma orada çıxış edirlər.
- Az öncə istefa məsələsinə toxdundun. Azarkeşlər Slovakiya ilə oyunda AFFA rəhbərliyini istefaya səsləyirdilər. Təcrübəli futbolçu kimi buna münasibətini də bilmək maraqlı olardı...
- İstefa sədalarını dəfələrlə eşitmişik. Rəhbərlik, məsələn. Rövnəq müəllim nə etsin? Bilirsiniz ki, mən hər zaman açıq danışmışam. Rövnəq Abdullayev kimi futbola qayğı göstərən var? Onluq bir şey yoxdur. O, səlahiyyəti baş məşqçiyə verib, məşqçi də futbolçulara. Futbolu idarə edənlər bunu fikirləşməlidir. Biz futbolçuların olanı budur. Hər bir futbolçuya qayğı ilə yanaşılsa, nəticə olacaq. Rəhbərlik də istəməz ki, milli uduzsun.
Elnur SALAHOV
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın