"Tofiq Bəhramov"un "Yadegar-e-Emam"a çevrildiyi gün
[06.09.2011]

Anar ŞABANOĞLU

Bir neçə gündür Bakıdakı İran səfirliyinin qarşısında dalbadal aksiyalar olur. Hətta şənbə günü qadınlar da ayrıca piket keçiriblər. Bu gün sadəcə azərbaycanlı doğulduqları üçün İranda mənəvi-fiziki terrora məruz qalan, həbsxanalarda çürüyən, qanı-qanımızdan, canı-canımızdan olan məsum insanlara dəstək vermək sırası futbolsevərlərə çatıb!

Hərçənd günlərdir facebook-da ömründə futbola baxmayan həmvətənlərimiz qruplar yaradır və hər kəsi Azərbaycan-Qazaxıstan oyununda Güneydə farslar tərəfindən əzilən canlarımızın haqq səsinə səs verməyə çağırır. Belə gözəl təşəbbüslə çıxış edən qardaş-bacılarımıza dəstək olmaq isə hər birimizin, o cümlədən futbol azarkeşlərimizin borcudur. Bu gün bütün fan-klublarımızın üzvləri, stadiona gələn hər kəs bir ağızdan «Azərbaycan oyaqdır, Cənubuna dayaqdır», «Sərhədləri sındıraq, Urmu gölü dolduraq», «Güneydə canlanmadı özlədiyim birliyə çox qalmadı» deyəcək!

Facebook-da verilən elanlara görə azarkeşlər kompakt olaraq bir sektorda yığışmayacaq. Ayrı-ayrı sektorlar xüsusən 7-ci və 8-ci sektorlar azarkeşlərin arasında daha populyardı, əgər bu sektorlara bilet tapmasanız 9-10 sektorlara bilet ala bilərsiniz. Qiymət o qədər də baha deyil 1-2 manat arası.
 
Bu gün meydanda və tribunlarda sadəcə Şimali Azərbaycan milli yığması və onun azarkeşlərinin olmadığını dünyaya göstərməliyik. Bu gün meydanda və tribunalarda Bütöv Azərbaycan və onun qorxmaz övladları olacaq! Bu gün meydanda həmdə «Qarabağ» və «Traktor» olacaq!

 Təbriz «Traktor»u sadəcə bir futbol klubu deyil həmdə Güney Azərbaycanın azadlıq simvoludur. «Traktor»un ev oyunlarına baxmağa gələnləri futboldan çox millətinin gələcəyi düşündürür. Belə olmasa əliyalın insanlar silahlı polislərin qabağında «Türk dilində mədrəsə, olmalıdır hər kəsə», «Bakı Təbriz Ankara türk hara farslar hara», «Azərbaycan bir olsun mərkəzi Təbriz olsun», «Azərbaycan bir olsun, istəməyən kor olsun» və bu kimi başqa şüarlar hayqırmaz. Millətinin fars əsirliyində olan çoxluğuna biganə qalmayan hər kəs Təbriz stadionunun tribunalarından səhnələri izlədiyi anlarda güneyli əzizlərimizin yanında olmaq istəyir. Azərbaycan-Qazaxıstan oyununda "Tofiq Bəhramov"u "Yadegar-e-Emam"a çevirmək bununla da Güneyin bir başqa azadlıq simvolu Urmu gölünə, ümumiyyətlə türk olduqlarına görə min bir əzab-əziyyət və alçaldılmalara məruz qalan 40 milyonluq əsir qandaşlarımıza ən azı mənəvi dəstəyimizi əsirgəməmək şansımız var. Quzeyin yatmadığını və Güneydəki qardaş-bacıları satmadığını göstərməliyik.

Bu gün futbolçularımızın da üzərinə böyük yük düşür. Onların tribunadakılara qoşulub şüar söyləmək imkanı yoxdur. Onlar sözlərini meydançada deməlidir!
Molla rejiminin Quzey Azərbaycandakı qulları «Əhli-Beyt» tipli cəmiyyətlərlə xalqı manqurtlaşdırıb Quzeyi də İrana birləşmək xülyasındadı. Allaha and olsun, onların fars müəllimlərinin və sponsorlarının başlıca ideyası budur! Bu gün də yatsaq sabah İran «İslam» respublikasında oyanacağıq. Bir anlıq gələcək nəsillər üçün nə qoyduğumuzu düşünək və «Yaşamağımın mənası nədir?» sualına cavab axtaraq...

Anar Şabanoğlu

7859 dəfə baxılıb

   Facebook Twitter MySpace Google

MÜƏLLİFİN DİGƏR YAZILARI                        
 
19.01.2024  13:44 "Neftçi" - "Pünik": həyatımın matçını yada salarkən...
03.09.2021  12:37 Əli Qurbani ilə Höccət Haqverdi millidə nə gəzir?
19.03.2020  11:08 “Neftçi” martda yox, yanvarda yaranıb!
13.12.2019  19:03 Sonun başlanğıcı – Üçüncü yazı
12.12.2019  15:56 Azərbaycan futbolu: Məmmədovdan Məmmədova
11.12.2019  14:43 Sonun başlanğıcı...
02.12.2019  15:59 Futbola niyə pul buraxılsın?
24.11.2019  16:12 "Bəlkə də xoşbəxtik, xəbərimiz yox..."
27.09.2019  14:22 Ponomaryovun təyinatını topa-tüfəngə tutanlar...
14.09.2019  12:07 İşlər fırıq olanda azarkeşlər yada düşür
07.09.2019  13:50 Milli komandalarımızda yalnız azərbaycanlılar oynamalıdı
02.09.2019  16:08 “Neftçi”dən göndərilməli olanlar...
20.08.2019  13:01 Belə klub prezidentilə “Neftçi” uzağa gedə bilməz!
30.04.2019  14:00 BalaKİŞİ, Səmədov və... Medvedev
19.09.2017  12:50 Futbolmuzun Nicatı naminə!
11.09.2017  14:15 Ronaldo və İbrahimoviçə qarşı oynayan “Qarabağ”lılıar
06.09.2017  17:28 Qurban Qurbanovun haqqı
03.09.2017  13:55 "Kamal, Bəxtiyar, Ədahim olan yerdə Fiqu kimdi?"
31.08.2017  16:11 "Neftçi"dəki böhranın əsas səbəbləri
29.08.2017  13:14 Bizə futbol lazımdı?
15.08.2017  13:19 Əfranlara dəstək verək!
12.07.2017  12:08 Tanımadığımız "Fola"nın tanış simaları
06.07.2017  16:46 Zəhra üçün...
27.04.2017  12:56 Rauf Əliyevin son şansı...
24.04.2017  12:13 Yubileyin mübarək, dəvəsi ölmüş ərəbim!..
18.03.2017  13:18 80 ilin matçı - "Neftçi" erməniləri necə döydü?
27.10.2016  17:17 Katalizator, tiran - Katalin Tira
05.02.2015  13:57 Bizim Samir
07.07.2014  14:45 Futbol, sadəcə, futbol deyil
19.05.2014  14:05 Land of fire Azerbaijan!
08.05.2014  12:50 Qara çempionluq
28.01.2014  11:41 Movsisyanlar – yalançı bakılılar
02.08.2012  19:25 Eli nursuz qoyma, cır polis vəsiqəni!