Üç gündür "Neftçi" ilə oyunun hazırlıqlarını davam etdirən "Simurq"un baş məşqçisi Roman Pokora vacib qarşılaşma ərəfəsində gözlənilməz problemlərlə üzləşib. Qol.Az-ın klubun rəsmi internet saytına istinadən verdiyi məlumata görə, xəstəliyi üzündən uzun müddətdir oynamayan Camal Məmmədov, zədəli Vüsal Qarayev və dizindəki problemlərə görə "Qarabağ"la matçı buraxan Kaxaber Çxetianidən əlavə, bu bazar günü Zqatala təmsilçisi bir neçə futbolçunun xidmətindən məhrum ola bilər. Bunların arasında "Simurq"un aparıcı üzvləri - kapitan Aleksandr Malıgin və vitse-kapitan Elşən Məmmədov da var.
Artıq bir neçə gündür düşərgədə qrip epidemiyası başlayıb. Malıgin və Məmmədovla yanaşı, Fuad Əhmədov, Samir Abdulov, Sergey Sokolov və Teymuraz Qonqadze də məşqlərdə iştirak etmirlər. Yüksək hərarəti olan futbolçular hazırda təcrid olunublar və müalicələri davam edir. Bundan başqa, baş məşqçi Roman Pokora özü, o cümlədən, komandanın həkimi, massajçısı və inzibatçısı da yüksək hərarətdən əziyyət çəkirlər. Futbolçular sabahkı məşqə qədər sağalsalar, həkimlər onların "Neftçi" ilə görüşdə meydançaya çıxmalarına icazə verə bilərlər.
Xatırladaq ki, məhz yüksək hərarət və qrip üzündən "Qarabağ"la son turun görüşündə Elşən Məmmədov oyuna sonradan daxil olmuş, meydançaya çıxa bilməyən Qonqadzenin əvəzinə isə Andrey Sokolenko mübarizə aparmışdı.
"Liverpul"da ciddi itki
Mourinyo əsəbiləşdi
Aydın finala çıxdı
“Fənərbaxça”dan xal itkisi
Azərbaycanın 3 boksçusu növbəti mərhələdə
MEDİA sosial şəbəkə istifadəçilərinə müraciət edib
“Neftçi” və “Difai” rəhbərliyi arasında görüş keçirildi
Liderdən qələbə, "Şəki Siti" və "Ağdaş" uduzdu
"Uduzuruqsa, bunun tək günahkarı biz futbolçularıq" - “Araz-Naxçıvan”ın yarımmüdafiəçisi
Modriç gələcəyi ilə bağlı qərar verdi
Fabio Kannavaro A seriyası klubunda
7 oyunun vaxtı məlum oldu
Con Terri və Endi Koul Premyer Liqanın Şöhrət Zalında
"Bakı Sportinq" "Cəbrayıl"a belə qalib gəldi - Video
Birinci Liqada oyunların vaxtı müəyyənləşdi
Liderlərin oyununda qonaqlar qalib gəldi