I dövrədən sonra zirvədə üçhakimiyyətlilikdir

Bu gün Unibank Premyer Liqada birinci dövrənin axırıncı - XI turunun son üç oyunu keçirilib. Qol.Az saat 14:00-dan etibarən XI turun son 3 oyunundan canlı-mətn reportaj yayımlayıb.

22 noyabr (bazar)

"Muğan" - "Bakı" 0:1 
Salyan Olimpiya Kompleksinin stadionu
Hakimlər: Məmmədov Rasim, Əliyev İlham, Haşımov Mübariz, Feyzullayev Feyzulla

"Bakı" ardıcıl üçüncü qələbəsini qazandı. Jaba isə növbəti dəfə komandanın xilaskarı rolunda çıxış etdi.   

Oyun başa çatdı.

90. QOLLLL. "Bakı" son dəqiqələrdə hesabı açdı. Jaba fərqləndi.   

71. İndi də ərazi üstünlüyünü "Muğan" ələ keçirib.

64. Son beş dəqiqə ərzində "Bakı" üstünlüyü ələ keçirib. Lakin hələ ki, "Muğan"ın müdafiə xəttini yarmaq mümkün olmur.

56. İkinci hissədə də oyunun ssenarisi dəyişməyib. Komandalar elə də fəal deyillər.

İkinci hissə başladı.

Birinci hissə başa çatdı.

43. "Muğan"ın qapıçısı Kurtanoviç Adamiyanın fərqlənməsinə imkan vermədi.

31. Adis Çulovun zərbəsi təhlükəli alındı.

20. Komandalar əsasən mərkəz uğrunda mübarizə aparırlar. Hələ ki, qapılar qarşısında real qol epizodu yoxdur.  

14. Oyun qarşılıqlı hücumlar şəraitində keçir.

5. Matça "Bakı" fəal başlayıb. Soliçin təhlükəli zərbəsi az fərqlə qapının yanından keçdi.  

Oyun başladı.

21 noyabr (şənbə)

"Simurq" - "Turan" 2:1
Zaqatala şəhər stadionu
Hakimlər: Muradov Elnur, Abdullayev Munis, Durmuşov Elşən, Həşimov Zahid

Bu qələbə sayəsində xallarını 23-ə çatdıran "Simurq" "İnter"lə birgə zirvəyə şərik oldu.  

Oyun başa çatdı.

87. Pokora da üçüncü dəyişiklik hüququndan yararlanır. Sergey Artyuxu Teymuraz Qonqadze əvəzlədi.  

86. "Turan"da sonuncu dəyişiklik. Muammer Erdoğdunun əvəzinə oyuna Asəf Qədiri daxil olur.

85. Şeryakov oyuna daxil olan kimi sarı vərəqəylə cəzalandı.

84. "Simurq"da ikinci dəyişiklik. Nikolay Petrovu Andrey Şeryakov əvəzlədi.

83. Ruslan Abbasov yenə də fərqlənə bilərdi. Lakin bu dəfə "Simurq"un qapıçı qola imkan vermədi.

80. Petrov növbəti dəfə şansını boşa verdi.

77. "Turan"da ikinci oyunçu dəyişikliyi baş verir. Nadir Nəbiyevi Junivan Suares əvəzlədi.

74. Artyux üçüncü qolu vura bilərdi. Lakin "Turan"ın qapıçısı yıxılaraq, topu onun ayaqları altından çıxardı.

72. "Simurq"da əvəzetmə. Elşən Məmmədovu Aleksandr Malıgin əvəzlədi.

70. Boldvadzenin zərbəsini "Turan"ın qapıçısı Saidov dəf edir.

66. "Turan"ın heyətində ilk oyunçu dəyişikliyi baş verir. Bayram Kərimovu Valeri Onila əvəzləyir.

63. QOL. "Simurq" hesabda önə keçdi. Kaxaber Çxetiani cərimə zərbəsindən topu qapıya göndərdi.

60. Tural Cəlilovun asmasını Sergey Artyux başla zərbəylə tamamlasa da, top qapının yanından keçdi.

51. Petrovun başla zərbəsi qapının yanından keçir.

50. İkinci hissəyə "Simurq" fəal balayıb. Lakin rəqib qapısı qarşısında təhlükəli epizod yaratmaq hələ ki, mümkün olmayıb.

İkinci hissə başladı.

Birinci hissə başa çatdı.

41. "Simurq"un ardıcıl künc zərbələri yerin yetirsə də, Qunçakın hər iki zərbəsi yalnız təhlükəylə yadda qaldı.

39. QOL. "Simurq" hesabı bərabərləşdirdi. Solonitsin nəhayət ki, üçüncü cəhddə istəyinə çatdı. Yurı Bulıçevdən ötürməni qəbul edən latviyalı futbolçu bir rəqibindən sıyrılaraq, topu "doqquzluğ"a göndərdi.

36. Solonitsin əlverişli mövqedə olsa da, zərbə vurmağa gecikdi.

33. Solonitsin topu qəbul edərkən əllə oynadı.

30. Qoldan sonra "Simurq" özünə gələ bilmir.

27. QOL. "Turan" gözlənilmədən hesabı açdı. Ruslan Abbasov təxminən təxminən 25 metrdən qapının dəqiq nişan aldı.  

Bu dəqiqələrdə oyun tamamilə "Simurq"un üstünlüyü şəraitində keçir.

22. Meydan sahibləri daha bir şansı boşa verdi. Solonitsin topa toxuna bilmədi. Əks halda yəqin ki, hesab açılacaqdı.

17. "Simurq" oyunda ikinci rel qol şansını yaratdı. Petrovun başla zərbəsini "Turan"ın qolkiperi Saidov düz qapı tirinin altından çıxardı.

16. "Turan"dan Kovalevski qapıya zərbə vurdu. Top Postranskidə qaldı.

14. Çxetianinin yerinə yetirdiyi cərimə zərbəsini "Turan"ın qapıçısı tutdu.

11. "Simurq" oyunda ilk real qol epizodunu yaratdı. Sergey Sokolov künc zərbəsindən ötürülən topu 3 metrdən qapı dirəyinə vurdu.

10. Hər iki komanda hücumu hücumla cavab vermək istəyir.

5. "Turan"ın növbəti künc zərbəsi nəticəsiz qaldı.

3. Sergey Artyuxun 25 metrdən vurduğu təhlükəli zərbə qeyri-dəqiq alındı.

1. İlk künc zərbəsini "Turan" yerinə yetirsə də, "Simurq"un müdafiəçiləri təhlükəni sovuşdurdula.

Oyun başladı.

"Karvan" - "Xəzər Lənkəran" 0:2 
Yevlax şəhər stadionu
Hakimlər: Əhmədov Rövşən, Əsədov Ramiz, Məmmədov Azər, Fərhadov Teymur

Bu qələbə sayəsində "Xəzər Lənkəran" tunir cədvəlində "Neftçi"ni geridə qoyaraq, beşinci pilləyə yüksəldi.  

Oyun başa çatdı.

80. "Karvan"dan Markus Fereyranın zərbəsi təhlükəli alındı.

73. Son dəqiqələrdə "Karvan" oyunda üstünlüyü ələ alıb. "Xəzər Lənkəran" isə bir qədər arxaya çəkilərək, rəqibi əks hücumda yaxalamağa çalışır.

62. "Xəzər Lənkəran" üçüncü qolu vura bilərdi. Lakin Todorovun cinah ötürməsinə toxunan olmadı.

56. Kalinkovun zərbəsi təhlükəli alındı.

51. "Xəzər Lənkəran"dan Juninyonun cərimə zərbəsi qapının üstündən keçdi.

İkinci hissə başladı.  

Birinci hissə başa çatdı.

39. QOL. "Xəzər Lənkəran" ikinci qolu vurdu. Svetkovun ötürməsindən sonra Kalinkov qapını dəqiq nişan aldı.

36. "Karvan" hesabı bərabərləşdirməyə çox yaxın idi. Lakin Yakuba Bamba Kamran Ağayevlə təkbətəkdən qalib ayrıla bilmədi.

32. "Xəzər Lənkəran" ikinci qolu vurmağa yaxın idi. Lakin "Karvan"ın qolkiperi bu dəfə də Nizami Hacıyevin sevinməsinə imkan vermədi.

19. QOL. "Xəzər Lənkəran" hesabı açdı. Mario Souza fərqləndi.

14. "Xəzər Lənkəran"dan Nizami Hacıyevin zərbəsi təhlükəli alındı. Lakin "Karvan"ın qapıçısı çətinliklə də olsa, topu qaytara bildi.

2. "Karvan" oyuna fəal başladı. İsmayıl Məmmədovun ötürməsindən sonra Yakuba Bambanın başla zərbəsi qapının yanından keçdi.

Oyun başladı.

20 noyabr (cümə)
"Standard" - "Qəbələ" 1:2 
M.Hüseynzadə adına Sumqayıt şəhər stadionu
Hakimlər: Salmanov Anar, Əsgərov Azər, Əliyev İsgəndər, Əsgərov Elvin

Bununla da "Standard" ilk dövrəni qələbəsiz başa vurdu. "Qəbələ" isə bu qələbə sayəsində turnir cədvəlində ikinci pilləyə yüksəldi.

Oyun başa çatdı.  

90. "Standard" hesabı bərabərləşdirmək şansını boşa verdi. Samir Zərgərovun baş zərbəsi təhlükəli alınsa da, top dirəyin yanından keçdi.

79. Ramiz Məmmədov sonuncu oyunçu dəyişikliyi hüququndan yararlanır. Vladimir Bondarçuku Namiq Əliyev əvəzləyir.

78. "Qəbələ" meydanda azlıqda qaldı. İkinci qolun müəllifi Melnik hakimi söydüyünə görə meydandan kənarlaşdırıldı.

74. QOL. "Standard" nəhayət ki, hesab arasındakı fərqi azalda bildi. Zeynel Zeynalov uzaq küncü dəqiq nişan aldı - 1:2.

71. "Standard"da dəyişiklik. Georgi Seturidzeni Vasif Əliyev əvəzləyir.

69. "Standard" hesab arasındakı azaltmağa çox yaxın idi. Lakin qapıçıyla üzbəüz qalan Murad Ağakişiyevin zərbəsində dəqiqlik çatışmadı.

68. QOL. "Qəbələ" ikinci qolu vurur. İqor Melnik fərqləndi.

59. "Qəbələ" hesab arasındakı fərqi artıra bilərdi. Lakin Lyubo Baraninin zərbəsi qapının üstündən keçdi.

57. "Qəbələ"nin baş məşqçisi Ramiz Məmmədov orta sahıəni gücləndirmək qərarına gəlir. Gənc məşqçi hücumçu Kənan Kərimovu orta sahə oyunçusu Yaşar Abuzərovla əvəzləyir.

49. "Qəbələ"nin heyətində ilk əvəzetmə baş verir. Tomaş Stolpanın əvəzinə meydana Anatoli Ostap daxil olur.

İkinci hissə başladı.

Birinci hissə başa çatdı.  

37. "Standard"ın baş məşqçisi Böyükağa Hacıyev artıq ilk oyunçu dəyişikliyini edir. Aqil Məmmədovun əvəzinə meydana Samir Zərgərov daxil oldu.

26. "Standard"dan Maçadonun zərbəsi təhlükəli alındı.

21. QOL. "Qəbələ"nin futbolçusu Tomaş Stolpa hesabı açır.

15. "Qəbələ" ilk rel qol epizodunu yaratdı. Lakin "Standard"ın qolkiperi Anar Nəzirov Razvan Tarleanın fərqlənməsinə imkan vermədi.

10. Uqo Sançesin zərbəsinin qarşısını yenə də "Qəbələ"nin qolkiperi aldı.

2. Matça meydan sahibləri fəal başlayıb. Aqil Məmmədovun zərbəsini "Qəbələ"nin qapıçısı Pavel Dorosev tutdu.  

Oyun başladı.

TURNİR CƏDVƏLİ