Azərbaycan milli komandasının almaniyalı baş məşqçisi Berti Foqtsun I köməkçisi Vaqif Sadıqov dünən Finlandiyanın paytaxtı Helsinkidə Avropa Liqasının üçüncü təsnifat mərhələsi çərçivəsində keçirilən “Honka” - “Qarabağ” matçı və milli üzvlərinin çıxışı ilə bağlı Qol.Az-saytına müsahibə verib.
- Vaqif müəllim, “Qarabağ”ın qələbəsi sizin üçün gözlənilməz olmadı ki?
- Mən ilk növbədə rəqib haqqında danışmaq istərdim. “Honka”nın son illərdə avrokuboklardakı çıxışlarını araşdırsaq, görərik ki, bu komanda bir qayda olaraq 2 mərhələ keçməyi bacarıb. Demək, təcrübəli klubdur. Yəni, “Rusenborq” üzərindəki qələbədən sonra “Honka”ya yuxarıdan-aşağı baxmaq qəti düzgün olmazdı. Şadam ki, “Qarabağ” belə bir komandanı məhz onun meydanında məğlub etməyi bacardı. Özü də bütün komponetlərdə rəqibini üstələməklə. Mənim üçün sevindirici bir məqam da o oldu ki, komandamız ikinci hissədə üstünlüyü tam ələ aldı. Halbuki, bizim klublarımızın ən mənfi cəhətlərindən biri də budur ki, ikinci hissədə yorulurlar və üstünlüyü rəqibə verirlər.
- Çoxları belə düşünür ki, “Qarabağ” bu oyunla yerli futbolçuların legionerlərdən geri qalmadığnı sübut etdi.
- Yox, gəlin yerlilərlə, gəlmələr arasında belə müqayisələr aparmayaq. Digər tərəfdən baxsaq, “Bakı”nın mərhələ keçməyində əcnəbilərin rolu oldu. Amma təbii ki, Ağdam klubunda yerli futbolçuların üstünlük təşkil etməsi və ən yaxşı, istedadlı azərbaycanlı uşaqların cəmləşməsi çox alqışalayiqdir. Bu mənada mən deyərdim ki, “Qarabağ” yavaş-yavaş əsl xalq komandasına çevrilir.
- Millinin üzvləri necə təsir bağışladılar?
- Hər oyun olduğu kimi bu dəfə də stabil çıxışları ilə yadda qaldılar. Bilirsiniz, “Qarabağ” komanda olaraq, kollektiv şəkildə yaxşı oynadığından mən də ayrı-ayrılıqda mili üzvlərini fərqləndirə bilmərəm. “Qarabağ”ın o xüsusiyyəti də xoşuma gəlir ki, bu komandada “mən” yox, “biz” anlayışı var. Yəni, hamı eyni nöqtəyə vurur, fərdi yox, kollektiv şəkildə uğur qazanmağa çalışır.
- Amma hər halda milli komandanın məşqçisi kimi sizin Finlandiyaya yolanmaqda əsas məqsədiniz milli üzvlərinin oyununa baxmaq olub.
- Elədir, razıyam. Təbii ki, komanda ümumilikdə uğur qazanıbsa, demək milli üzvləri də yaxşı təsir bağışlayıblar. Amma mən sizə deyim ki, orada tək milli komandanın formasını geyinən yox, bütün oyunçuların oyununa diqqət yetirdim. Deyərdim ki, onlar arasında da millidə oynamağa namizəd futbolçular var.
- “Qarabağ”ın növbəti mərhələyə çıxmaq şanslarının xeyli yüksək olduğunu deyə bilərik?
- Gəlin tələsməyək. Mən avqustun 6-nı gözləməyi məsləhət görərdim. Qoy, damğanı məhz həmin vaxt vuraq.
- Ümumiyyətlə, “Qarabağ”ın, daha konkret, onun baş məşqçisi Qurban Qurbanovun oyun modeli haqqında da fikirlərinizi bilmək maraqlı olardı. Skandinaviya futboluna qarşı oynamaq həmişə bizim üçün problem olub. Amma “Qarabağ” Skandinaviay təmsilçilərinə qarşı 3 oyun keçirsə də, hələ ki, qapısından top buraxmayıb.
- Mən tək taktikanı, bu iki oyunu nəzərdə tutub, danışmaq istəmirəm. Həqiqətən, Qurban Qurbanov futbola öz müasir baxış tərzi ilə seçilir. Yəni, onun dəsti-xətti, oyun fəlsəfəsi müasir futbolun tələblərinə cavab verir. Hələ ölkə çempionatı və ölkə kubokunun oyunları zamanı da bunu görmək mümkün idi və mən o vaxtdan bu fikirlərimi demişəm.
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı