Qurban barədə danışmaq istəyirəm. Müstəqillik illərində Azərbaycan futbolunun yetirdiyi ən önəmli fiqurlardan olan Qurban Qurbanovdan. Səbəbi sadədir – ilin sonunda keçirilən çoxsaylı rəy sorğularında respondentlər “İlin məşqçisi” nominasiyasında, əsasən, onu fərqləndirdi, adını ön sıralarda çəkdi. Əslində bu, mütəxəssisin halal haqqıdır və təəccüblü bir şey yoxdur. Desəm ki, Qurban Qurbanov futbolumuz üçün böyük qazancdır, yenə təzə nəsə demiş olmayacağam. Ancaq istərdim ki, bir sualı cavablandıraq: onu Azərbaycan futboluna kim qazandırdı?
Sual bir az ritorik, bir qədər də qəribə, cavabı məlum kimi səslənir, amma mən o məqamlara toxunmaq istəyirəm ki, Qurbanın Qurban olmasında həlledici rola malikdir.
Təbii ki, nailiyyətin, müvəffəqiyyətin, qələbənin, uğurun mayasını bacarıq, qabiliyyət, işgüzarlıq kimi keyfiyyətlər təşkil edir. Lakin bu da bir həqiqətdir ki, nəyə qadir olduğunu göstərmək üçün şərait başlıca şərtdir. Gəlin unutmayaq, qiymətli metal torpaqda da qiymətlidir, amma əsl dəyərini yalnız hasil olunanda alır.
1-ci məqam: dözümlü adamdır, səbrlidir. Milli komandada çıxış etdiyi vaxtlar bir dəfə məşqə gecikmişdi. Niyə gecikməsi ilə maraqlanılmadı, federasiya rəhbərliyinin qınaq obyekti oldu, bir müddət hətta millidən uzaqlaşdırıldı da. Ancaq Qurban qaranı qaraya tutmadı, yenidən ölkənin əsas komandasına çağırılanda “yox” demədi, qayıtdı və canla-başla oynadı, Azərbaycanı düşünərək oynadı. Bu günə qədər də millidə rəsmi görüşlərdə ən çox qol vurmuş futbolçudur.
2-ci məqam: milli qüruru var: Rusiyada legionerlik həyatı yaşayarkən “Sport-Ekspress” qəzeti ondan müsahibə götürərkən, rusiyalı həmkarımızla şərt kəsmişdi – “məni “Kurban Kurbanov” yox, “Qurban Qurbanov” kimi təqdim edəcəksinizsə, müsahibə verərəm”. Razılaşmışdılar və indinin özündə də ruslar şərtə əməl edirlər. Halbuki, bizim rusdilli mətbu orqanlar “Qarabağ” klubunun adını “Karabax” şəklində yazırlar. Qurbanda olan milli təəssübdən bir az da onlarda olsaydı.
3-cü məqam: çox yüksək mədəniyyət sahibidir. Ölkə miqyasında “bərkgedən” idman nəşrlərindən biri sorğu keçirmiş və Q.Qurbanov ilin futbolçusu seçilmişdi. Sorğunu keçirən qəzet bir səhifədə nəticələri, kimin-kimə səs verdiyini dərc etmiş, yanaşı səhifədə isə, nə qalibə, nə də respondentlərə hörmət qoyaraq, “Birincimiz budursa” sərlövhəli məqalə yerləşdirmişdi. Bütün bunlara özünəməxsus soyuqqanlıqla yanaşan Qurban hər şeyi adamların vicdanına buraxdığını demişdi.
4-cü məqam: “Neftçi”yə baş məşqçi təyin olunanda çoxlarının nəzərində bu sahədə “piyada” idi. Baxmayaraq ki, İspaniyadan belə, bir sıra ölkələrin tanınmış klublarında uzunmüddətli kurslar keçmişdi. İşləməsinə imkan vermədilər – kimlərsə hesab elədi ki, Qurban onların “özəlləşdirdiyi” sahəyə daxil olub. Həmin “uzaqgörənlər” öyrədilmiş adamları tribunalarda yerləşdirməklə, məşqçilik kimi böyük dəryada ilk kövrək addımlarını atan gənc və həqiqətən perspektiv vəd edən mütəxəssisi “istefa” şüarlarına qonaq etdilər. Beləcə, Qurban gedəsi oldu.
5-ci məqam: daxilən və mənən zəngin insandır. Bir vaxtlar şərəfini qoruduğu komandadakı münasibətdən sınmadı, sarsılmadı, yoluna davam etdi, çünki cövhərində peşəkarlıq vardı. Bekarçılığın ömrü uzun olmadı, “Qarabağ”dan təklif aldı və 2008-ci ildən bəri gözəl işbirliyinin şahidiyik. Doğrudur, komandanı çempion edə bilməyib, ancaq bu çatışmazlığı avrokuboklardakı uğurlu çıxışla unutdurub. Qurban klub rəhbərliyinə, klub rəhbərliyi də ona inanır. Məncə, Qurbanı bacarıqlı bir məşqçi kimi Azərbaycana qazandıran əsas amillərdən biri məhz budur və ona görə “Qarabağ” FK-nın səlahiyyət sahiblərinə təşəkkür düşür. Əgər onlar da kiçicik geriləməni, çatışmazlığı aqressiv qarşılayıb, məsələyə “məşqçini dəyişmək lazımdır” prinsipi ilə yanaşsaydılar, bu gün nə “Qarabağ” bu səviyyədə olardı, nə də Qurban.
Əksini sübut edən onlarla fakt göstərmək olar. Məşqçi əlcək kimi dəyişdirilirsə, deməli, idarəçilik işi düzgün qurulmayıb – istər həmin klub “Real Madrid” olsun, istər “Xəzər Lənkəran”. “Mançester Yunayted” təcrübəsi, necə işləmək mənasında, hamıya örnəkdir: ideal və anlaşıqlı işbirliyi nəticəsində Aleks Fergüson “MY”nu, “MY” da seri zirvələrə qaldırdı. Ona görə də, “Qarabağ”-Qurbanov tandemini alqışlayıb, bitib-tükənməyən uğurlar diləmək lazım gəlir!
Sizinlə həmsöhbət mən idim...
Rövşən BİNNƏTLİ
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!
Mbappe "Real" üçün 130 milyon avrodan keçməyə hazırdır
Azərbaycan çempionatında növbəti finalçı müəyyənləşdi
"Yurqorden" Musa ilə yolları ayıracağının anonsunu verdi
"Neftçi"nin iki futbolçusu "Qarabağ"la oyunu buraxacaq
Legioner rüsumu 50 min manat olsa...
Karlos Teves xəstəxanaya yerləşdirildi
Bir gündə beş boksçumuzun beşi də uduzdu - Avropa çempionatı
Kubokun cavab oyunlarına hakim təyinatları açıqlandı
Premyer Liqa klubunun futbolçuları saxlanıldılar
Arda Güler "Real"dan ayrılmaq istəmir
İtaliya kubokunda ilk finalçı bilindi
"Arsenal" "Çelsi"ni 5 cavabsız qolla məğlub etdi
"Göygöl"ün qələbəsi - Video
"Qəbələ" cavab oyununa itkilərlə çıxacaq
Çalhanoğlu: "Bir fincan qəhvə məndən bahadır"
Azərbaycanın U-17 millisi Belarusa uduzdu
"Füzuli" liderlə fərqi belə azaltdı - Video
“Bavariya” əfsanəvi futbolçuya heykəl ucaldacaq
"Şahdağ Qusar"ın qol şousu - Video
"Liverpul"da ciddi itki
2-ci liqa: 4 oyunda 19 qol