Azərbaycan Premyer Liqasının təxirə salınmış IV tur matçında “Simurq”a 0:2 hesabıyla məğlub olan “Xəzər Lənkəran”ın və Azərbaycan millisinin müdafiəçisi Ruslan Abışov Qol.Az-a müsahibə verib.
- “Simurq”a bu cür məğlubiyyət gözlənilməz olmadı?
- “Neftçi”yə uduzduqdan sonra bu oyuna ciddi hazırlaşmışdıq. İstəyirdik ki, qələbə qazanaq. İlk hissədə “Simurq” demək olar, hücum eləmədi. Qapıya cəmir bir zərbə getdi, o da qol oldu. Ancaq ikinci hissədə biz hesabda geridə olduğumuzdan irəli atıldıq ki, rəqib də bundan istifadə edib əks-hücumlarda epizodlar qazanmağa başladı. Nə deyə bilərəm, sanki komanda da istək, qələbə əzmi yoxdu. Mən öz adımdan danışaraq deyim ki, çox istəyirəm qələbə qazanaq. Ancaq meydançada cəmi üç azərbaycanlı var, qalanları legionerdir.
- Sənə elə gəlmir ki, legionerlər yerli futbolçulardan fərqli olaraq, oyuna az can yandırırlar, daha məsuliyyətsiz oynayırlar?
- Bilirsiniz, rəqabət olmayan yerdə futbolçu da meydançaya arxayın çıxır, istənilən oyunu oynamır. Yəqin ki, rəhbərlik bununla bağlı ölçü götürəcək.
- Qapıçı probleminin həll olunmaması da təsirini göstərir. Bununla razısan?
- Orxan Sadıqlı gənc qapıçıdır, səhv etməsidi də normaldı, hamımız o yolu keçmişik, səhv edə-edə öyrənmişik. Bu mənada hamımız Orxana dəstək olmalıyıq. O, Azərbaycan futbolunun yetişməkdə olan qapıçısıdır. Ancaq Kamranın qayıtmasını istərdim.
- Komandanızın baş məşqçisi Yunis Hüseynov oyundan sonra istefa verdiyini açıqladı. Buna münasibətin?
- Düzü, çox təəssüfləndim və hələ də buna inanmıram. Çox inanmaq istərdim ki, Yunis müəllim istefasını geri götürüb komandaya qayıdacaq.
- Necə düşünürsən, “Xəzər Lənkəran” uğursuzluq zolağından çıxa biləcək?
- Əlbəttə. Futbolda çox belə hallarla üzləşmişəm. Burada əsas yük futbolçuların üzərinə düşür. Məşqçi tapşırığını verir, onu meydançada futbolçular icra edir.
Anar XANLAROV
Klopp üzr istədi
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Təəssüf ki, vəziyyətimiz çox üzücüdür" - Kaxaber Sxadadze
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!
Mbappe "Real" üçün 130 milyon avrodan keçməyə hazırdır
Azərbaycan çempionatında növbəti finalçı müəyyənləşdi
"Yurqorden" Musa ilə yolları ayıracağının anonsunu verdi
"Neftçi"nin iki futbolçusu "Qarabağ"la oyunu buraxacaq