“Qəbələ”nin baş məşqçisi Fatih Kavlak Qol.Az-a müsahibə verib
- Komandanızın hazırlığı necə gedir, heyətdə hansı dəyişikliklər var?
- Hər şey qaydasındadır, hazırlıqlarımız da öz qaydasında gedir. Heyətə gəlincə, bildiyiniz kimi, sloveniyalı Keları heyətimizə qatmışıq. Hazırda bir qapıçı ilə də anlaşmağa çox yaxınıq, ola bilsin, elə bu gün müqavilə bağladıq. Bir nəfər də müdafiəçi ilə danışıqlarımız gedir.
- Həmin futbolçuların adlarını açıqlaya bilərsiniz?
- Xeyr, hələ rəsmi müqavilə imzalanmadığından konkret ad çəkmək istəmirəm. Hər şey rəsmiləşəndən sonra ad da açıqlanacaq.
- Bilirik ki, hazırlığın ikinci mərhələsini Sloveniyada keçəcəksiniz və 5 yoxlama görüşündə qüvvənizi sınayacaqsınız. Rəqibləriniz artıq məlumdur?
- Hələ ki, məlum deyil.
- Heyəti tam komplektləşdirib Sloveniyaya gedəcəksiniz, yoxsa ola bilər ki, orada da kimisə sınaqdan çıxardasınız?
- Ümumiyyətlə, “Qəbələ” heç kimi baxışa çağırmır. Bizdə “baxış” deyilən söz yoxdur. Bəyəndiyimiz futbolçunu dəvət edib onunla birbaşa müqavilə bağlayırıq. Dediyim kimi, heyəti demək olar, komplektləşdirmişik və yalnız iki oyunçu qalıb. Onlarla da tam razılaşıb müqavilə bağladıqdan sonra toplanışa yollanacağıq.
- Maraqlıdır ki, bizdən daha çox inkişaf etmiş Türkiyə futbolunun iki təmsilçisi - “Antalyaspor” və “Elazıspor” hazırlıq keçmək üçün Qəbələyə gəldiyi halda, “Qəbələ” Sloveniyanı seçir. Bu nə ilə əlaqədardı?
- Dediyiniz komandalar daha başqa iki məkanda hazırlıq keçib sonra Qəbələyə gələcəklər. Öz təmsil etdikləri şəhərlərdə heç hazırlıq keçmədilər. Təbii ki, biz də Qəbələnin, buradakı şəraitin önəmini bilirik. Ona görə də hazırlığımızın əsas hissəsini burada keçdik. Sadəcə, yoxlama görüşləri keçirmək üçün Sloveniya daha uyğun məkandı. Çünki burada qalsaq, ancaq 2-3 Azərbaycan klubu ilə yoxlama görüşü keçirə bilərik ki, bu da bizə sərf etmir.
- Növbəti mövsüm üçün qarşıya qoyduğunuz məqsəd nə olacaq, sırf çempionluq, yoxsa avrokuboklara vəsiqə?
- Hədəfimiz yüksək yerlərdi, bunu açıqlamışıq. Dəvət etdiyimiz futbolçulardan da razıyam, istədiyim heyəti qura bilmişəm və bu mənada rəhbərliyə öz təşəkkürümü bildirirəm. Çünki bunun üçün mənə bütün şəraiti yaratdılar.
- Bəs, oyun planında hansısa dəyişiklik olacaq? Ötən mövsüm daha çox Mendi-Kamana-Dodo üçlüyünün sürətinə güvənirdiniz və oyun daha çox onların üzərində qurulurdu. Bu mövsüm necə olacaq, “Qəbələ” daha çox hücum, yoxsa müdafiə futbolu oynayacaq?
- “Qəbələ” ilk növbədə qazanmaq üçün oynayacaq. Əldə olan futbolçulara uyğun taktika qurulacaq. Belə deyək, qol vurmaq üçün 20 ötürmə vermək lazımdırsa, 20 ötürmə veriləcək. Əsas odur ki, istədiyimiz nəticəni qazanaq.
Anar XANLAROV
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video