Azərbaycan futbolçularının və bəzi məşqçilərinin danışıqlarında qüsurlar olması, jurnalistlə ünsiyyət zamanı öz fikrini ifadə etməkdə çətinlik çəkməsi barədə mətbuatda dəfələrlə yazılar gedib. Şübhəsiz ki, futbolçunun birinci vəzifəsi öz işiylə peşəkar səviyyədə məşğul olmaqdır və ondan ilk növbədə tələb edilən öz adına layiq oyun göstərməkdir. Amma istənilən halda, kamera qarşısında özünü itirməsi, daha doğrusu, məhz öz peşəsinə dair suallar qarşısında donub qalması yaşıl meydanda sözünü demiş peşəkar futbolçu üçün mənfi hal sayıla bilər.
Azərbaycanın məşhur futbolçularından birinin ANS-in canlı yayımında bütün suallara qısaca olaraq «hə» və «yox» cavabları verməsini tamaşaçılar hələ də istehzayla xatırlayırlar. Ümumiyyətlə, bu gün eyni sözləri təkcə Azərbaycan futbolçusuna yox, eləcə də bir çox məşqçiyə və klub rəhbərinə də aid etmək olar.
Bəs, bu məsələdə Azərbaycanda oynayan və çalışan xarici futbol adamları arasında vəziyyət necədir? Futbol azarkeşləri bilməsə də, jurnalistlər təsdiq edərlər ki, legioner futbolçular və əcnəbi mütəxəssislərlə həmsöhbət olmaq media nümayəndələrinə daha maraqlı gəlir. Xüsusilə, «İnter»in prezidenti Georgi Nikolov, «Bakı»nın vitse-prezidenti Tunc Avşar, «Qarabağ»ın məşqçisi Mehmet Ak natiqliq bacarığı ilə seçilir, futbolla bağlı fikirlərini peşəkar səviyyədə çatdıra bilirlər. İki gün əvvəl telekanallardan birinin qonağı olan «Neftçi»nin türkiyəli futbolçusu Suat Usta isə özünün danışıq qabiliyyətilə Azərbaycanın bir çox futbolçusuna nümunə göstərdi. Yəqin siz də razılaşarsınız ki, Suatın həyat tərzi elə Azərbaycan futbolçusunun həyat tərzi kimidir. Yəni o da hər gün məşqlər edir, futbol oynayır, kitab, qəzet oxumağa yetərincə vaxt tapa bilmir. Amma fərq ondadır ki, Suatın söz bazası var, bizimkilərin böyük əksəriyyətinin isə yoxdur. Bir az da sadə desək, Azərbaycan futbolçusundan 10-15 dəqiqiyə kəlbətinlə çıxarılan sözü, Suat bir sualın cavabında ifadə etmək məharətini göstərdi. Bəs, Suatın, eləcə də Suatın timsalında Azərbaycanda oynayan legionerlərin əksəriyyətinin danışıq qabiliyyətinə görə bizim futbolçulardan irəli getməsinin və mətbuata açıq olmasının səbəbi nədir? Heç şübhəsiz, səbəblərdən biri Suatın yaxşı futbol təhsili alması, əsl peşəkarların arasında yetişməsi və Avropa mədəniyyətini qavramasıdır.
28 yaşlı Suat Usta və yaxud da başqa bir legioner futbolçu nəinki özüylə bağlı sualları məmnuniyyətlə cavablandırdığı, hətta oyunları peşəkar səviyyədə şərh etdiyi halda - hələ cavanları demirik - artıq peşəkar karyerasını başa vurmaqda olan və ya 5-6 il sonra başa vuracaq futbolçularımızın böyük əksəriyyəti, eləcə də adını futbol mütəxəssisi qoyanların çoxusu hələ də necə və hansı formada danışmağın, oyunları hansı səviyyədə təhlil etməyin yolunu öyrənə bilməyiblər.
Əlbəttə, nə qədər acı olsa da, bu bir həqiqətdir. Və bu, bizim futbol adamlarının əksəriyyətinin əsl peşəkarlıq səviyyəsini şübhə altına alan bir məqamdır.
Deməli, Suatın və Suatın timsalında Azərbaycanda oynayan neçə-neçə legionerdən, əcnəbi futbol adamlarından nümunə götürmək heç də pis olmazdı.
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə