16:00
Frankfurt şəhərində təlim-məşq toplanışı keçirən Azərbaycan milli komandasının baş məşqçisi Berti Foqts Rusiyanın “Sport-Ekspress” qəzetinin əməkdaşına müsahibə verib. Müsahibəni təqdim edirik.
- Almaniya milli komandasının baş məşqçisi olduğunuz vaxt 1996-cı ilin Avropa çempionatının final mərhələsində Rusiya millisinə 3:0 hesabı ilə qalib gəldiniz. Oleq Romantsevin başçılıq etdiyi həmin Rusiya ilə Qus Hiddinkin rəhbərlik etdiyi indiki millini müqayisə edə bilərsiniz?
- Müqayisə etmək olmaz. 1996-cı ildə başqa komanda idi. Elə futbol da fərqli idi, indi olduğu kimi deyildi. İndiki Rusiya milli komandası dünyanın ən güclülərindən biridir. 1996-cı ildə də güclü idi. Buna baxmayaraq, qrupdan çıxa bilməmişdi.
- Moskvada keçiriləcək Rusiya - Azərbaycan oyununda qarşınıza hansı vəzifə qoyulub?
- Biz müsbət nəticə əldə etmək istəyirik. Hərçənd, bunun asan olmayacağını da başa düşürük. Çalışacağıq ki, əlimizə düşən bütün imkanlardan yararlanaq.
- Moskvada bir və ya üç xal götürmək ehtimalınız nə qədərdir?
- Futbolda çox şey mümkündür. Bu oyundur və 90 dəqiqə davam edir. Bu müddətdə çox şeylər baş verə bilər.
- Moskvada az azərbaycanlı yaşamır. Onların “Lujniki”dəki dəstəyinə bel bağlayırsınız?
- Azərbaycanlılar hər yerdə çoxdur və onlar böyük həvəslə azarkeşlik edirlər. Moskvada sanballı dəstəyimizin olacağına şübhə etmirəm.
- Qus Hiddink hazırda “Çelsi”dədir. Necə düşünürsünüz, bu, Rusiya millisinin rəqiblərinə hər hansı üstünlük verir?
- Hiddink hazırda dünyanın ən güclü məşqçisidir. Belə olmasaydı, o dünyanın ən güclü millilərindən birini çalışdırmaz, planetin ən güclü klublarından birində işləməzdi.
- Amma indi onun Rusiya millisi üçün əvvəlki kimi çox vaxt ayırmaq imkanı yoxdur...
- Hiddinkin əla köməkçiləri var - yeri gəlmişkən, mən onları çox yaxşı tanıyıram. Onlar ciddi, əsalı işlər görürlər.
- Sizin komandanız üçün Rusiya ilə oyunlar nə dərəcədə əhəmiyyətlidir?
- Bu matçlar azərbaycanlılar və rusiyalılar üçün eyni dərəcədə önəm kəsb edir. Onlar əvvəl qardaş idilər, indi isə rəqib.
- Sizin yetirmələriniz üçün Rusiyaya qarşı oyunları almaniyalılarla görüşlərdən daha vacibdir?
- Bilmirəm... Mən artıq bir ildir Azərbaycandayam və başa düşmüşəm ki, onlar çox qürurlu millətdir. Ruslar da həmçinin. Qarşıda bizi iki çox maraqlı oyun gözləyir
_22.01.19.jpg)
Klopp üzr istədi
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Təəssüf ki, vəziyyətimiz çox üzücüdür" - Kaxaber Sxadadze
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!
Mbappe "Real" üçün 130 milyon avrodan keçməyə hazırdır
Azərbaycan çempionatında növbəti finalçı müəyyənləşdi
