"Bu, bizim üçün çox böyük təcrübədir".
Bu fikirləri Makedoniyanın "Sileks" klubunun baş məşqçisi Qoran Simov "Qarabağ"la qarşılaşacaqları UEFA Çempionlar Liqasının I təsnifat mərhələsinin oyunundan öncə mətbuat konfransında deyib.
45 yaşlı mütəxəssis gənc komanda olduqlarını bildirib: "Çox gənc komandayıq, ürəyimizdə həyəcan coşub-daşır. Ötən mövsüm bizə heç kim şans vermirdi, amma çempionatda ikinci yeri tutduq. Gənc komanda olduğumuz üçün təcrübə baxımından bizim üçün yaxşı olacağını düşünürük".
O, daha sonra jurnalistlərin suallarını cavablandırıb:
- Səhv etmirəmsə, məşqçi kimi avrokuboklarda ilk oyununuz olacaq. Özünüz necə, həyəcanlısınız?
- Futbolçu karyeramı 42 yaşımda bitirmişəm və böyük hissəsi “Sileks”lə məxsusdur. Ötən mövsüm son 8 turdakı uğurlu çıxış sayəsində şirin xəyalı gerçəkləşdirdik. Burada olduğumuz üçün şadıq.
- Mütəxəssislər “Qarabağ”ı favorit hesab edirlər. Siz rəqibi nədə üstələyə bilərsiniz?
- “Qarabağ” böyük klubdur. Böyük futbolçuları var, hansı ki, milli komandalarda çıxış edirlər. Amma biz bura arzularımızın arxasınca gəlmişik. Futbolçulara demişəm ki, 40 il siçan kimi yaşamaqdansa, bir gün aslan kimi yaşayaq. Bura gəlmək necə xəyal idisə, sabah da yeni xəyal üçün meydana çıxacağıq.
- Boş tribunalar önündə çıxış edəcəksiniz və qazonun durumu yaxşı deyil. Bu, komandanıza nə dərəcədə təsir edə bilər?
- Hətta evdə oynasaydıq belə, öz meydanımızda deyil, mərkəzi stadionda çıxış edəcəkdik. Orada isə 2 və ya 3 oyun keçirmişik. Bu səbəbdən elə bir fərqi yoxdur. Dediyiniz pis meydança Şimali Makedoniyadakı ən yaxşı meydançadan da yaxşıdır.
- Azərbaycanın 3 klubu Şimali Makedoniya təmsilçiləri ilə qarşılaşacaq. Hansı cütlükdə Şimali Makedoniya klubunun şansını daha çox görürsünüz?
- “Şkendiya”nı vurğulamaq istərdim. Onlar ölkənin ən güclü və pullu komandasıdır. “Şkendiya”nı növbəti mərhələyə daha şanslı sayıram.
- Mərhələ adlamaq istəyi uğur qazanmaq üçündür, yoxsa klubun büdcəsinə gəlir qazandırmaq üçün?
- Bura xəyallarımızın arxasınca gəlmişik. Pulu düşünmürük. Bir müddət əvvəl liqada qalmaq, həyatda qalmaq arzusunda idik. Amma indi buradayıq. Oyun 0:0 da ola bilər və ya “Qarabağ” 5:0, 7:0 hesabı ilə qalib gələ də bilər. Bizim üçün bunun elə bir fərqi yoxdur. Avrokubok həyəcanını yaşamaq istəyirik (Report).
Aydın finala çıxdı
“Fənərbaxça”dan xal itkisi
Azərbaycanın 3 boksçusu növbəti mərhələdə
MEDİA sosial şəbəkə istifadəçilərinə müraciət edib
“Neftçi” və “Difai” rəhbərliyi arasında görüş keçirildi
Liderdən qələbə, "Şəki Siti" və "Ağdaş" uduzdu
"Uduzuruqsa, bunun tək günahkarı biz futbolçularıq" - “Araz-Naxçıvan”ın yarımmüdafiəçisi
Modriç gələcəyi ilə bağlı qərar verdi
Fabio Kannavaro A seriyası klubunda
7 oyunun vaxtı məlum oldu
Con Terri və Endi Koul Premyer Liqanın Şöhrət Zalında
"Bakı Sportinq" "Cəbrayıl"a belə qalib gəldi - Video
Birinci Liqada oyunların vaxtı müəyyənləşdi
Liderlərin oyununda qonaqlar qalib gəldi
Ançelottidən Ardaya şad xəbər
Tuhel bu klubla danışıq aparır
"Mançester Siti"nin Qriliş qərarı
"Bu, futbol dünyası üçün ayıbdır” - Ter Ştegen
"Bavariya" Kloppu gözləyəcək
"Real" azarkeşləri Xavini "Barselona"da qalmağa səslədilər
Azərbaycan millisinin üzvü "Dinamo"ya qarşı oynadı
U-17-nin İnkişaf turniri üçün yekun heyəti açıqlandı
"Zirə"dən 100-cü qələbə
Musa Qurbanlı "Yurqorden"dən ayrılır? - Klubdan açıqlama
Dramatik "El-Klassiko"dan - Video
Xavi "Real"a məğlubiyyətə görə hakimi günahlandırdı
"Qalatasaray"dan ardıcıl 14-cü qələbə