"Mançester Yunayted"in keçmiş futbolçusu Roy Kinin Azərbaycan millisinin baş məşqçisi ola biləcəyi barədə məlumatlar vətəni İrlandiyada geniş yayılıb.
Qol.az xəbər verir ki, yerli mətbuat bir tərəfdən hesab edir ki, Kinin yığmamıza baş məşqçi təyin edilməsi olduqca real görünür. Onların fikrincə, əfsanəvi müdafiəçinin maddi ehtiyacını ödəmək üçün ölkəmizdə yaxşı imkan var. Amma digər tərəfdən ortaya belə sual qoyulur: Bəs, AFFA-ya qalmaqallı, məşqçilikdə ciddi uğuru olmayan biri lazımdırmı?
“Extra.ie” nəşri isə yazır: “Roy Kinin AFFA ilə danışıq aparmasının bir səbəbi var - neftlə zəngin olan Xəzər dövləti xərcləməyi və pul yatırmağı sevir. Bu, Kin üçün əla olacaq. O, heç bir müqavilə danışıqlarında aldanmır. Kin son on il ərzində baş məşqçi işləməsə də, qiyməti bir faiz də düşməyib. Bəlkə də, buna görə çox təklif almır. Kin azərbaycanlılardan nə tələb etsə, bu, problem olmamalıdır. Əgər Kin AFFA ilə razılaşsa, səxavətlə mükafatlandırılacaq".
Azərbaycanın idman uğurlarından bəhs edən nəşr millimizin Avro-2020-nin seçmə mərhələsində cəmi bir xal toplamasından da yan keçməyib: “Milli komandada çalışarkən klubdakı imkanlara sahib olmursan. Roy Kin beş il İrlandiya millisində köməkçi məşqçi kimi işləyib. İndi hər şey onun özünü birinci rolda göstərmək istəməsindən asılı olacaq. O, indiyədək ölkəsindən uzaqlaşmaq istəməyib. 2011-ci ildə İslandiyada işləməkdən imtina etdi. 2012-ci ildə Türkiyənin “Kasımpaşa” klubunun təklifini qəbul etmədi. Kinin demək olar ki, 49 yaşı var, mürəkkəb xarakterə malikdir. Bəlkə də belə xarakter milli komandalardakı oyunlara uyğun gəlir. Hər halda nəticədən asılı olmayaraq, Azərbaycan millisində işləmək Kin üçün yaxşı təcrübə olacaq”.
"The Irish Times" nəşri isə Roy Kinin Azərbaycandakı perspektivinə inanmır: "Bir çox məşqçi milli komandaya rəhbərlik etmək istəyir. Azərbaycanda da kifayət qədər yerli məşqçilər var. Yəqin ki, Bakı Roy Kinin paltardəyişmə otağında futbolçularla necə mübahisə etməyindən və qalmaqallı açıqlamalarından xəbərsiz deyil. Futbol rəhbərləri başa düşürlər ki, Kinlə çətin olacaq və sadəcə, həyatlarını çətinləşdirmək istəmirlər.
Ehtimal olunur ki, Kin Avro-2020-nin seçmə mərhələsində cəmi bir xal toplayan məşqçidən daha uyğun hesab edilir. Ancaq indiki halda Kinin Azərbaycan millisi üçün ən uyğun namizəd sayılması təəccüblü olardı".
Qeyd edək ki, İrlandiya millisinin sabiq üzvü 2011-ci ildən bəri baş məşqçi kimi işləməyib. O, "Sanderlend" və "İpsviç Taun"da baş məşqçi kimi çalışıb. 49 yaşlı mütəxəssis İrlandiya millisində, "Aston Villa" və "Nottinqem Forest"də isə baş məşqçi köməkçisi olub (haqqın.az).
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video