"Qarabağ"ın futbolçusu Xayme Romero Azərbaycan Premyer Liqasının 19-cu turunda "Sabah"la qolsuz bərabərə qaldıqları matçdan sonra Qol.az-ın müxbirinin də iştirak etdiyi brifinqdə jurnalistlərin suallarını cavablandırıb:
- Niyə qələbə qazana bilmədiniz?
- Rəqib yaxşı müdafiə olundu. Amma bizim də yaxşı çıxış etdiyimizi deməliyəm. Çoxlu qol imkanlarımız oldu. Həmin qol vəziyyətlərindən istifadə edə bilmədik. Digər tərəfdən də 1-2 epizodda 100 faiz penalti qərarı verilməli olduğunu düşünürəm. Həmin qayda pozuntularından 1-i də mənə qarşı oldu. Yəni, ifadə etməyə başqa söz tapa bilmirəm ki, həmin vəziyyətdə penalti qərarı necə verilməsin. Vurduğum qolun niyə sayılmadığını da anlaya bilmədim. Hakimin səhv etdiyini düşünürəm.
- Demək olar ki, hakimin qərarları nəticəyə təsir etdi?
- Nəzərə almalıyıq ki, oyuna müdafiə olunmaq düşüncəsi ilə çıxan komandaya qarşı qol vəziyyətləri yaratmaq çətindir. Orada az miqdarda qol epizodu yarada bilirsən. Üstəlik də qol vurduğun məqam olur, sonra da hakim müdaxiləsi olur. Məncə, hakimin qərarları nəticəyə təsir etdi.
- Qoldan sonra səhv etmirəmsə, hakimə yaxınlaşaraq nə isə dediniz...
- Ona yaxınlaşıb dediklərim qolu qeydə almamağı ilə bağlı deyildi. Sırf penalti epizodundan sonra yaxınlaşıb, həmin vəziyyət sırf penaltilik olduğunu dedim. Ona söylədim ki, özün də televiziyada baxıb, görəcəksən. Amma qol vurulan anda hadisələr o qədər sürətlə cərəyan etdi ki, topun haradan gəldiyini görə bilmədim.
- Hakimə epizodu görmədiniz deyə etiraz edərək əlinizlə işarə etdiniz. Bəs, qorxmadınız ki, buna görə sizi cəzalandırarlar?
- Xeyr. Mən orada pis məqsədlə heç nə demədim. Sadəcə səhv etdiyini bildirdim. Nəticədə hamı səhvə yol verir. Oyunun içində olanda hər şeyi görürsən. Yəni, bilirsən ki, bu, qayda pozuntusudur. Təbii ki, iradını bildirmək üçün də hakimə yaxınlaşırsan.
- Qarşıdan "Keşlə" ilə səfər görüşünüz gəlir. Bu matç haqda nə deyə bilərsiniz?
- Çətin səfər oyunu olacaq. "Keşlə" yaxşı komandadır. Bu heç-heçədən, itirilən xallardan sonra növbəti hədəf təbii ki, qələbə qazanmaqdır. Oraya bu istəklə yollanacağıq.
- "Zirə" ilə oyunda 6:0 hesabı ilə qalib gəlib, asan qələbə qazandınız. Bəs, indi niyə belə çətinlik çəkirsiniz?
- Demək olar ki, çempionatdakı bütün komandalar yaxşıdır. Onlar da hər həftə məşq edirlər, yaxşı müdafiə olunurlar. Hər oyunda 4-5 qol vurub, qələbə qazanacağıq düşüncə ilə çıxsaq, bu, mümkünsüz bir şeydir.
"Sabah"ın U-13 komandası İtaliyaya yollanır
Saatlıda 4 qol vuruldu - Video
"Qarabağ"a qarşı bu dəfə fərqli çıxış etmək istəyirik"
Tonali mərc oyunlarında 50 qayda pozuntusunda ittiham olunur
Liderdən "İrəvan"a 3 cavabsız qol - Video
"Karvan" xal itirdi, "Araz Saatlı"dan darmadağın
Misli Premyer Liqasında 4 oyunun hakimləri bilindi
Dani Alveş ziyafət təşkil etdi
"Bavariya"ya rədd cavabı verdi
"Napoli" Xviça ilə yeni müqavilə imzalayır
"Neftçi"nin sabiq futbolçusu "Molde"də
"Bayer" hazırda dünyanın ən güclü komandasıdır”
"Neftçi" "Qəbələ" ilə oyuna itkilərlə çıxacaq
"Borussiya" Terziçin qarşısına şərtlər qoydu
26 oyunda 31 qol - Video
"Qarabağ" sabah 11-ci çempionluğu rəsmiləşdirə bilər
"Neftçi"nin legionerinin zədəsi sağaldı
Gürcülər çox döşünə döyməsin, biz də monqollara qalib gəldik
Benzia “Puşkaş” mükafatına layiq görülə bilər - Video
Qrizmann qayıtdı
"Real" üç futbolçusu ilə razılaşdı
Xavi jurnalisti məhkəməyə verdi