"Gülmək istəyirdik, amma Mourinyodan qorxurduq"

"Gülmək istəyirdik, amma Mourinyodan qorxurduq"
DÜNYA FUTBOLU 25 Fevral 2020 / 14:59 3959
-  A +

"Real"ın sabiq futbolçusu Rafael van der Vart Madrid klubuna Joze Mourinyonu başçılıq etdiyi dövrlə bağlı xatirəsini bölüşüb.

Qol.az xarici KİV-lərə istinadən xəbər verir ki, o deyib ki, "kral klubu"na hər kəs portuqaliyalı mütəxəssisdən qorxub:
 
"Mourinyo ilk dəfə paltardəyişmə otağına girəndə orada Ronaldo, Kaka, Benzema, mən və digər futbolçular var idi. Joze həmin vaxt dərhal dedi: "Mənim dediklərimi etsəniz, heç vaxt uduzmayacağıq". O anda gülmək istəyirdik, amma hamı Mourinyodan qorxurdu. Dediklərini ciddi qəbul etdik.

Bir müddətdən sonra "Real"dan ayrılmağımın daha yaxşı olacağını söylədi. Ancaq mən ona rəğbət bəsləməyi dayandırmadım. Mourinyonun Özili start heyətində oynatmaq istəyini vicdanla izah etməsi xoşuma gəldi. Bundan sonra mən "Tottenhem"ə transfer olundum".

Qeyd edək ki, van der Vart 2008-2010-ci illərdə "Real"da oynayıb.


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı