UEFA "Düdelanj"a ultimatum verdi

UEFA  "Düdelanj"a ultimatum verdi
XƏBƏR 22 Noyabr 2019 / 13:07 4152
-  A +

Avropa Liqasının qrup mərhələsində "Qarabağ"ın rəqibi olan "Düdelanj"ın APOEL-lə  oyununun yeri dəyişdirilə bilər.

Qol.az Lüksemburq mətbuatına istinadən xəbər verir ki, buna səbəb komandanın ev oyunlarnı keçirdiyi “Jozi Bartel” stadionunun ot örtüyünün bərbad vəziyyətdə olmasıdır.

UEFA bununla bağlı kluba ultimatum göndərib. Klub prezidenti Romen Şumaxer ot örtüyünün dəyişdirilməsi üçün  lazım olan 150 min dolların onlar üçün böyük məbləğ sayıldığını bildirib. O, bununla bağlı UEFA nümayəndələri ilə danışıqlar aparmağa çalışdığını, təbii otu 50 min avro dəyərində olan süni örtüklə əvəzləməyi təklif edəcəyini deyib.

"Düdelanj" - APOEL qarşılaşmasının ölkədən kənarda keçirilməsi ehtimalı da var.  Əgər ot örtüyü ilə bağlı problem yoluna qoyulmasa, matç Kayzerslautern (Almaniya) və ya Metsdə (Fransa) oynanıla bilər.

Qeyd edək ki, "Düdelanj" - APOEL oyunu noyabrın 28-də keçiriləcək.

Xatırladaq ki, Portuqaliya millisinin kapitanı Kriştiano Ronaldo Avro-2020-nin seçmə mərhələsinin son turunda “Jozi Bartel”də Lüksemburqa qalib gəldikləri oyundan (2:0) sonra stadionun ot örtüyündən gileylənmiş, meydançanı kartof sahəsinə bənzətmişdi.



 

Daha çox


Son xəbərlər
15.12.19  12:35

“Çelsi”dən gedir

15.12.19  00:45

Salahın dublu - Video