“Xəzər Lənkəran” mübarizəni dayandırdı

UEFA Avropa Liqasının birinci təsnifat mərhələsindəki təmsilçimiz "Xəzər Lənkəran" bu gün növbəti oyununa çıxıb. İlk oyununu səfərdə keçirərək Kişinyovda Moldova “Olimpiya”sı ilə qolsuz heç-heçəyə nail olan Ağasəlim Mircavadovun komandası bu dəfə doğma azarkeşləri qarşısında mütləq qələbə qazanmalı idi. Amma təəssüf ki, "Xəzər Lənkəran" zəif rəqibi önündə bu istəyinə çata bilmədi və yenə də mübarizəni ilkin mərhələdə dayandırıb.

Avropa Liqası
Birinci təsnifat mərhələsi (cavab oyunu)

21:00. “Xəzər Lənkəran” (Azərbaycan) – “Olimpiya” (Moldova) - 1:1

Lənkəran. Şəhər stadionu.
Baş hakim: Vitali Sevostyanik (Belarus).
İlk oyun: 0:0.

"Xəzər Lənkəran": Kamran Ağayev, Elvin Beqiri, Elnur Allahverdiyev, Radomir Todorov, David İmedaşvili, Devran Ayhan, Rahid Əmirquliyev, Dieqo Souza, Zaur Ramazanov, Allan Lalin, Emeka Opara.

Oyun başladı. Uğurlar "Xəzər"!

Oyunun gedişatını 10 minədək azarkeş izləyir.

2. David İmedaşvili cərimə zərbəsindən qüvvətli zərbə endirir. Top canlı səddə dəyir. 

5. Rahid Əmirquliyev 25 metrlik məsafədən qüvvətli zərbə vurur. Top qapıdan aralı keçir.

7. "Xəzər" oyuna tam nəzarət edir. 

10. "Olimpiya" topa nəzarəti ələ keçirsə də, qapıya yaxınlaşa bilmir.

11. Rəqib künc zərbəsindən topu oyuna daxil edir. Kamran Ağayev təhlükəni zərərsizləşdirir.

12. QOL. "Olimpiya"dan Jeron hesabı açır - 0:1.

14. Allan Lalin real qol imkanından istifadə edə bilmir.

"Xəzər Lənkəran" növbəti mərhələyə çıxmaq üçün iki qol vurmalı və mütləq qələbə qazanmalıdır.

22. "Xəzər Lənkəran"ın hücumları kəsərsizdir. 

24. David İmedaşvilinin 40 metrlik məsafədən zərbəsi qapının üstündən keçir. 

27. Todorovun cərimə zərbəsindən vurduğu top dəqiq olmur.

28. "Xəzər" dalbadal hücumlar təşkil edir. Souzanın cərimə meydançasının daxilindən vurduğu top qapının yanından keçir.

Lənkəran stadionunda "Qarabağ"ın qol vurması xəbəri elan olunur. Stadionda "Qarabağ" sədaları səslənir.

"Xəzər" hələ də istəyinə nail ola blmir. Birinci hissədə isə son dəqiqələr gedir.

Fasilə

İkinci hissə

48. "Xəzər Lənkəran" yenə hücumdadır. Amma qol vura blmir.

53. "Xəzər Lənkəran"ın hücumları kəsərsizdir...

60. "Olimpiya"dan təhlükəli hücum. Ovsennikovun zərbəsi qapıdan azca aralı keçir.

65. Oyunun tempi aşağı düşüb. Rəqib topa daha çox nəzarət edir.

67. Opranı Xaqani Məmmədov əvəzləyir.

70. Tribunalar Ağasəlim Mircavadovu istefaya səsləyirlər.

76. "Xəzər Lənkəran" qol vurmağa tələsir, amma heç nə alınmır. Növbəti mərhələyə çıxmaq üçün "Xəzər"ə hökmən qələbə lazımdır. 

78. QOOOOOOLLLLLLL. Lalin hesabı bərabərləşdirir - 1:1

83. "Xəzər Lənkəran" təhlükəli hücumlar təşkil edir... Todoruvun ptürməsindən sonra İmedaşvili topu qapıya göndərə bilərdi. Təəssüf! 

86. "Olimpiya"lı futbolçu cərimə zərbəsi yerinə yetirir. Kamran komandasının qoldan xilas edir.

87. Amit Hüseynov ikinci qola yaxın olur. Rəqib qapıçı imanlı oynayır.

90. Hakim oyunun əsas vaxtına 5 dəqiqə əlavə edir.

90+3. Rahidin qüvvətli zərbəsi. Top qapının üstündən keçir.

Oyun başa çatdı. "Olimpiya" növbəti mərhələyə vəsiqə qazanır.