AFFA-dan "Arsenal"ın Mxitaryan qərarı ilə bağlı bəyanat

AFFA-dan "Arsenal"ın Mxitaryan qərarı ilə bağlı bəyanat
ÖLKƏ FUTBOLU 21 May 2019 / 21:03 3172
-  A +

AFFA  “Arsenal”ın erməni futbolçusu Henrix Mxitaryanı Avropa Liqasının Bakıda "Çelsi" ilə keçiriləcək final matçına gətirməməsinə münasibət bildirib.

Qol.az  xəbər verir ki, qurumun rəsmi saytındakı bəyanatda qeyd olunub:

“Növbəti həftənin çərşənbə günü UEFA Avropa Liqasının final oyununda “Çelsi” ilə qarşılaşacaq “Arsenal” komandasının futbolçusu Henrix Mxitaryanın Bakıya gəlməməsi ilə bağlı klubun açıqlaması, anladığımız qədər “Arsenal”, futbolçu və onun ailəsi tərəfindən kollektiv şəkildə verilmiş bu əsaslandırılmamış qərar bizi təəssüfləndirdi.

Futbolçunun ölkəmizə gəlməməklə bağlı şəxsi qərarını anlasaq da, bir daha bildiririk ki, UEFA-nın tələblərinə uyğun olaraq, Azərbaycan finalın ev sahibi kimi Mxitaryanın şəxsi təhlükəsizliyinə təmin olunmasına zəmanət verdi. Azərbaycan tərəfinin verdiyi zəmanətin ciddiliyini şübhə altına salmaq üçün heç bir səbəb yoxdur. Ötən illər ərzində Azərbaycan öz ərazisində keçirilmiş beynəlxalq idman tədbirlərində çoxsaylı erməni əsilli idmançıların problemsiz iştirakını təmin edib.
Nəhayət, hesab edirik ki, bu təəssüf doğuran açıqlama səbirsizliklə gözlədiyimiz final oyununun keyfiyyətinə və möhtəşəmliyinə heç bir şəkildə mənfi təsir göstərməyəcək. Tezliklə Bakıya təşrif buyuracaq hər iki komandanı qarşılamağa tam hazırıq”.
 

Daha çox


Son xəbərlər
21.09.19  22:11

"Yuventus"dan qələbə

21.09.19  17:19

Millimiz yenə uduzdu

21.09.19  14:13

Zidan inamı itirib

21.09.19  10:58

UEFA-dan sərt cəza