“Sumqayıt”ın yarımmüdafiəçisi Elvin Məmmədov Qol.az-a müsahibə verib. Topaz Premyer Liqanın 17-ci turunda səfərdə “Keşlə”yə 1:2 hesabı ilə uduzduqları oyundakı mübahisəli penalti epizodunu şərh edən futbolçu maraqlı fikirlər səsləndirib.
- Son turda “Keşlə”yə uduzdunuz. Əvvəlcə bu oyunla bağlı fikirlərini bilmək maraqlı olardı...
- Oyuna həqiqətən yaxşı hazırlaşmışdıq. Bilirdik ki, uduzsaq, xallar bərabərləşəcək, hətta turnir cədvəlində bizi keçəcəklər. Sadəcə, bəzən olur ki, tam ciddiyətlə hazırlıq keçirsən, amma istədiyin oyun alınmır. Düzdür, “Keşlə” ilk hissədə daha yaxşı oynadı. İkinci yarıda isə üstün tərəf biz idik. Epizodlardan istifadə edə bilsəydik, daha yaxşı olardı. Bəhanə gətirmək istəmirəm, çünki nəticədə uduzmuşuq.
- Oyunun sonuncu dəqiqəsində gənc hakim Rauf Allahverdiyevin qapınıza təyin etdiyi penalti çox müzakirə olundu. Epizodun içində olduğun üçün buna ən yaxşı sən şərh verə bilərsən. Həqiqətən orada Amil Yunanova qarşı qayda pozuntusu var idi?
- Yox, məncə, haqlı qərar deyildi. Həmin vaxt hakimə yaxınlaşıb “Səhv etmə ki, cəzalanma” dedim. Çünki mən Amilə toxunmamışdım. Həmin an penalti verirsənsə, onda gərək, cərimə meydançası daxilində hər epizodda 11 metrlik nöqtəni göstərəsən. Bu, ikili mübarizə idi, ancaq toxunuş olmadı. Elə epizodda penalti vermirlər. Ancaq futbolçu özü yerə yıxılır, hakimi aldadırsa, bu, artıq başqa mövzudur. İstənilən halda hakim hər şeyə hazır olmalıdır. Gəncdir, bəlkə birinci dəfədir Premyer Liqada oyun idarə edir. Artıq olan olub.
- Bəs həmin vaxt Amilə nəsə dedin?
- Əlbəttə, soruşdum ki, niyə yıxılırsan. Dedi, kimsə məni itələdi. Dedim ki, arxanda mən idim, niyə özünü yerə atırsan. Yenə bildirdi ki, kimsə məni itələdi. Futbolçudur, 90+3-cü dəqiqədə komandası penalti qazanırsa, nə etməlidir ki?
- Oyundan sonra Ayxan Abbasov çox əsəbi idi. Hətta istefa verə biləcəyini də istisna etmədi. Yəqin, paltardəyişmə otağında baş məşqçi ilə futbolçular arasında söhbət oldu. Maraqlıdır, Ayxan müəllim içəridə nə danışdı?
- Bəli, söhbət oldu, iradlarını bildirdi. Hər bir komandada bu cür eniş olur. Yenə deyirəm, yaxşı hazırlaşmışdıq. Sadəcə, bəzi nüanslar var ki, daha diqqətli olsaydıq, hesab bu cür olmazdı. Qarşıda “Zirə” ilə oyunumuz var. Buna hazırlaşmaq lazımdır. Hələ heç nə bitməyib. Çempionat uzundur. Həm kubokda, həm də Premyer Liqada şansımız var. Yuxarı sıaradakı komandalarla xal fərqi elə də böyük deyil. Bəlkə də 2-3 oyun ardıcıl qələbə qazansaq, 3 və ya 4-cü yerə çıxmaq olar.
- Bəs, Ayxan Abbasov istefası ilə bağlı futbolçulara nəsə dedi?
- O barədə heç bir söhbət olmadı. Sadəcə, dedi ki, daha ciddi hazırlaşmaq lazımdır. Tam səmimi deyirəm, istefa ilə bağlı heç nə danışmadı.
- Uzun müddətdi oynamırdın. Bunun səbəbi nədir?
- Demək olar ki, eyni nahiyyədən – arxa əzələdən zədə aldım. Oynamamağımın səbəbi sırf bununla bağlıdır. “Keşlə” ilə matçdan öncə Ayxan müəllimlə danışdıq, dedi ki, risk etmək istəmirəm. Amma sağ olsun, sonradan şans verdi.
- Zədədən sonra özünü necə hiss edirsən?
- Yaxşıyam, ağrılarım yavaş-yavaş keçir. Oynadıqca yenidən forma yığacağıma inanıram.
- Elvin, elə də çox yaşın yoxdur. Yenidən milliyə çağırıla bilərsən. Özün necə, dəvət gözləyirsənmi?
- Bu mentaliteti dəyişmək lazımdır. 30 yaş futbol üçün heç nədir. Sadəcə, bizdə 30 yaşın olan kimi, deyirlər, qocadır. Bu da nəyə görədir? Öyünmək kimi çıxmasın, mən 17 yaşımdan futbol oynayıram, getdiyim hər komandada əsas heyət üzvü olmuşam, millinin formasını geyinmişəm. Bəlkə də göz öyrəşib deyə belə düşünürlər. 30 yaş nədir ki? Futbolçu 28-30 yaşından sonra daha ağıllı oynamağa başlayır. Özümdə bu gücü də hiss edirəm. Futbolda zədədən heç kim sığortalanmayıb. Camaat 30 yaşında “Barselona”ya transfer olunur. Demirəm, gedib “Barselona”da oynayacağam. Ancaq 8 komandalı Azərbaycan çempionatında mübarizə aparmağa gücüm var. 34-35 olsaydı, düşünərdim ki, hardasa düz deyirlər. Bunu ona görə demirəm ki, sırf kimsə məni yığmaya çağırsın. Onsuz da heç kimə boş-boşuna dəvət göndərmirlər. Milli komandada oynamaq şərəfdir. Yeni baş məşqçi gəlib. Niyə də olmasın?! Qurban müəllim bunu çox etdi. Millidə oynamayan o qədər futbolçular var idi. Asif Məmmədov neçə yaşından sonra oyununa görə yığmaya çağırıldı.
- Yeni baş məşqçidən söz düşmüşkən, Nikola Yurçeviçlə bağlı nə deyə bilərsən?
- Ancaq uğurlar arzu edirəm. Həm onun, həm də millimiz üçün xeyirli olsun. Məşqçilik çətin sənətdir. Kim gəlir-gəlsin, Azərbaycan futbolu üçün əlindən gələnin ən yaxşısını etsin. Çünki bu, Elvinin, Əlinin, Vəlinin deyil, ölkənin millisidir.
Elnur SALAHOV
Noyerdən yeni rekord
Bundesliqanın ən yaşlı futbolçusu karyerasını başa vurur
"Roma"nın müdafiəçisi "Milan"a qarşı oynamayacaq
Kvaratsxeliya "Napoli"nin məşqini buraxdı
MOİK-ə 3 xal qazandıran qollar - Video
"Barselona"nın futbolçusu: "Çox peşmanam"
"Şamaxı"nın 6 qolu - Video
"Şamaxı" və MOİK-dən qələbə
“Paris-2024” Yay Olimpiya Oyunlarının startına 100 gün qalıb
ÇL-in oyunlarını göstərəcək kanallar
"İmişli"nin şikayəti qismən təmin olundu
"Real"dan zəng gələndə iki dəfə düşünmədim"
1-ci liqanın mərkəzi oyunu FİFA referisinə tapşırıldı
Gündoğan: "Hakim penalti verməli idi"
Romario karyerasını bərpa etdi
Futbolçu oyun zamanı infarkt keçirdi, dünyasını dəyişdi
Azərbaycan millisinin rəqibi 2 yoldaşlıq oyunu keçirəcək
Mbappe İbrahimoviç və Şevçenkoya çatdı
Luis Enrike: "Mbappe əvvəldən sona qədər əsl lider idi"
"Azərbaycanda rəqibləri topu "Qarabağ"dan ala bilmirlər"
"Daha deyəcək bir şey yoxdur" - Simeone
"Hakim hər şeyi məhv etdi" - Xavi
“Borussiya”dan möhtəşəm geridönüş, Simeone çökdü - Video
PSJ “Barselona”nı nokauta saldı - Video
ÇL-də ilk yarımfinalçılar müəyyənləşdi
"Milan" onunla müqaviləni uzatdı
Asiya Çempionlar Liqasının oyunu təxirə salındı
"Cəbrayıl" 3 qolla qalib gəldi - Video
"Millidə görüləsi işlər çoxdur" - Vitali Borisov