Rusiya millisinin sabiq baş məşqçisi Valeri Qazzayev Vəli Qasımovun 50 illik yubileyinə həsr olunmuş yoldaşlıq oyunundan sonra jurnalistlərin suallarını cavablandırıb.
- Azərbaycana xoş gəlmisiniz. Təəssüratınızı bilmək maraqlı olardı...
- Xoş sözlərə görə minnətdaram. Belə bayramları mütəmadi etmək lazımdır ki, futbolu populyarlaşdıraq. Azərbaycan futbolu zəngin tarixə, ənənələrə malikdir. Bunu unutsanız, belə matçlar, nümunələr olmasa, gəncləri bu ab-havada tərbiyə etməsək, heç bir inkişaf olmayacaq, stadion tam dolmayacaq. Siz KİV nümayəndələri bunu başa düşərək hər yerdə təbliğ etməlisiniz. Üstəlik, Azərbaycanda yaxşı stadionlar tikilir, yüksək şərait yaradılır. Bu gün İsgəndər Cavadov Futbol Akademiyasında oldum, oradakı əla şəraiti gördüm. Gözəl akademiyadır və işlər də çox yaxşı qurulub. Bunlar isə gələcək nəsil üçün nəzərdə tutulub. Televiziya, mətbuat futbolu təbliğ etsə, əlbəttə, uşaqlar inkişaf edəcəklər. Baxın, sizdə necə futbolçular olub, "Neftçi"nin necə tarixi var. Ona görə sizi təbrik etmək istəyirəm. İlk növbədə də əlbəttə, səbəbkar Vəli Qasımovu. Vaxtilə onun karyerasında mənim də rolum olub. O, yaxşı işlədi və xaricdən layiqli dəvət aldı. Qasımovu, Azərbaycan futbolunu təbrik edirəm. İsgəndər Cavadov, Nazim Süleymanov kimi nümunələr var. Bunlar Azərbaycan futbolunun canlı əfsanələridir. Hələ Kazbek Tuayev, Anatoli Banişevski və digərlərini demirəm. Çox şadam ki, bu gün möhtəşəm matç keçirildi. Vəli Qasımovla oynamış çox futbolçu buraya gəlmişdi. Əlbəttə, bu, xoşdur və ölkə futbolunuzu inkişaf etdirmək istəyirsinizsə, belə diqqət həmişə olmalıdır.
- Digər tələbəniz Nazim Süleymanov bu gün fərqlənmədi...
- (gülür) Elədir, sürətini itirib. Ancaq əlbəttə, Süleymanovda texnika var. Nazim dahi futbolçu olub. O, təkcə "Alaniya"da yox, Rusiya futboluna böyük iz buraxıb. Belə oyunçular indi gənclərə nümunə olmalıdır.
- Son vaxtlar Rusiya futbolu inkişafdadır. Bu barədə nə deyə bilərsiniz?
- İlk növbədə onu qeyd etmək istəyirəm ki, ölkədə idmana prezidentimiz Vladimir Putin böyük diqqət göstərir. Qarşıda böyük vəzifə durur ki, sağlam həyat tərzi uğrunda mübarizə aparaq. Futbola gəlincə, əlbəttə, bu yay Rusiyada keçirilən dünya çempionatı böyük təbliğat oldu. Bu idman növünü ölkədə xeyli məşhurlaşdırdı. İndi praktiki olaraq bütün uşaq futbol məktəbləri, akademiyalar tam doludur. Çünki buraya dünya şöhrətli futbolçular, ən güclü yığma komandalar gəldilər. Gənclər onları gördü və təbii ki, hər biri sabah özünü milli komandanın heyətində görür ki, dünya və Avropa çempionatında iştirak etsinlər. Üstəlik, yığmamızın çıxışı böyük diqqət çəkdi. Rusiya millisi dünyanın ən güclü yığmaları arasında yer aldı. Bu da böyük təbliğatdır. İndi onu deyə bilərəm ki, yaxın 10 ildə yaxşı yerli oyunçular yetişəcək. Bu da belə tanınmağımıza görədir. Ölkənin hər yerində akademiyalar var, 92 baza tikilib ki, onlarda gənclər futbolla məşğul olur. Azərbaycanın da belə bayramlar keçirməyi arzu edirəm.
- Rusiya çempionatında çox azərbaycanlı futbolçu çıxış edib. İndi isə yoxdur. Problem nədədir?
- "Neftçi" SSRİ çempionatılnda oynayanda, yığmalara çağırılan xeyli futbolçu var idi. Təbii ki, bu zaman rəqabət də mövcud idi. İndisə ayrı müstəqil çempionatlardır. Avropa çempionlarında çıxış etmələri üçün daxili çempionatınızda rəqabət olmalıdır. Bir "Qarabağ"la iş bitmir. Çempionatınızda 8 komanda çıxış edir. Bu da belə böyük ölkə, imkanları üçün azdır. Ona görə hesab edirəm ki, minimum 12-16 komanda olmalıdır. Ümumilikdə bu istiqamətdə işləmək lazımdır. Təbii ki, futbolunuzu inkişaf etdirmək istəyirsinizsə.
- Ramil Şeyadeyvin çıxışı haqqında nə deyə bilərsiniz? O, Azərbaycan millisini seçəndən sonra heç də yaxşı oyun göstərmir...
- Məncə, çox pesrsepktivli futbolçudur. Bu icarələr, bu ölkədən ora getmələr həlledici olub. Bu, biz az onu geri salıb. Digər azərbacanlı futbolçu Ayaz Quliyev isə bizim yığmada çıxış edir. Oyunu çox xoşuma gəlir və düşünürəm ki, daha yaxşı oynayacaq. (report.az)
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video