“Sumqayıt”ın müdafiəçisi Rail Məlikov Qol.az-a müsahibə verib. Nazim Süleymanovun istefasından danışan futbolçu onun komandadakı bəzi futbolçular haqda səsləndiridiyi fikirlərə də münasibət bildirib.
- Son oyunda gözlənilmədən “Keşlə”yə 1:4 hesabı ilə uduzdunuz.
- Futbolda belə hallar olur. Komanda udar da, uduzar da. Heç kim bilə bilməzdi ki, hesab bu cür olacaq. Biz də 4:1 uda bilərdik. Kim güclü idisə, o da qalib gəldi.
- Mövsümə yaxşı başlasanız da, sonradan ardıcıl uğursuz nəticələr komandanı geri saldı. Bunun səbəbini nədə görürsən?
- Futbolda qara zolaq deyilən şey var. Hər bir komanda bu zolağa düşə bilər. Dönüş edə bilmək üçün qələbə qazanmaq lazımdır. Hələ “Qəbələ” ilə matçda hər şey öz əlimizdə idi. Ancaq hesabı qoruyub saxlaya bilmədik. Qalib gələ bilsəydik, hər şey fərqli olardı. Qara zolağa düşmüşüksə, burdan birlikdə çıxmalıyıq. Gələcəyə nikbin baxırıq. İnanırıq ki, hər şey yaxşı olacaq.
- Nazim Süleymanovun istefa qərarını necə qarşıladın? Səncə, komandanın uğursuz çıxışının yeganə günahkarı baş məşqçi idi?
- Hər bir insanın özünün şəxsi fikri var. Biz ona hörmətlə yanaşmalıyıq. Nazim müəllimə gələcək karyerasında uğurlar arzulayırıq. Heç kimin boynuna qoya bilmərəm ki, uğursuzluq sırf sənə görə olub.
- Nazim Süleymanovun istefasından sonra səsləndirdiyi fikirlər böyük əks-səda doğurdu. Mütəxəssis mətbuata açıqlamasında üstüörtülü şəkildə də olsa, komanda daxilində bəzi futbolçuların ona qarşı olduğunu, bilərəkdən oynamaq istəmədiklərini söyləyib. Bu fikirlərə münasibətini bilmək istərdim...
- Nazim müəllimin fikirlərinə hörmətlə yanaşıram. Açığı, mən buna inanmıram. Çünki biz bir ailəyik, belə şey ömür boyu ola bilməz. 3-cü ildir “Sumqayıt”dayam. Təcrübəli futbolçu, komandanın ağsaqqalı kimi zərrə qədər də kimdənsə şübhəm yoxdur. Əksinə, məşqçinin kim olmasından asılı olmayaraq, hər zaman bir olub, “Sumqayıt”ın adı üçün oynamışıq. İnanmıram ki, Nazim müəllim belə bir şey desin. Bunlar hamısı cəfəngiyyatdır. Hamı özünü haqlı çıxarmaq istəyir. Bu, “Sumqayıt” ailəsinə yaraşmayan bir işdir. Klubun adına ləkə kimi səslənir. Nəsə varsa, bunu sübut etmək lazımdır. Belə şey ola bilməz. Ən böyük hakim Allahdır. Komandaya, oyunçulara, “Sumqayıt” ailəsinə başımla cavabdehəm.
- Bundan sonrası üçün nə düşünürsən? Baş məşqçi dəyişikliyi komandaya xeyir verəcəkmi?
- Yenə deyirəm, nə olursa, yaxşı olur. İnanıram ki, hər şey düzələcək. “Sumqayıt” bir ailədir, buna ruh lazımdır. Maşını düzgün idarə etsən, hər zaman düz gedəcək. Heyətdəki hər bir futbolçuya, onların təcrübəsinə cavabdehəm. Kimin gəlişindən asılı olmayaraq, bir ailə kimi komandanı vəziyyətdən çıxaracağımıza inanıram. Bu futbolçuların təmizliyinə, saflığına, birliyinə güvənirəm.
Elnur SALAHOV
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın