"Sabah"ın yeni transferi Elvin Yunuszadə Qol.az-a müsahibə verib. Debütant komandaya keçidinin səbəbini açıqlayan müdafiəçi ölkə xaricinə yollanmamasına da aydınlıq gətirib.
- "Sabah"a keçidin necə alındı?
- Azərbaycanda başqa klublardan da təkliflər var idi. Ancaq əsas fikrim Avropaya çıxmaq idi. Belə bir imkan da var idi. 4-5 komanda ilə danışıqlar olmuşdu. Əslində Avropa üçün pis variantlar deyildi. Ancaq 1-2 kluba görə onlara "yox" dedim. Sonradan isə həmin komandalarla son məqamda razılıq əldə olunmadı. Daha sonra yerli klublarla danışdım. 4-5 klubu məni heyətinə qatmaq istəyirdi. Ancaq elə oldu ki, "Sabah"la razılığa gəldik, müqavilə bağladım.
- Bəs, bu qədər təklifin ola-ola niyə məhz "Sabah"ı seçdin?
- "Sabah"la müqavilə bağlamağımın əsas səbəblərindən biri bu komandanın yaxşı gələcək vəd etməsidir. Bir də müqavilədə bəzi bəndlər var idi ki, bunlarda razılığa gələ bildik.
- "Sabah"ı seçməyində bu komandanın uğurlu çıxışı da rol oynadımı?
- "Sabah"ı seçməyimdə təkcə komandanın bu mövsümkü çıxışı yox, gələcəyi, oradakı ab-hava, klubun rəhbərliyi, baş məşqçi amili də rol oynadı. Elşad müəllimlə uzun illərdir bir-birimizi tanıyırıq. Onun "Sabah"da olması da seçimimə təsir göstərdi. Ümumiyyətlə, bu komandada çox gözəl kollektiv var.
- Özün də dedin ki, başqa təkliflərin var idi. Bildiyimə görə, Türkiyə variantı daha real idi. Niyə alınmadı: pul, yoxsa başqa səbəblər?
- Türkiyə variantında bir çox şeylər oldu. Açığı, karyeramı düşünüb, pula görə problem yaratmaq istəmirdim. Bəzi məsələlər oldu, amma əsas pul deyildi. Bu gün bir söz dedilər, mən razılıq verəndən sonra fikirlərini dəyişdilər. Hətta təyyarə biletimə kimi alınmışdı. Sabah uçub, müqavilə bağlamalı idim. Ancaq son anda alınmadı. Yunanıstanın "Lamiya" klubundan, Polşadan, İsveçrədən birbaşa təkliflər var idi. Türkiyə variantına görə onlardan imtina etdim. Sonradan isə gec oldu. Məni gözləyəsi deyildilər. Başqa futbolçu aldılar.
- "Qarabağ"dan ayrıldıqdan sonra bir müddət futbolsuz qaldın. Hazırda özünü necə hiss edirsən?
- Düzdür, hardasa 3 aydan çox futbolsuz qaldım. Amma şükürlər olsun. İndi hər şey qaydasındadır. 10 gündən çoxdur məşqlərə başlamışam. Gündə 2 dəfə - səhər və axşam olmaqla, hazırlaşıram. Yavaş-yavaş formaya düşürəm.
- Meydana çıxmaq üçün nə vaxt tam hazır olacaqsan?
- Hələ ki, məşqlərimi edirəm. Dəqiq vaxt deyə bilməyəcəyəm. Hazır olandan sonra baş məşqçi nə vaxt şans versə, çıxıb oynayacağam.
- "Sabah" bu tur səfərdə "Qəbələ"nin qonağı olacaq. Komandan ilk dövrədə bu rəqibi məğlub. Qəbələdəki oyundan nə gözləyirsən?
- İki həftədir komandadayam, hər şey yaxşıdır. Son 2 oyunda qalib gəlmişik. İlk dövrədə olduğu kimi, bu dəfə "Qəbələ"ni məğlub edəcəyimizi gözləyirəm. Amma ağır oyun olacaq. Çünki bu dəqiqə "Qəbələ"yə də qələbə hava-su kimi lazımdır.
Elnur SALAHOV
"Sabah"ın U-13 komandası İtaliyaya yollanır
Saatlıda 4 qol vuruldu - Video
"Qarabağ"a qarşı bu dəfə fərqli çıxış etmək istəyirik"
Tonali mərc oyunlarında 50 qayda pozuntusunda ittiham olunur
Liderdən "İrəvan"a 3 cavabsız qol - Video
"Karvan" xal itirdi, "Araz Saatlı"dan darmadağın
Misli Premyer Liqasında 4 oyunun hakimləri bilindi
Dani Alveş ziyafət təşkil etdi
"Bavariya"ya rədd cavabı verdi
"Napoli" Xviça ilə yeni müqavilə imzalayır
"Neftçi"nin sabiq futbolçusu "Molde"də
"Bayer" hazırda dünyanın ən güclü komandasıdır”
"Neftçi" "Qəbələ" ilə oyuna itkilərlə çıxacaq
"Borussiya" Terziçin qarşısına şərtlər qoydu
26 oyunda 31 qol - Video
"Qarabağ" sabah 11-ci çempionluğu rəsmiləşdirə bilər
"Neftçi"nin legionerinin zədəsi sağaldı
Gürcülər çox döşünə döyməsin, biz də monqollara qalib gəldik
Benzia “Puşkaş” mükafatına layiq görülə bilər - Video
Qrizmann qayıtdı
"Real" üç futbolçusu ilə razılaşdı
Xavi jurnalisti məhkəməyə verdi
PSJ-nin iki futbolçusu zədəsini sağaltdı
Ronaldo hakimə etiraz etdi - Şəkil
İngiltərə millisinin üzvü Avro-2024-ü buraxacaq
"Zirə"nin hücumçusu Niger millisində oyuna çıxdı
Virtzin 21 qolu və 31 qol ötürməsi - Video
"Tottenhem" "Bavariya" ilə qarşılaşacaq
Keyn sağaldı
"Borussiya" onunla peşəkar müqavilə imzaladı
"Barselona"nın apellyasiya şikayəti rədd edildi
Mahir Emreli irqçiliyə qarşı kampaniyaya dəstək verdi
1-ci liqada daha 3 turun oyunlarının saatı müəyyənləşdi
Messi: “Dünya çempionu olmasaydım, millini tərk edəcəkdim”
“Azərlotereya”nın yeni 4 oyunu Misli.az-da
Azərbaycan millisi İrəvana getməkdən imtina etdi
Bölgə komandası çempionatdan kənarlaşdırıldı
AFFA məşqçini futboldan uzaqlaşdırıb
"Şəmkir"in futbolçusundan gözəl qol - Video
ABŞ klubu Jiru ilə razılıq əldə etdi