“Məğlubiyyətlər bizi təngə gətirmişdi” – Sənan Qurbanov

“Məğlubiyyətlər bizi təngə gətirmişdi” – <b style="color:red">Sənan Qurbanov</b>
ÖLKƏ FUTBOLU 20 Oktyabr 2018 / 19:40 2356
-  A +

“Qəbələ”nin baş məşqçisi Sənan Qurbanov mətbuat konfransı keçirib.

Qol.az xəbər verir ki, Topaz Premyer Liqasının VIII turunda evdə “Neftçi” üzərində 3:1 hesablı qələbəni şərh edən gənc mütəxəssis deyib ki, buna qədərki məğlubiyyətlər komandanı təngə gətirmişdi: “Yaxşı ki, fasilə yaranmışdı. Bir ailə olmağa çalışdıq. Yumruq kimi birləşdik. Bir qədər psixoloji gərginlik var idi. Həm futbolçularımızı, həm də azarkeşlərimizi təbrik edirəm. Bəlkə də “Zirə”ylə oyunda zəif oynamışdıq. Ancaq uşaqlar məğlubiyyətdən bezmişdilər. Dünən uşaqların gözlərini görmüşdüm. Bilirdim ki, onlar start fiti üçün alışıb-yanırdılar”.

-  Aqil Məmmədov start heyətində yer aldı və möhtəşəm oynadı. Dmitri Bezotosnı niyə yox idi?

- Aqili xüsusi təbrik edirəm. Öz saatını gözləyirdi və şansından istifadə etdi.

-  Bu qələbə komandanız üçün dönüş nöqtəsi oldumu?

-  Qarşımızda uzun bir marafon var. Bu oyuna görə sevinsək də, unudub yenidən başlamalıyıq. Hər bir oyuna ciddi yanaşmalıyıq.

- Təmkin 1 oyun oynayıb, 2 oyun buraxır...

- Bunu bəxtsizliklə əlaqələndirərdim. Ötən dəfə qırmızı vərəqəyə görə pul cəzası da kəsmişdik. Ancaq bu cür anlarda futbolçuya dəstək olmaq lazımdır (sport24.az).

 

Daha çox


Son xəbərlər
18.11.18  21:19

Kavani "Real"da?

18.11.18  19:19

Millimiz Kosovoya getdi

18.11.18  12:11

Aqil Abbasın təbriki