Rusiyada “Zenit”in futbolçusu Aleksandr Kokorin və “Krasnodar”lı Pavel Mamayevin xuliqanlığa görə həbsi məsələsi gündəmdən düşmək bilmir.
Qol.az-ın xəbərinə görə, bu dəfə “Sputnik” agentliyi MDB ölkələri, o cümlədən Azərbaycanın ən güclü klublarının nümayəndələrinə belə bir sual ünvanlayıb ki, adları çəkilən futbolçuları həbsdən çıxdıqdan sonra transfer edərlərmi?
“Qarabağ” klubunun mətbuat xidmətinin rəhbəri Nurlan İbrahimov Kokorin və Mamayevin hərəkətlərini qınasa da, bildirir ki, belə halla istənilən insan üzləşə bilər: “Sadəcə, futbolçular hər zaman üzdə olur, ona görə də daha çox müzakirə edilirlər. Hər ikisinin səviyyəli futbolçu olduğunu nəzərə alsaq, nəinki “Qarabağ”, Azərbaycanda hər bir klub onları heyətində görmək istəyər. Sadəcə, bizim ölkənin klublarının bunun üçün lazımi vəsaiti yoxdur. Onlar ilinə 3-4 milyon dollar pul alırlar. Bu isə Azərbaycanın bir çox klubunun illik büdcəsindən çoxdur. Amma onu da qeyd etməliyəm ki, “Qarabağ” futbolçu almazdan əvvəl onun keçirdiyi həyat tərziylə də maraqlanıb qərar verir”.
“Neftçi”nin mətbuat xidmətinin rəhbəri Rüstəm Allahverdiyev isə bildirir ki, onlar ilk növbədə peşəkarlığa önəm verirlər: “Bizim klubda bütün futbolçular başa düşür ki, “Neftçi”də oynayırsansa, deməli, cəmiyyətdə nümunə olmalısan. Hazırda “Zenit” və “Krasnodar” “Neftçi” kimi eyni peşəkar səviyyədədirlər. “Zenit”lə “Neftçi” arasında fərq yalnız büdcədə ola bilər. O ki qaldı adıçəkilən futbolçulara, onlara “Neftçi”də yer yoxdur və klub bu futbolçularla əməkdaşlıq etməyəcək”.
“Qəbələ”nin mətbuat xidmətinin rəhbəri Anar Hacıyev isə deyir ki, futbolçu transfer etməzdən əvvəl onların idmançı keyfiyyəti ilə yanaşı futboldankənar davranışları ilə də maraqlanır: “Bizim klubda daxili nizam-intizam qaydalarına və ünsiyyət normalarına xüsusi önəm verilir. Futbolçu ictimai fiqurdur. Hər hərəkətinə görə, klub və azarkeşlər qarşısında məsuliyyət daşıyır. Hesab edirəm ki, məsuliyyətsiz futbolçu heç bir kluba, o cümlədən də bizə fayda verə bilməz”.
Xatırladaq ki, Kokorin və Mamayev bugünlərdə sərxoş halda Rusiya Sənaye Ticarəti Nazirliyinin departament rəhbəri Denis Pak və Dövlət Federal Unitar Müəssisəsinin direktoru Sergey Qaysini, eləcə də daha əvvəl Rusiya “Birinci kanalı”ının aparıcısı Olqa Uşakovanın sürücüsünü döyməkdə şübhəli bilinir. Artıq onların barəsində məhkəmə qərarı ilə bu il dekabrın 8-nə kimi həbs-qətimkan tədbiri seçilib. Göstərilən tarixə olan müddətə tərəflər barışıq əldə etməsələr, futboçular barədə 7 ilədək həbs cəzasının çıxarılacağı istsna olunmur.
"Latsio"da yeni baş məşqçi
"Bakı Sportinq" - "Lerik" oyunundakı 5 qol - Video
"Turan Tovuz"un legioneri milliyə dəvət aldı
Tanınmış klubun 4 xalı silinir
"Şahdağ Qusar"ın qələbəsi - Video
Futboldan ömürlük uzaqlaşdırıldılar - AFFA-dan sərt qərar
Yassin Benzia 5 il yarımdan sonra milliyə çağırıldı
"Şahdağ Qusar" və "Bakı Sportinq"dən qələbə
"Neftçi" - "Spartak" matçının biletləri satışda
"Juninyonu "Qarabağ"da saxlamaqda çətinlik çəkəcəyik"
Azərbaycan millisinin oyunlarına hakim təyinatları açıqlandı
Lunyov Rusiya yığmasının düşərgəsinə qoşuldu
"Frayburq"da Ştrayx dövrü başa çatır
Ançelotti Arda Güleri təriflədi
İnfantino Türkiyə Superliqasındakı qalmaqaldan danışdı
"Neftçi" - "Spartak" oyununun saatı açıqlandı
"Turan Tovuz" - "Qarabağ" matçını nə qədər azarkeş izləyib?
Kovaçı Hasenhyüttl əvəzlədi
“Qarabağ”dan 21-ci əsrin rekordu
"Traktor" növbəti qələbə ilə 3-cü pilləyə yüksəldi
Coşqun oynadı, "Ümraniyespor" qələbə qazandı
"Bayer" seriyanı davam etdirdi, yeni rekorda imza atdı
"Mançester Yunayted” “Liverpul”u kubokdan kənarlaşdırdı
Rahilin komandasından heç-heçə
Musanın komandası finala yüksəldi
"Sabah"ın səfər qələbəsi - Video
"Bunu oturub, başbilənlər fikirləşməlidir" - Samir Abasov
Bəxtiyar Türkiyədə növbəti oyuna çıxdı
"Sabah" 2-ci pilləyə yüksəldi, "Qarabağ"dan qələbə