"Real"a qalib gəlmək üçün kifayət qədər gücümüz var" - Boatenq

"Real"a qalib gəlmək üçün kifayət qədər gücümüz var" -  Boatenq
XƏBƏR 24 Aprel 2018 / 18:59 2348
-  A +

“Ronaldo atletdir. Siz bunu o qol vurandan sonra formasını soyunanda görə bilərsiniz”.

Qol.az-ın məlumatına görə, bu sözləri “Bavariya”nın futbolçusu Jerom Boatenq “Marca”ya açıqlamasında deyib.

Almaniyalı müdafiəçi Çempionlar Liqasının yarımfinal mərhələsində qarşılaşacaqları “Real”ın lider futbolçusu Kriştiano Ronaldo haqda danışıb. O, portuqaliyalı hücumçunu saxlamağın çətin olduğunu bildirib:

“Ronaldonun zəif yeri yoxdur. Başı ilə, sağ və sol ayağı ilə qollar vurur. Ancaq “Real” təkcə Ronaldodan ibarət deyil, onlar komanda şəklində də güclüdür. Bununla belə, öz qələbəmizə inanırıq. Kifayət qədər güclü komandayıq ki, “Real”a qalib gələk”.

Almaniya millisinin üzvü ötən mövsüm yarımfinalda "Real"a uduzaraq mübarizəni dayandırdıqlarını da xatırladıb: "Hamımız bilirik ki, bəxtimiz gətirməmişdi. O zaman nəticə ədalətsiz olmuşdu. Ancaq indi əla şansımız var".

Qeyd edək ki, sabah Münhendə keçiriləcək “Bavariya” – “Real” oyunu Bakı vaxtı ilə saat 22:45-də başlayacaq.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı