“Keşlə”nin qapıçısı Orxan Sadıqlı Qol.az-a müsahibə verib. Ölkə kubokunun 1/4 final mərhələsinin “Kəpəz”lə cavab oyunu ərəfəsində şansları dəyərləndirən gənc qolkiper “Keşlə”dən ayrılacağı ilə bağlı gəzən söz-söhbətlərə də aydınlıq gətirib.
- Ölkə kubokunun 1/4 final mərhələsi çərçivəsində qarşıda “Kəpəz”lə cavab oyunu var. Eyni rəqiblə bu dəfə çətin Gəncə səfərində üz-üzə gələcəksiniz. Həmin oyunla bağlı nə deyə bilərsən?
- Kubokda 1 mərhələdə 2 matçdan ibarət olur. Birinci oyunu biz udmuşuq. İkinci oyun Gəncədə olacaq. Orada da maksimum nəticə üçün meydana çıxacağıq. 2:0 bizə sərf edir. Rəqib evdə çox yaxşı oynayır. Onların da gücü bəllidir. Özümüzə inanırıq. Gəncədən qələbə ilə qayıdıb, mərhələni keçmək istəyirik.
- 2:0 mərhələni keçmək üçün yaxşı nəticədir. Bu hesab sizi arxayınlaşdırmır?
- Əlbəttə, yox. Rəqib burada 1 qol vursaydı, evdə minimal hesablı qələbə ilə növbəti mərhələyə çıxa bilərdi. Birinci oyunda 2:0 hesablı qələbəyə baxmayaraq, cavab matçında hər şey ola bilər. Diqqətli olmalıyıq. Gəncədə maksimum gücümüzü ortaya qoyub, uduzmamaq üçün oynamalıyıq. Bizim üçün bundan başqa stimul yoxdur. Kubokda mərhələni keçsək, çempionatın ikinci dövrəsinə daha yaxşı hazırlaşmaq üçün komandada istək olacaq.
- Son günlər “Keşlə”ni “Kəpəz”ə dəyişəcəyinlə bağlı xəbərlər yazılır. Amma indi dediklərindən belə qənaətə gəlmək olar ki, hazırkı komandada qalacaqsan...
- Hələ ki, “Keşlə”nin futbolçusuyam. 6 aylıq müqaviləm var. Klub rəhbərliyi buraxmasa, heç yerə gedən deyiləm. Qarşıdakı 2 gündə hər şeyə aydınlıq gələcək. Çünki bundan sonra mən əsas heyətdə oynamaq istəyirəm. Ehtiyatda oturmaq fikrim yoxdur. Çünki məqsədim var. Mili komandaya dəvət almaq istəyirəm.
- “Keşlə”də daim əsas heyətdə meydana çıxırsan. Az öncə isə dedin ki, bundan sonra ehtiyatda oturmaq istəmirsən. Maraqlıdır, Kamran Ağayevin “Keşlə”yə mümkün keçidinə görə belə fikirləşirsən? Yəni o gələndən sonra ehtiyatda qalmaqdan qorxursan?
- Yox. Onsuz da bizə qapıçı lazımdır. Bir mənəm, bir də Şahin. O da gənc qapıçıdır. 18 yaşı var. Özüm də zədəli halda oynayıram. Komandaya qapıçı lazımdır. Bu, Kamran da ola bilər, bir başqası da. Hər şey 3-4 günün içində bəlli olacaq.
- Yunis Hüseynovun sənin xidmətində maraqlı olduğu, buna görə də komandasında görmək istədiyi söylənilir. Bu barədə sənə rəsmi təklif gəlib?
- Qarşıda “Kəpəz”lə oyunumuz var. Ona görə bu haqda danışmaq isətmirəm. Yenə deyirəm, kubok oyunundan sonra hər şey bəlli olacaq.
- Milli komandaya dəvət almaq istədiyini bildirdin. Səncə, yığmaya “Keşlə”dən düşmək daha asandır, yoxsa “Kəpəz”dən?
- Fərqi yoxdur. Hər şey mənim özümdən asılıdır. Sabit çıxış edəndən sonra yəqin ki, dəvət olunaram. Yığdığım təcrübənin bəhrəsini görürəm. Bundan sonra daha da inkişaf etmək istəyirəm. Bütün bunları nəzərə alanda, fikirləşirəm ki. Daim oynamaq lazımdır.
- Komandanın maddi durumu indi necədir?
- Hər şey qaydasına düşüb. Maaşlarımızı vaxtı-vaxtında alırıq. 1-2 günə noyabr ayının maaşlarını da alacağıq. Oyunlarımıza mükafat da qoyulur.
- Belə çıxır ki, artıq “Keşlə”nin futbolçulara borcu yoxdur...
- Bəli, klubun bizə borcu qalmayıb. Hər şey normaldır.
- “Kəpəz” üzərindəki qələbəyə görə mükafat söz verilib?
- Həmin görüşlərin nəticəsinə görə mükafat veriləcək.
Elnur SALAHOV
26 oyunda 31 qol - Video
Qrizmann qayıtdı
Virtzin 21 qolu və 31 qol ötürməsi - Video
"Tottenhem" "Bavariya" ilə qarşılaşacaq
Keyn sağaldı
"Borussiya" onunla peşəkar müqavilə imzaladı
"Barselona"nın apellyasiya şikayəti rədd edildi
Mahir Emreli irqçiliyə qarşı kampaniyaya dəstək verdi
1-ci liqada daha 3 turun oyunlarının saatı müəyyənləşdi
Messi: “Dünya çempionu olmasaydım, millini tərk edəcəkdim”
“Azərlotereya”nın yeni 4 oyunu Misli.az-da
Azərbaycan millisi İrəvana getməkdən imtina etdi
Bölgə komandası çempionatdan kənarlaşdırıldı
AFFA məşqçini futboldan uzaqlaşdırıb
"Şəmkir"in futbolçusundan gözəl qol - Video
ABŞ klubu Jiru ilə razılıq əldə etdi
1-ci liqada 20-ci turun oyunlarının saatı bilindi
PFL 35 oyunun vaxtını açıqladı
4-cü Avropa Oyunları bu şəhərdə keçiriləcək
Pele və Ronaldonu geridə qoydu
Gürcüstan, vicdan və imtahan...
Baş nazir milliinin üzvlərinə orden veriləcəyini açıqladı
"Səbail"in futbolçusu oynadı, milli komandası qalib gəldi
Ronaldo 2,2 milyon dollarlıq "Ferrari"si ilə - Video