“Neftçi”nin qapıçısı Səlahət Ağayev Qol.az saytına müsahibə verib. Uzunmüddətli zədəsini sağaltdıqdan sonra yenidən məşqlərə başlayan qolkiper həm hazırkı durumundan, həm də “Neftçi”nin çıxışından söz açıb.
- Zədədən sonra özünü necə hiss edirsən?
- Hər şey yaxşıdır. 2 aydı məşq etmirdim. Zədədən sonra məşqlərə yenicə başlamışam. Son 5 gündü toplarla hazırlaşıram. Ancaq hələlik komanda ilə birgə məşq etmirəm. Qapıçılarla işləyən məşqçi Rauf Salamovla ayrıca işləyirik. Gündən-günə məşqləri artırırıq. Ağrım olmasa da, hələ tam hazır deyiləm.
- Komanda ilə ümumi məşqlərə nə zaman başlayacaqsan?
- Bu, məşq prosesindən asılıdır. İndidən nəsə deyə bilmərəm. Amma belə getsə, 5-10 günə hazır olaram. Hələlik fərdi məşqlərlə kifayətlənirəm.
- Sənin yoxluğunda çərçivəni Rəşad Əzizli qoruyur. Həmkarının çıxışından razısan?
- Əlbəttə. Rəşad yaxşı qapıçıdır. Əgər “Neftçi”nin qapıçısısansa, hər an hazır olmalısan. Səmimi deyirəm, qapıçı olmağıma baxmayaraq, Rəşadın çıxışından xoşum gəlir. Perspektivi var. Gələcəkdə daha da böyük qapıçı ola bilər.
- Bəs necə düşünürsən, ağır zədədən sonra yenidən “Neftçi”nin 1 nömrəsi ola biləcəksən?
- Hər şeyi zaman göstərəcək. Vaxtı çatanda hər şeyi görəcəksiniz. Hələlik mən zədəmi sağaltmaqla məşğulam. O barədə fikirləşmirəm.
- 11 turdan sonra “Neftçi” 13 xalla turnir cədvəlinin 5-ci pilləsində qərarlaşıb. Komandanın çıxışı barədə nə deyə bilərsən?
- Çempionata yaxşı başlamasaq da, sonradan vəziyyəti düzəldə bildik. Son 5 turda sadəcə “Zirə”yə məğlub olmuşuq. Futbolda belə şeylər olur. Fasiləyə kimi qarşıda 3 tur var. Güclü komandalarla oynayacağıq. Belə davam eləsək, qışdan sonra komanda daha inamlı çıxış edəcək. Ən azından avrokuboklar uğrunda oynaya bilərik. Komandada inam var.
- Növbəti turda doğma meydanda “Qəbələ”ni qonaq edəcəksiniz. Həmin qarşılaşma barədə də fikirlərini bilmək istərdim...
- Bütün rəqiblər güclüdür. “Qəbələ” də hazırda ən güclü rəqiblərdən biridir. Çempionluğa oynayan komandadır. Mən yaxşı nəticəyə inanıram. Bizimlə oynamaq “Qəbələ” üçün asan olmayacaq.
- Son günlər müzakirə olunan əsas məsələlərdən biri də 21 yaşadək futbolçulardan ibarət yığmamızın seçmə mərhələdə Almaniyaya 0:7 hesabı ilə məğlub olmasıdı. Vaxtilə sən də U-21-də çıxış etmisən. Bu mənada, komandamızın biabırçı məğlubiyyəti haqda fikirlərin bilmək maraqlı olardı.
- Futbolda bu cür hesablar olur. Əlbəttə, Almaniya güclü komandadır. Amma, açığı, hesabın bu cür olacağını gözləmirdim. Yəqin ki, məşqçilər bu haqda futbolçularla söhbət edərlər. Bizim kənardan nəsə deməyimiz düzgün çıxmaz. Heç bir futbolçu böyük hesabla məğlub olmaq istəməz. Ümumiyyətlə, futbolda qələbə də var, məğlubiyyət də. Amma 0:7... Nə deyim?! Heç bir futbolçu istəyərək bu cür məğlub olmur.
Elnur SALAHOV
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə
"Arsenal"ı nokaut etmək gözəl idi"
Ayşən Abduləzimova Macarıstan çempionu oldu
Arda Güler "Sevilya"ya rədd cavabı verdi
Azərbaycanın U-17 millisinin heyətində dəyişiklik
Bellinqem: "Oyunun sonunda ayaqlarım ölmüşdü"
Tovuz ilk dəfə avrokubok oyununu qəbul edə bilər
Azərbaycanı Avropa çempionatında təmsil edəcək şahmatçılar
Arteta: "Çempionlar Liqasında oynamağı öyrənməliyik"
"Narazılıq olub, təhqir olmayıb"
Noyerdən yeni rekord
AFFA-dan hakimi təhqir edən futbolçuya cəza
"Qəbələ"nin meneceri cəzalandırıldı
AFFA-dan cəza və cərimələr
"Roma" De Rossi ilə bağlı qərarı rəsmən açıqladı
Ançelotti: "Mərhələ adlayacağımıza əmin idik"
Azərbaycan U-17 millisi İnkişaf turnirində iştirak edəcək
Konfrans Liqasında 1/4 finala yekun vurulur
Avrokubokun oyunları bu kanallarda
Qvardioladan məğlubiyyət şərhi
Avropa Liqasında yarımfinalçılar müəyyənləşir
Dembele, Valverde, Kimmix, Brandt...
"Real"ın yarımfinala penaltilərlə yüksəldiyi oyun - Video
"Bavariya" və "Real" yarımfinalda
UEFA inspektoru "Turan Tovuz"un stadionuna baxış keçirdi
Bundesliqanın ən yaşlı futbolçusu karyerasını başa vurur
"Roma"nın müdafiəçisi "Milan"a qarşı oynamayacaq
Kvaratsxeliya "Napoli"nin məşqini buraxdı
MOİK-ə 3 xal qazandıran qollar - Video
"Barselona"nın futbolçusu: "Çox peşmanam"
"Şamaxı"nın 6 qolu - Video
"Şamaxı" və MOİK-dən qələbə
“Paris-2024” Yay Olimpiya Oyunlarının startına 100 gün qalıb
ÇL-in oyunlarını göstərəcək kanallar
"İmişli"nin şikayəti qismən təmin olundu
"Real"dan zəng gələndə iki dəfə düşünmədim"
1-ci liqanın mərkəzi oyunu FİFA referisinə tapşırıldı
Gündoğan: "Hakim penalti verməli idi"