AFFA-nın baş katibi Elxan Məmmədov təmsil etdiyi qurumun Robert Prosineçki ilə yolları ayırması ilə əlaqədar Qol.az saytına müsahibə verib
- AFFA rəhbərliyi bu gün Prosineçki ilə keçirdiyi görüşdə onunla müqavilənin müddətinin uzadılmamasına qərar verdi. Bu, hansı zərurətdən irəli gəldi?
- Oktyabrın sonlarında belə bir görüşün olacağını əvvəlcədən elan etmişdik. Robert də dünən bununla əlaqədar Bakıya gəldi. Biz də bu gün onun AFFA prezidenti ilə görüşünü təşkil etdik. Görüş hər iki tərəf üçün səmərəli oldu, futbolun müzakirəsi getdi. Təbii ki, bizim yeni hədəflərimiz, onun da öz gözləntiləri var. Biz ona fəaliyyətinə görə minnətdarlığımızı bildirdik. O, Azərbaycanda çalışdığı 2 il müddətində futbolumuz xeyir qazandı. Təbii ki, bizim məqsədimiz 10-dan çox xal qazanmaq idi. Amma 10 xal rekorddur. Onun öz işini peşəkar səviyyədə icra etməsi, müqaviləsinə sona qədər sadiq qalması bizi sevindirir. Biz düşündük ki, millidə artıq yeni nəfəsə ehtiyac var. Robert də düşündü ki, yeni çağırışlarını, missiyasını digər ölkələrdə davam etdirsin.
- Ümumiyyətlə, AFFA tərəfdən ona vəzifəsində qalmaqla bağlı hər hansı təklif oldumu?
- Biz qərara gəldik ki, ilk əvvəl onu dinləyək. Bilirsiniz ki, Prosineçkiyə xarici ölkələrdən çoxsaylı təklif gəlib. Belə olan halda məşqçiyə qəti qərar vermək çətin olur. Çox peşəkar səviyyədə söhbətimiz oldu.
- Belə başa düşdük ki, Prosineçki millimizdən qalmaqdan daha çox getmək istəyib?
- Elə demək olar.
- Bəs, Prosineçkinin gedişindən sonra milli müvəqqəti olaraq kimə tapşırılıb?
- Onsuz da əvvəlcədən də elan etdiyimiz kimi, noyabrda millinin oyunu keçirilməyəcək. Çünki komandanın 60 faizini “Qarabağ”ın oyunçuları təşkil edir. Ona görə də bu klubun mənafeyi naminə riskə getmək olmazdı. Onların Çempionlar Liqasında vacib oyunları olacaq. Prosineçkinin müqaviləsi isə ilin sonunadək davam etməkdədir. Çox guman ki, bu müddətdə siz onu Premyer Liqanın oyunlarında görəcəksiniz. Yəni belə olsa, təəccüblənməyin. Müqavilə müddəti başa çatana kimi AFFA-ya da gələcək. Onun futbolçularla bağlı məsləhətləri, tövsiyələri olacaq. Bundan sonra Robertin özünə də rahat olacaq. O, indi istədiyi komandayla sərbəst şəkildə danışıqlara başlaya bilər.
- Millinin bundan sonrakı baş məşqçisi yerli, yoxsa əcnəbi mütəxəssis olacaq? Yeri gəlmişkən, bu vəzifəyə Qurban Qurbanovun namizədliyi çox göstərilir.
- Hələlik AFFA rəhbərliyi yerli, yoxsa əcnəbi namizəd məsələsini müzakirəyə çıxarmayıb. İcraiyyə Komitəsindəki müzakirədən sonra katiblik bununla əlaqədar fəaliyyətə başlayacaq.
- Bəs, yeni baş məşqçi təxminən nə vaxt təyin olunacaq?
- Bu məsələ ilin sonuna kimi həll olunacaq. Çünki yeni baş məşqçi millinin fevral, yaxud mart ayı üçün təlim-məşq toplanışını planlaşdırmalıdır.
26 oyunda 31 qol - Video
Qrizmann qayıtdı
Virtzin 21 qolu və 31 qol ötürməsi - Video
"Tottenhem" "Bavariya" ilə qarşılaşacaq
Keyn sağaldı
"Borussiya" onunla peşəkar müqavilə imzaladı
"Barselona"nın apellyasiya şikayəti rədd edildi
Mahir Emreli irqçiliyə qarşı kampaniyaya dəstək verdi
1-ci liqada daha 3 turun oyunlarının saatı müəyyənləşdi
Messi: “Dünya çempionu olmasaydım, millini tərk edəcəkdim”
“Azərlotereya”nın yeni 4 oyunu Misli.az-da
Azərbaycan millisi İrəvana getməkdən imtina etdi
Bölgə komandası çempionatdan kənarlaşdırıldı
AFFA məşqçini futboldan uzaqlaşdırıb
"Şəmkir"in futbolçusundan gözəl qol - Video
ABŞ klubu Jiru ilə razılıq əldə etdi
1-ci liqada 20-ci turun oyunlarının saatı bilindi
PFL 35 oyunun vaxtını açıqladı
4-cü Avropa Oyunları bu şəhərdə keçiriləcək
Pele və Ronaldonu geridə qoydu
Gürcüstan, vicdan və imtahan...
Baş nazir milliinin üzvlərinə orden veriləcəyini açıqladı
"Səbail"in futbolçusu oynadı, milli komandası qalib gəldi
Ronaldo 2,2 milyon dollarlıq "Ferrari"si ilə - Video
"Qarabağ" gürcü futbolçunu təbrik etdi
Kvaratsxeliya ləzginka oynadı - Video
"Mançester Yunayted" avrokuboklardan kənarda qala bilər
Roberto Martinezli Portuqaliya millisində ilk
Benzia millidə gözəl qol vurdu - Video