“Zirə”nin baş məşqçisi Ayxan Abbasovun Qol.az saytına müsahibəsi
- Bu gün Topaz Premyer Liqada yeni mövsüm start götürür. Komandanız çempionata nə dərəcədə hazırdır?
- Avroliqa oyunlarına görə yeni mövsümün hazırlığına tez başlamışdıq. Daha sonra futbolçulara istirahət vermişdim. Çətin oyunlara çıxmışdılar. Artıq iki həftədir ki, sırf çempionata hazırlaşırıq. Hər şey qaydasındadır. Üç zədəli futbolçumuz var idi. Onlardan Kervens Belfort və Riçard Qadze artıq sıraya dönüb. Jozef Bum isə bugündən fərdi məşqlərə başlayacaq. Çempionata hazır olduğumuzu deyə bilərəm. Ancaq yəqin ki, ilk turlarda müəyyən çatışmazlıqlar olacaq.
- “Zirə” tarxində ilk dəfə Avropa Liqasında iştirak etdi. Turnirdə keçirdiyiniz 4 oyunun çempionata hazırlıq baxımından nə kimi faydası oldu?
- Təbii ki, rəsmi oyunlarla yoldaşlıq matçlarının fərqi böyükdür. Biz Avroliqada oynamasaydıq, yenə ölkə xaricində bir neçə yoxlama oyunu keçirəcəkdik. Ancaq Avroliqa oyunu tamam başqadır. Komandamız həm Avropa təcrübəsi qazandı, həm də çempionata daha hazırlıqlı olduq. Bir çox futbolçumuz ilk dəfə Avroliqa oyununa çıxırdı. Məncə, bunun bizə xeyri çox oldu. Yəqin ki, çempionatın gedişində bunu görəcəyik.
- Çempionatda ilk rəqibiniz “Səbail”dir. Yəqin ki, debütant komandanın oyununa o qədər də bələd deyilsiniz.
- “Səbail”ə bələd olmasaq da, baş məşqçiləri Samir Əliyevi yaxşı tanıyıram. Onun hansı futbol üslubuna üstünlük verdiyini bilirəm. Mən “Səbail”i zəif rəqib hesab etmirəm. Son yoldaşlıq oyunlarını izləmişəm. Hücum futbolu oynayırlar, sürətli əks hücumları var. Ən başlıcası “Səbail” futbolçuları çox istəklidir. Bu da rəqiblərə təhlükə olacaq.
- Bəs digər komandalardan nə gözləyirsiniz? Ümumiyyətlə, 8 komandalı çempionatdan rəqabət gözləmək olar?
- Təbii ki, yenə çempionluğa real namizəd “Qarabağ” və “Qəbələ”dir. Bu komandalar rəqiblərindən birbaş üstündür. Ancaq bu o demək deyil ki, digər klublar onlara rahat təslim olacaq. Məncə, bu il çempionat daha maraqlı olacaq. Daha mübarizəli oyunlar gözləyirəm. Düzdür, 8 komanda azdır. Ancaq bunun da üstünlüyü var. Yəni komandalar bir-biri ilə tez-tez qarşılaşır. Məsələn, 12 komanda olsa, “Qəbələ” ilə “Qarabağ” çempionatda iki dəfə qarşılaşarlar. Ancaq indiki halda bu komandalar 4 dəfə üz-üzə gəlir. Buna görə də mübarizəli oyunlar çox olur. Digər komandalara gəldikdə, “Sumqayıt”ın yaxşı fitbolçular aldığını görürük. Məncə, bu mövsüm də sona qədər avrokuboklar uğrunda mübarizə aparacaqlar. “Neftçi”nin son transferləri göstərdi ki, komanda bu mövsüm medallar uğrunda mübarizə aparacaq. Digər komandalarımıza da zəif demək olmaz.
- Yəqin “Zirə” də ən azından avrokuboklar üçün mubarizə aparacaq.
- Bəli, futbolçulara da demişəm ki, yenidən Avroliqada iştirak etmək istəyiriksə, çempionatda inamlı oynamalıyıq. Artıq biz Avroliqanı gördük. Müəyyən qədər təcrübə topladıq. Ancaq bu mövsüm avrokuboklar uğrunda mübarizə daha gərgin gedəcək. Yəni bizim üçün də asan olmayacaq.
- “Zirə”də transfer işlərini yekunlaşıb?
- Ümumən transfer işini bitirmişik. Demək olar ki, istədiyimiz mövqelərə futbolçular aldıq. Ancaq bir futbolçu da istəyirik. Hücumameyilli, komandaya güc qatan futbolçu olsun. Axtardığımız futbolçunu tapsaq, transfer edə bilərik. Ancaq hazırda elə bir futbolçu tapmamışıq.
Ramiq AĞAMƏMMƏDOV
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın