Budurmu, “Neftçi”nin peşəkarlığı?
[05.05.2012]

Anar Xanlarov

Rəşad Sadiqovun kapitan sarğısını daşıdığı “Qarabağ”ı gözlənilmədən tərk edib “Neftçi”yə üz tutması çoxlarını şoka saldı. Düzdür, transfer pəncərəsi bağlı olduğundan rəsmi keçiddən danışmaq hələ olmaz. Ancaq artıq hər iki tərəf – həm Rəşad, həm də “Neftçi” qarşılıqlı razılığa gəlindiyini etiraf edib. Bu isə o deməkdir ki, Sadiqov mövsüm başa çatan kimi çempionla münasibətlərini rəsmləşdirəcək.

Ancaq mən bu yazımda Rəşada toxunmayacam. Əslində hər şey ortadadır. Futbolçunun, özü də kapitan sarğısı daşıyan bir futbolçunun, çempionat başa çatmamış, komandasının çətin günlər yaşadığı bir vaxtda başqa klubla danışıq aparması və çıxıb bunu açıq şəkildə deməsi çox utancverici bir haldır. Lakin dediyim kimi, məsələnin Rəşad tərəfinə toxunmayacam.

Mənə daha çox təsir edən və üzən “Neftçi”nin hərəkətidir. Çünki Sadiqovun addımı nə qədər peşəkar futbolçuya yaraşmırsa, “Neftçi”nin addımı da bir o qədər peşəkar kluba yaraşmır. Özünü peşəkar sayan heç bir klub çempionat gedə-gedə başqa klubla müqaviləsi olan futbolçu ilə danışıq aparmır. Deyək ki, Rəşad qeyri-peşəkar addım atır, öz komandasının çətin günlər yaşadığı bir vaxtda başqa klubla danışıq aparmağa cəhd edir. Bəs, “Neftçi”yə nə olub? Axır onlar bilirlər ki, hələ çempionat başa çatmayıb və Sadiqovun Ağdam klubu ilə müqaviləsi davam edir. Məsələnin peşəkarlıq tərəfini qoyuram bir kənara. Bəs qarşılıqlı hörmət, mənəvi nüanslar?

“Neftçi” rəhbərliyi bilirmi ki, onlar Sadiqovla gizli danışıq aparmaqla “Qarabağ”a və onun azarkeşlərinə qarşı çox böyük hörmətsizlik ediblər? Paytaxt klubunun prezidenti Sadıq Sadıqov dünən verdiyi açıqlamasında “Qarabağ” üzərində qələbəyə görə həm də kədər göz yaşları axıtdığını deyib: “Qarabağ”ın avrokuboklardan kənar qalmaq təhlükəsini görəndə ürəyim dözmür”. Sadıq müəllim, axı sizin dediklərinizlə rəhbərlik etdiyiniz klubun etdiyi hərəkət bir-birinə tərs mütənasibdir. “Qarabağ”ın durumuna üzülməyiniz, onların avrokuboklardan kənar qalmaq təhlükəsi ilə barışa bilməməyiniz Ağdam klubuna olan hörmətiniz kimi qəbul olundu. Ancaq bundan bir gün sonra durumuna üzüldüyünüz klubun aparıcı futbolçusu ilə həmin klubdan xəbərsiz danışıb razılığa gəlməyiniz insanda acı təəssüfdən başqa heç bir təəssürat oyatmadı.

Düzdür, dünya futbolunda da belə praktika var ki, mövsümün başa çatmasına hələ bir neçə ay qalmış hansısa futbolçunun növbəti mövsümdən başqa klubun şərəfini qoruyacağı açıqlanır. Lakin həmin klub futbolçu ilə danışıqları onun klubundan gizlin deyil, birbaşa rəhbərlik səviyyəsində aparır. Biz nə qədər yazırıq, çalışırıq ki, klublarımız peşəkarlaşsın, Avropa klublarından yaxşı mənada örnək götürsün, ancaq heç nə dəyişmir ki, dəyişmir. Əgər adının qarşısında “peşəkar” sözünü xüsusi qeyd edən ölkə çempionu “Neftçi” başqa klubla müqaviləsi olan futbolçu ilə gizlin danışıq aparırsa, o zaman burada “peşəkar” sözü nə dərəcədə yerinə düşür? Bir sözlə, dildə populist xarakterli “peşəkarıq” demək yox, bunu əməli işdə sübut etmək lazımdır.


7920 dəfə baxılıb

   Facebook Twitter MySpace Google

MÜƏLLİFİN DİGƏR YAZILARI                        
 
03.02.2014  16:05 Azərbaycanda tək Sumqayıta qar yağıb?
16.09.2012  16:03 Polis zorakılığı və ya “barabanı vurma, başım ağrıyır”
01.09.2012  13:21 Tarix, örnək, diktə və böyük ağa
26.08.2012  14:55 “Rəvan”dan ziddiyyətli qərarlar
20.08.2012  13:13 AFFA nümayəndəsinin Sumqayıt “şou”su
13.08.2012  13:12 Biz niyə futbolsuz qalmalıyıq?
02.08.2012  13:18 Bərbad müdafiə, yanlış taktika
27.07.2012  12:41 Sxadadze və Nikolov istefaya getməlidir!
13.07.2012  14:25 “Bakı” fiaskosuna sözardı
10.07.2012  16:50 “İnter”i tək qoymayın!
16.06.2012  17:20 Almaniya çempion olacaq!
08.06.2012  16:13 Növbəti rəzalət, yaxud bu da sizə “inkişaf”
31.05.2012  19:31 Qürurlu adın cürətsiz daşıyıcıları
23.05.2012  18:07 Muzdlu legionerlər və küçə futbolu
17.05.2012  15:40 Sxadadze, yoxsa Qurbanov və ya yubilyarın yubileyinə sözardı
10.05.2012  15:05 “Bakı”, imicini qoru!
07.05.2012  13:45 “Neftçi”, bəs, buna sözün nədir?
21.11.2011  11:10 Qəbələdə hakim “şousu”, "Xəzər Lənkəran"da nə baş verir?
07.11.2011  14:19 Rednikə Böyük (Ağa) “silləsi”
31.10.2011  10:13 “Qarabağ”ın fədakarlığı, Adamsın fiaskosu
22.10.2011  17:35 Aşkar yerlibazlıq, yoxsa yersiz inad?
17.10.2011  12:07 Hacıyev yenə Redniki qabağa buraxdı
14.10.2011  12:39 Şikəst gələcək
10.10.2011  11:40 Üzsüzlər haqqında yazı
01.10.2011  15:40 Belə olmaz, ser Toni!
30.09.2011  16:45 Elxan Məmmədovun körpü nağılı
26.09.2011  11:22 Rednik uzaqlaşır, Adamsla Starkov ləngər vurur
23.09.2011  11:49 Ehtiyatlı olun, “dəlləy”iniz naşıdır
19.09.2011  15:17 Məntiqsiz “istefa” çağırışı və “Bakı”nın növbəti “penalti şou”su
19.09.2011  15:38 Dərəbəylik
12.09.2011  13:25 “Bakı”nın dərdi var, “Turan” tapmacası və ya Hacıyev nə etmək istəyirdi?