AFFA-nın Məşqçilər Komitəsinin üzvləri Gəncədə - Şəkillər

AFFA-nın Məşqçilər Komitəsinin üzvləri Gəncədə - Şəkillər
XƏBƏR 22 Oktyabr 2016 / 22:19 2244
-  A +

AFFA-nın Məşqçilər Komitəsi (MK) Gəncəyə səfər edib.

Qol.az-ın AFFA-nın saytına istinadən yaydığı xəbərə görə, Assosiasiyanın İcraiyyə Komitəsinin üzvü, MK-nin sədri Vaqif Sadıqov və üzvləri Ağasəlim Mircavadov ilə Şakir Qəribov "Kəpəz" Peşəkar Futbol Klubunda uşaq yaş qruplarında çalışan məşqçilər heyəti ilə görüşüb.

Son bir ildə ikinci dəfə Gəncəyə gələn AFFA-nın Məşqçilər Komitəsi klubdakı vəziyyətlə maraqlanıb, uşaq futbolunun inkişafı istiqamətində görülən işlərlə tanış olublar.

"Kəpəz” PFK-nın Müşahidə Şurasının üzvü Mikayıl Nərimanoğlu və icraçı direktor Cabir İbrahimovun da iştirak etdiyi görüş qarşılıqlı fikir mübadiləsi və müəyyən məsələlər ətrafında müzakilərlərlə davam etdirilib.

Xatırladaq ki, iki gün Nizami yurdunda olan nümayəndə heyəti Gəncə şəhər stadionunun məşq şəraitini öyrənərək, ayrı-ayrı yaş qrupları üzrə komandaların hazırlıq prosesində olublar. Həmçinin, AFFA-nın təşkilatçılığı ilə keçirilən Azərbaycan birinciliyinin Gəncə zonası üzrə yarışları izləyiblər.


























Səhifənin yuxarısına keçidYuxarı

Daha çox


Son xəbərlər
28.03.24  10:55

Qrizmann qayıtdı