"Bəzi nüanslar var ki..." - Qurban Qurbanov

"Bəzi nüanslar var ki..."  - Qurban Qurbanov
ÖLKƏ FUTBOLU 19 Sentyabr 2016 / 22:37 4964
-  A +

"Oyun pis alınmadı. Sonluğa baxanda 2:0 hesablı qələbə yaxşı nəticədir. Oyun düşündüyümüz kimi alındı. “Slovan”la matçdan sonra bəz futbolçularımızın mikro zədələri var idi. Buna görə də, risk etmək istəmədim. Meydana çıxan oyunçulardan da tam razı qaldım".

Qol.az-ın məlumatına görə, bu sözləri "Qarabağ"ın baş məşqçisi Qurban Qurbanov Topaz Premyer Liqanın 5-ci turunda "Zirə" ilə oyundan (2:0) sonra keçirilən mətbuat konfransında deyib. Daha sonra o, jurnalistlərin suallarını cavablandırıb.

- Bədavi Hüseynovun zədəsi nə yerdədi?

- Fərdi məşqlərə başlayıb. Ya sabah, ya birisigün kollektivlə birgə məşqlərə qoşulacaq. “Kəpəz”lə oyuna hazır olacaq. Həmin görüşdə 90 dəqiqə oynayıb-oynamayacağını bilmirəm.

- Qara Qarayevi bu gün müdafiənin mərkəzində oynatdınız. Həmin mövqedə necə təsir bağışladı?

- Qaranı bəzi yoxlama görüşlərində o mövqedə yoxlamışıq. Orda da oynamaq gücündədir. Müdafiənin mərkəzi Qara üçün tanışdır. Bəzən məşqlərdə, ikitərəfli oyunda da onu bu mövqedə yoxlayırıq.

- Bu görüşdə dubl edən Rahid Əmirquliyev əvvəlki oyununu tam bərpa edibmi?

- Rahid çoxdan hazırdır. Artıq neçə oyundur ki, çempionatda əsas heyətdə meydana çıxır. Sadəcə, bəzi nüanslar var ki, hər dəfə meydana buraxa bilmirəm. Çoxdan hazırdır. Tam öz oyununu bərpa etməsi üçün oyun praktikası lazımdır.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı