Unibank Premyer Liqanın ardıcıl 4 oyununda qol vuran “Xəzər Lənkəran”ın braziliyalı futbolçusu Mario Souza “İnter”lə dünənki qarşılaşmadan sonra Qol.Az saytına müsahibə verib.
- İlk növbədə “İnter”lə oyun haqda fikirlərini bildirərdin.
- Oyun çox gərgin alındı. Birinci hissədə yaxşı oynadıq. Erkən qol da vurduq. Amma ikinci hissədə rəqib təşəbbüsü ələ keçirdi. Düşünürəm ki, bu da bizim günahımız ucbatından baş verdi. Yekunda da meydandan 1 xalla ayrılmalı olduq.
- Özün dedin ki, rəqib fasilədən sonra üstünlüyü ələ aldı. Bu nə ilə bağlıdır - taktiki gediş idi, yoxsa komanda fiziki cəhətdən çatdırmadı?
- Bizim fiziki cəhətdən heç bir problemimiz yoxdur. Bu baxımdan komandada hər şey qaydasındadır. Sadəcə, günah özümüzdə oldu. Həmin tempi saxlaya bilmədik. Öz səhvimizdir. Fikrimcə, hesabda öndə olarkən ikinci qolu vursaydıq, bəlkə də nəticə başqa cür də ola bilərdi.
- Bunun üçün imkanlarınız da oldu.
- Hə, bir-iki şansımız oldu. Yararlana bilmədik. Amma nə etmək olar? Bu, futboldur.
- Səfərdə oynadığınızı nəzərə alsaq, heç-heçəni “Xəzər Lənkəran” üçün uğurlu nəticə saymaq olar?
- Əlbəttə. Düzdür, biz həmişə qələbə üçün oynayırıq. Amma bir xal da bizim üçün yaxşı nəticədi. “İnter” zəif komanda deyil, çempionatın ən güclülərindən biridir. Bu komandadan 2 oyuna 4 xal almaq yaxşı göstəricidir. İnanıram ki, “altılıq”da bu xalların bizə çox köməyi dəyəcək.
- Meydanın ot örtüyünün süni olması nəticəyə nə dərəcədə təsir etdi?
- Həqiqətən də meydanın vəziyyəti çox pis idi. Ümumiyyətlə, süni meydanda oynamaq həmişə çətin olur. Buna uyğunlaşmaq üçün zamana ehtiyac var. Oyundan əvvəl 1-2 gün süni meydançda məşq edirsən ki, buna öyrəşəsən. Amma sonradan yenidən təbii ot örütüyünə qayıdırsan. Buna görə də süni meydanda oynamaq həmişə çətin olur.
- Həmişəkindən fərqli olaraq, bu dəfə Ağasəlim Mircavadov səni orta xətdə deyil, hücumun mərkəzində oynatdı. Yeni mövqedə özünü necə hiss edirdin?
- Mərkəz hücumçusu kimi çıxış etmək mənim üçün çətin idi. Bu zaman iki mərkəz müdafiəçisinin arasında qalırdım. Bu da istər-istəməz oyunuma mənfi təsirini göstərirdi. Amma baş məşqçimiz sağ olsun ki, meydanda mənə sərbəstlik vermişdi. İstədiyim kimi oynayırdın, yəni meydandan rahat idim. Bunun nəticəsində qol da vurdum.
- Qol vurduğun epizodu təsvir edə bilərsən?
- Svetkov qapıya güclü zərbə vurdu. “İnter”in qapıçısı topu qaytarsa da, dərhal özümü yetirdim. Lazımı anda lazımı mövqedə olmağı bacardım.
- Ardıcıl 4 oyundur ki, qol vurursan.
- Komandama fayda verdiyim üçün çox şadam. Amma bu qolları tək mənim adıma yazmaq düzgün olmazdı. Bunda bütün komanda yoldaşlarımın payı var. Onlar şərait yaratmasalar, necə qol vura bilərəm?
- 13 turdan sonra “Xəzər Lənkəran” turnir cədvəlində beşinci pillədə qərarlaşıb. Səncə, komandan artıq “altılıq”dakı yerini təmin edib?
- Yox, indidən bu haqda danışmaq çox tezdir. Çünki mübarizə davam edir. Sona 9 tur qalsa da, nəinki “Xəzər Lənkəran”, ümumiyyətlə heç bir komanda “altılığ”a düşməyi təmin etməyib. Növbəti turlarda hələ çox sürpizlər qeydə alına bilər.
- Çoxları cari mövsümün həddindən artıq gərgin keçdiyini əsas gətirərək, Premyer Liqanın səviyyəsinin qalxdığını bildirirlər. Bu fikirlə razısan?
- Əlbəttə. Hazırda Azərbaycan futbolunda inkişaf gedir. Komandaların hər biri digərindən xal almağa qadirdir. BugünAzərbaycan çempionatında yüksəksəviyyəli futbolçular, eləcə də məşqçilər var. Bəzi məşqçilər bəzən elə gedişlər edirlər ki... Oyunların gərgin keçməsi də səviyyənin qalxmasına sübutdur.
Klopp üzr istədi
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Təəssüf ki, vəziyyətimiz çox üzücüdür" - Kaxaber Sxadadze
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!