Feliks “Bakı”dan qovuldu (EKSKLÜZİV)

Feliks “Bakı”dan qovuldu <b style="color:red" >(EKSKLÜZİV)</b>
ÖLKƏ FUTBOLU 2 Dekabr 2009 / 12:54 1860
-  A +

Unibank Premyer Liqanın son turunda “Xəzər Lənkəran”la oyunu aşağı səviyyədə keçirən və qarşılaşmadan sonra qırmızı vərəqə alan braziliyalı Feliks Almeyda “Bakı” klubundan qovulub. Bu haqda Qol.Az-a məlumatı paytaxt klubunun türkiyəli vitse-prezidenti Tunc Afşar verib. Onun sözlərinə görə, hücumçunun son vaxtlar etdiyi futbolçuya yaraşmayan hərəkətlər artıq klub rəhbərliyini də boğaza yığıb: “Hər şeydən öncə, “Bakı”nın şərəfini qoruyan futbolçu bu formanı geyməyə layiq olmalıdır. Amma Feliks özünü apara bilmirdi. O, “Simurq”la oyunda analoji hərəkət etmişdi. “Xəzər Lənkəran”la qarşılaşmadan sonra da bu hərəkəti növbəti dəfə təkrarladı”.
Bu hərəkətinə görə futbolçunun ciddi cəzalandırıldığını söyləyən Tunc Afşar artıq Feliksin “Bakı”dan qovulduğunu bildirib.
Məsələylə bağlı Qol.Az-ın Feliksin özüylə əlaqə yaratmaq cəhdi futbolçunun mobil telefonunun bağlı olması səbəbindən baş tutmayıb.
Xatırladaq ki, Feliksə qədər Bülənt Qorxmazın “Bakı”yla gəlişindən sonra Rafael Barbosa, Daniel Oprita və Fernando Peres də müxtəlif səbəbdən klubla vidalaşıb. 

 

Daha çox


Son xəbərlər