13.04.24
“Qarabağ”ın yarımmüdafiəçisi Namiq Yusifovun Qol.Az-a müsahibəsi
-Namiq “Karvan”la oyunun hazırlığı necə keçir?
- Yaxşı. Bu gün Yevlaxa yola düşəcəyik. Komandamız hər oyuna olduğu kimi bu matça da yüksək səviyyədə hazırlaşır.
- “Karvan”da vəziyyət bir o qədər də yaxşı deyil. Komandasının son uğursuzluğundan sonra baş məşqçi Yunis Hüseynov istefa verdi. Necə düşünürsən, “Qarabağ” bu matçda rahatlıqla qələbə qazana biləcək?
-Hazırda zəif komanda anlayışı yoxdur. Hər klub rəqibinə qarşı layiqli müqavimət göstərir. Düşünürəm ki, bizim üçün çox çətin olacaq. İnşallah qələbə bizimlə olar.
- Komandanız ardıcıl üç oyundur ki, qələbə qazanır. Turnir cədvəlinin üç liderindən birisiniz. Səncə,bu uğurun sirri nədədir?
- Baş məşqçimiz Qurban Qurbanov çox mehriban bir kollektiv yığıb. Uğurun da ən böyük səbəbi də məhz budur. Bir-birimizin sözü aramızda mehribançılıqla qəbul olunur. Bundan gözəl nə ola bilər?!
- Ümumiyyətlə çempionluq yolunda özünüzə rəqib olaraq kimi görürsən?
-Bu il “İnter” yaxşı təsir bağışlayır. Amma Allahın köməkliyilə çempion biz olacağıq.
-Bir müddət “Neftçi”də çıxış etdin. Sonra yenidən “Qarabağ”a döndün. Dönüşündə hansı amil rol oynadı. Qarabağlı olmağın, yoxsa…?
- Mən elə bil ki, öz evimə döndüm. “Qarabağ”a dönüşüm Rasim Karanın baş məşqçilik dövrünə təsadüf etdi. Qurban Qurbanovun komandamıza gəlişi isə lap yerinə düşdü.
- “Qarabağ”ın oyunçularından meydanda ən yaxşı kimlə dil tapa bilirsən?
- Demək olar ki, hamısıyla. Çünki biz hamımız bir məqsəd uğrunda vuruşuruq. Düşünürəm ki, şəxsi həyatda kimləsə münasibətin pis ola bilər, amma meydanda nəticə qazanmaq üçün can deyib, can eşitmək lazımdır.
- “Qarabağ”ın Avroliqadakı çıxışından sonra sənə transfer təklifləri gəldi?
- Avroliqada şükürlər olsun ki, yaxşı çıxış etdik. Yəqin ki, hamı bizdən razı qaldı. Şəxsən mənə real bir təklif olmadı.
- “Qarabağ”ın heyətindən milliyə çağırılmayan nadir oyunçulardansan. Sən özünü millidə çıxış edənlərdən zəif hesab edirsən?
- Xeyr, heç bir oyunçudan özümü zəif hesab etmirəm. Hər bir məşqçinin öz baxışı var. Belə çıxır ki, millinin oyununa uyğun gəlmirəm. İnşallah, milliyə məni də dəvət edərlər.
- Yəqin razılaşarsan ki, bizim futbolçuların nitqində problem var. Bu da bədii ədəbiyyatı oxumamaqdan irəli gəlir. Sənin mütaliə etməklə aran necədi? Kitab oxuyursan?
- Sizinlə razıyam. Amma şəxsən mənim kitab oxumaqla aram yaxşıdır. Daha çox isə televiziya proqramlarını izləməyə və internetə üstünlük verirəm. İngilis dilini bilirəm. Bəzən, məşqçilərin fikirlərini legionerlərə mən tərcümə edirəm.
_22.01.19.jpg)
Keyta cəzalandırıldı
Avro-2024-ü buraxacaq
Arda bu yay icarəyə göndərilə bilər
“Qalatasaray”dan darmadağın
ÇL-də sabahkı oyunları idarə edəcək hakimlər
"Bakı Sportinq”in qələbəsi - Video
Simone İnzaqidən gələcəyi ilə bağlı açıqlama
"Füzuli"nin 5 cavabsız qolu - Video
"Everton" apellyasiya şikayəti verdi
"Bakı Sportinq" 5 qolla qalib gəlib liderliyi qorudu
Əvəzedicilər Liqasında 30-cu tur başa çatdı
"Zalsburq" türk məşqçiyə tapşırıldı
"Kəpəz"in futbolçusu üçün əlamətdar oyun
Krivotsyukun komandası səfərdə uduzdu
Arda Turan 230 min avro cərimə ödəyəcək
