Veteran futbolçu, Regional Futbol Federasiyasının prezidenti İsgəndər Cavadov Qol.Az-a verdiyi müsahibədə milli komandamızın Lixtenşteyn və Rusiyayla oyunları, futbolumuzun hazırkı durumu və millimizin baş məşqçisi Berti Foqts barədə danışıb
- Sabah milli komandamız dünya çempionatının seçmə mərhələsi çərçivəsində səfərdə Lixtenşteynlə qarşılaşacaq. Necə düşünürsünüz, bu oyunda cari seçmə mərhələdə ilk qələbimizi qazana biləcəyik?
- Lixtenşteynlə müqayisədə biz böyük xalqıq. Onlar futbolla peşəkar səviyyədə məşğul olmurlar. Şəxsən mən hesab edirəm ki, biz məşq etmədən belə, gözüyumulu şəkildə Lixtenşteyni məğlub etməliyik. Lakin indiki halda bu oyun ətrafında çox böyük ajiotaj yaradıblar ki, bu da düzgün deyil. Təbii ki, hər bir azərbaycanlı kimi mən də istəyirəm ki, millimiz qələbə qazansın.
- Lixtenşteynlə matçdan dörd gün sonra millimiz Bakıda Rusiyanı qəbul edəcək. Bu matçda ruslardan xal almağımız nə dərəcədə realdır?
- Futbol sürprizlərlə zəngindir və burada hər bir nəticə qeydə alına bilər. Lakin realist olmaq lazımdır. Reallığa qalanda görürük ki, hazırda biz FİFA reytinqində 140-cı, ruslar isə səhv etmirəmsə, altıncı yerdədirlər. Təkcə bu fakt çox şeydən xəbər verir. Son illərdə Rusiya futbolu çox inkişaf edib. Bu səbəbdən ruslara qalib gəlməyimiz xoş sürpriz olardı.
- Ümumiyyətlə, bəziləri hesab edir ki, hazırda millimiz tarixi ərzində ən pis günlərini yaşayır. Bu fikirlərlə nə dərəcədə razısınız?
- Mən də bu fikirlə razıyam. Həqiqətən də Azərbaycan millisi bu gün tarixinin ən pis gününü yaşayır. Əvvəlki seçmə mərhələlərdə heç olmasa bir qələbə qazanırdıq. İsveçrə, Slovakiya, Serbiya, Finlandiya kimi ölkələri məğlub etmişik. Amma cari seçmə mərhələdə qələbə üzünə həsrətik. Heç evdə Lixtenşteyni də uda bilmədik. Bayaqkı fikrimə qayıdıram. Lixtenşteynlə səfər oyunu öncəsi bu qədər böyük ajiotaj yaratmaq kimə və ya nəyə lazımdır? Lap Lixtenşteyni udduq, bununla futbolumuz inkişaf edəcək? Uzaqbaşı reytinqdə 140-cı yox, 138-ci yerdə olacağıq. Vəssəlam.
- Millimizin baş məşqçisi Berti Foqtsun işi sizi qane edir?
- Təbii ki, yox. Milli bu gün zəif nəticə göstərirsə, onun işindən necə razı qalmaq olar? O öz işinin öhdəsindən gələ bilmir. AFFA millinin uğurlu çıxışı üçün hər cür şərait yaradıb. Amma nəticə yoxdur.
- Foqtsun müqaviləsi bu ilin sonunda bitir. Onun millidəki gələcək fəaliyyəti barədə isə sizin də üzv olduğunuz İcraiyyə Komitəsi qərar çıxaracaq. Maraqlıdır, İsgəndər Cavadov Foqtsun millidə qalmasının, yoxsa getməsinin tərəfdarıdır?
- Millinin başında hansı məşqçinin durmasının elə bir önəmi yoxdur. Əsas odur ki, komanda nəticə qazansın. İndiki halda isə Foqts işinin öhdəsindən gələ bilmir. Onu Azərbaycan futbolunda sözün yaxşı mənasında inqilab etməyə dəvət ediblər. O isə öz işiylə məşğul olmaq əvəzinə başqa, ona aid olmayan məsələlərə qarışır. Bütün dünyada isə yazılmamış qanun var - baş məşqçi işinin öhdəsindən gələ bilmirsə, öz xoşuyla çıxıb gedir.
- Foqts dünən verdiyi açıqlamada bildirib ki, bizim üçün Lixtenşteynlə yox, ruslarla oyun daha vacibdir. Almaniyalı açıq-aşkar biruzə verib ki, həmyerlilərini qrup qalibi olmasını daha çox istəyir. Bu məsələyə də münasibətinizi bilmək maraqlı olardı.
- Foqts bu sözləri deməklə bir daha düzgün yolda olmadığını göstərdi. Bu o deməkdir ki, Foqts hələ də rusların ikinci dünya müharibəsində almanlar üzərindəki qələbəsini unuda bilməyib. Foqts siyasətlə futbolu qarışdırır. Görünür, ruslara müharibədəki məğlubiyyət onun yaddaşına həkk olunub. Axı o, almandır. Lakin bir daha deyirəm ki, bu, düzgün deyil. Foqtsun əsas məqsədi odur ki, qrupda birinci yeri ruslar yox, almanlar tutsunlar. Moskvada məğlub olacaqları halda, almanların taleyi Bakıda həll olunacaq. Ona görə də Foqts həmyerlilərinə kömək etməyə çalışır.
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə
"Arsenal"ı nokaut etmək gözəl idi"
Ayşən Abduləzimova Macarıstan çempionu oldu
Arda Güler "Sevilya"ya rədd cavabı verdi
Azərbaycanın U-17 millisinin heyətində dəyişiklik