Bu mövsümə “Simurq” məğlubiyyəti ilə başlayan “Bakı”nın baş meneceri Zeynal Məmmədov Qol.Az saytına verdiyi müsahibədə son vaxtlar komandanın adı ətrafında dolaşan bəzi xoşagəlməz söhbətlərə münasibət bildirib.
- Zeynal müəllim, “Bakı” mövsümə məğlubiyyətlə başladı. Sizcə, niyə belə alındı?
- Bu futboldur. Udmaq da olar, uduzmaq da. “Simurq” da zəif komanda deyil. Ümumiyyətlə, bu çempionat əvvəllkilərdən fərqlənəcək. Çünki Premyer Liqada artıq zəif komanda yoxdur və hamı bir-birindən xal alacaq gücə malikdir. Odur ki, bu cür sürprizlər hələ çox olacaq və ona hazır olmaq lazımdır. Birdə ki, axı, təkcə biz uduzmadıq. “Neftçi” də uduzdu, “İnter”lə “Xəzər Lənkəran” evdə xal itirdi.
- Amma razılaşın ki, «Simurq»a məğlubiyyət planınızda yox idi.
- Əlbəttə. Biz mövsümə qələbə ilə başlamaq istəyirdik. Amma gözləmədiyimiz məğlubiyyəti aldıq.
- Yəqin aradan keçən iki gündə bunun səbəblərini araşdırmısınız. Sizcə, əsl günahkarlar kimdir?
- Futbolçular. Çünki oynamadılar. İndi deyə bilmərəm qəsdən oynamadılar, yoxsa oyunları alınmadı, hər halda, hər şeyi onların vicdanına buraxıram.
- Oyundan sonra verdiyi açıqlamada Coko Haciyevski növbəti dəfə komandaya kənar qüvvələrin təsirindən və həmin qüvvələrin daxildə anarxiya yaratmaq niyyətlərinin olmasından danışıb.
- Bu sualı mənə də veriblər. Bilirsiniz, daxildən belə şey ola bilməz, buna inanmıram. Amma xaricdən olan təsirləri istisna etmirəm. Amma bir məsələ də var ki, komanda möhkəm olanda ona heç təsir edə bilməz. Bunu gərək futbolçular da başa düşə. Mən demirəm ki, baş məşqçinin günahı yoxdur. Komanda uduzursa, deməli, baş məşqçinin də günahı var və nəyisə düzgün qurmur.
- Ortada ciddi problemin olduğu göz önündədir. Çünki “Bakı” əvvəlki oyununu oynamır. Bir aya komanda bu qədər dəyişə bilər?
- Vallah, mən də məəttəl qalmışam. Həqiqətən də, komanda 180 dərəcə dəyişib.
- Deyilənə görə, futbolçular qəsdən oynamırlar və məqsədləri Haciyevskinin istefasına nail olmaqdır.
- Yaxşı, Haciyevskini düşünmürlər, bizi fikirləşsinlər də. Hafiz müəllimi (klubun prezidenti Hafiz Məmmədov - red.) fikirləşsinlər, məni fikirləşsinlər. Haciyevskini istəmirlərsə və onun rəhbərliyi altında çıxış etmək fikirləri yoxdusa, gəlib, bunu bizə desinlər də. Meydançaya çıxıb bilərəkdən oynamamaq kişilikdən deyil, axı. Şəxsən mən buna inanmaq istəmirəm. Peşəkar futbolçu ən azı öz imici üçün belə çirkin işlərə əl atmamalıdır.
- Komandanızın məğlubiyyətində əsas səbəb kimi “Simurq”un kollektiv, “Bakı”nın isə fərdi oyunu göstərilir. Oyuna baxanda da aşkar görünürdü ki, Muciri və Jaba başda olmaqla əksər futbolçular komanda üçün yox, özləri üçün oynayırdılar.
- Bəli, tamamilə razıyam. “Bakı”nın əvvəlki komanda oyunundan əsər-əlamət yox idi. Hamı öz bildiyini oynayırdı. Sanki özbaşınalıq idi.
- Deyilənə görə, qarşılaşmadan sonra Haciyevski istefa versə də, rəhbərlik bunu qəbul etməyib...
- İstefa deyəndə, yazılı surətdə bizə müraciət etmədi. Amma belə fikrə düşdü və isti-isti komandadan getməklə bağlı istəyini bildirdi. Amma sonradan bu fikrindən daşındı.
- Belə söhbətlər də gəzir ki, guya komandanın vitse-prezidenti Tunc Afşarla Haciyevski arasında ciddi problem var və türkiyəli makedoniyalının komandadan getməsinə çalışır. Əvəzində isə öz həmyerlisi Ziya Doğanı komandaya gətirmək istəyir. Bu məsələyə mnasibətiniz necədir?
- Bunlar hamısı cəfəngiyatdı. Kimlər uydurur bilmirəm, amma həmin insanlar bununla ortaya mövzu atırlar, eyni zamanda komandadaxili mühiti korlamaq istəyirlər.
- Ümumiyyətlə, baş məşqçi Haciyevskinin istefası gündəmdədir?
- Bu dəqiqə konkret bir söz deyə bilmərəm. Təbii ki, uğursuzluqlar davam etsə, oturub nəsə bir şey fikirləşəcəyik.
- Növbəti oyunda təxirə salınmış tur çərçivəsində Lənkəranda“Xəzər-Lənkəran”la üz-üzə gələcəksiniz. Həmin oyundan nə gözləyirsiniz?
- Nə gözləyəcəm? Məğlubiyyət...
- Niyə?
- Bu gedişlə məğlubiyyətdən başqa bir şey haqda fikirləşə bilmirəm. Əgər futbolçular Lənkəranda da “Simurq”la görüşdəki kimi oynasalar, o zaman uğur qazanmaq mümkün olmayacaq. Yox, əgər kollektiv oyun ortaya qoysalar, onda uğur gözləməyə dəyər.
"Qusar"dan darmadağın
Noyerdən yeni rekord
Bundesliqanın ən yaşlı futbolçusu karyerasını başa vurur
"Roma"nın müdafiəçisi "Milan"a qarşı oynamayacaq
Kvaratsxeliya "Napoli"nin məşqini buraxdı
MOİK-ə 3 xal qazandıran qollar - Video
"Barselona"nın futbolçusu: "Çox peşmanam"
"Şamaxı"nın 6 qolu - Video
"Şamaxı" və MOİK-dən qələbə
“Paris-2024” Yay Olimpiya Oyunlarının startına 100 gün qalıb
ÇL-in oyunlarını göstərəcək kanallar
"İmişli"nin şikayəti qismən təmin olundu
"Real"dan zəng gələndə iki dəfə düşünmədim"
1-ci liqanın mərkəzi oyunu FİFA referisinə tapşırıldı
Gündoğan: "Hakim penalti verməli idi"
Romario karyerasını bərpa etdi
Futbolçu oyun zamanı infarkt keçirdi, dünyasını dəyişdi
Azərbaycan millisinin rəqibi 2 yoldaşlıq oyunu keçirəcək
Mbappe İbrahimoviç və Şevçenkoya çatdı
Luis Enrike: "Mbappe əvvəldən sona qədər əsl lider idi"