“Simurq”un prezidenti Zaur Məmmədovun Qol.Az-a müsahibəsi
- Zaur müəllim, “Simurq”un XVIII futbol mövsümünə uğursuz start verməsinə münasibətiniz necədir?
- Münasibətim necə ola bilər? İlk tur idi. Qol imkanlarımız da oldu. Sadəcə, həmin imkanlardan istifadə edə bilmədik. Ümumiyyətlə, komanda tam olaraq öz oyununu ortaya qoya bilmədi.
- Sizcə, bu məğlubiyyətə Avropa Liqasındakı uğursuzluğun təsiri ola bilər? Bəlkə komanda hələ də tam olaraq özünə gələ bilməyib?
- Məğlubiyyəti tam olaraq bununla əlaqələndirməzdim. Çünki avrokubok qarşılaşmasının üstündən müəyyən zaman keçib və futbolçular özlərinə gəliblər.
- Komandanın ötənilki heyəti ilə builki heyəti arasında hansı fərq var?
- “Simurq”un builki heyəti ötənilki heyətindən daha güclüdür. Məsələn, ötən mövsüm bizdə güclü futbolçu qıtlığı müşahidə olunurdu. Amma indiki heyətdə bir mövqeyə iki eynigüclü futbolçu var. Yəni, indi rəqabət daha güclüdür. Sadəcə start oyunu idi və inanıram ki, növbəti turlarda “Simurq” yenə öz sözünü deyəcək.
- Sizə elə gəlmədi ki, “Qəbələ” ilə oyunda Vladimir Mazyarın yeri göründü. Çünki komanda 4-5 real imkan yaratsa da, bunlardan istifadə etməyi bacaran hücumçunun yeri görünürdü. Belə demək olarsa, Petrov Mazyarı layiqincə əvəzləyə bilmir.
- Ola bilsin ki, Mazyarın yeri görünürdü. Amma mən deməzdim ki, Petrov Vladimirdən zəif oyunçudur. Əksinə, Petrov daha güclü, daha səviyyəli və daha təcrübəlidir. Sadəcə, yeni gəldiyindən uyğunlaşmaq üçün bir qədər zamana ehtiyacı var. Yeni mentalitet, ölkə, hava şəraiti, bunlar hamısı mühüm faktorlardır.
- “Qəbələ” məğlubiyyətindən sonra Roman Pokoranın istefası məsələsi yenidən gündəmə gəlib. Yayılan söz-söhbətlərə görə, növbəti uğursuzluq ukraynalının istefası ilə nəticələnə bilər.
- Düzü, bilmirəm, bu söhbətləri kim yayır, amma, bir klub prezidenti kimi mənim dilimdən belə söz çıxmayıb. Deməli, yayılan söhbətlər əsassızdır. Məğlubiyyətin səbəbləri var. Amma bu uğursuzluq təkcə baş məşqçi yox, ümumiyyətlə, bütün komanda ilə bağlıdır. Autsayder komandalarla oyunlarda məğlubiyyətlərə yol vermək olmaz. Bu il “İnter”, “Xəzər Lənkəran”, Neftçi” kimi komandalar heyətlərini xeyli gücləndiriblər. Amma mən inanıram ki, “Simurq” da tezliklə özünə gələcək və onlarla birlikdə iddialıların sırasına qoşulacaq.
- Sonda bir məsələyə də münasibətinizi öyrənmək pis olmazdı. “Simurq”la matçdan əvvəl sizin komandanı favorit sayan, öz komandası üçün məğlubiyyəti arzulayaraq əsas hədəflərinin İsrail çempionatı olduğunu söyləyən “Bney Yehuda”nın baş məşqçisi Guy Luzonun rəhbərlik etdiyi komanda artıq qrup mərhələsinin bir addımlığındadır. Bu, sizin üçün təəccüblü olmadı?
- Yox, nəyə görə təəccüblü olmalıdır? Səhv etmirəmsə, hələ o vaxt elə sizin sayta verdiyim müsahibədə demişdim ki, bu, israillilərin taktiki gedişidir. Çünki hansısa məşqçinin oyundan qabaq çıxıb “rəqib bizdən güclüdür, onlar favoritdir, biz uduzacağıq” kimi açıqlama verməsi heç bir mənqitə sığmırdı. Hadisələrin sonrakı gedişi də mənim haqlı olduğumu göstərdi. Eyni zamanda o vaxt bildirmişdim ki, “siz hələ “Bney Yehuda”nın ifasında çox şey görəcəksiniz”. İndi mənə də maraqlıdır ki, onları kim dayandıracaq.
26 oyunda 31 qol - Video
Qrizmann qayıtdı
Virtzin 21 qolu və 31 qol ötürməsi - Video
"Tottenhem" "Bavariya" ilə qarşılaşacaq
Keyn sağaldı
"Borussiya" onunla peşəkar müqavilə imzaladı
"Barselona"nın apellyasiya şikayəti rədd edildi
Mahir Emreli irqçiliyə qarşı kampaniyaya dəstək verdi
1-ci liqada daha 3 turun oyunlarının saatı müəyyənləşdi
Messi: “Dünya çempionu olmasaydım, millini tərk edəcəkdim”
“Azərlotereya”nın yeni 4 oyunu Misli.az-da
Azərbaycan millisi İrəvana getməkdən imtina etdi
Bölgə komandası çempionatdan kənarlaşdırıldı
AFFA məşqçini futboldan uzaqlaşdırıb
"Şəmkir"in futbolçusundan gözəl qol - Video
ABŞ klubu Jiru ilə razılıq əldə etdi
1-ci liqada 20-ci turun oyunlarının saatı bilindi
PFL 35 oyunun vaxtını açıqladı
4-cü Avropa Oyunları bu şəhərdə keçiriləcək
Pele və Ronaldonu geridə qoydu
Gürcüstan, vicdan və imtahan...
Baş nazir milliinin üzvlərinə orden veriləcəyini açıqladı
"Səbail"in futbolçusu oynadı, milli komandası qalib gəldi
Ronaldo 2,2 milyon dollarlıq "Ferrari"si ilə - Video
"Qarabağ" gürcü futbolçunu təbrik etdi
Kvaratsxeliya ləzginka oynadı - Video
"Mançester Yunayted" avrokuboklardan kənarda qala bilər
Roberto Martinezli Portuqaliya millisində ilk