Ramal Hüseynov “Kocaelispor”un heyətində Azərbaycan klubuna 2 qol vurub (FOTOSESSİYA)

XƏBƏR 24 İyul 2009 / 12:55 3040
-  A +

Yeni mövsümün hazırlığını Türkiyədə davam etdirən “Muğan” növbəti yoxlama oyununu keçirib. Qol.Az-ın məlumatına görə, Salyan təmsilçisi Rəşad Sadıqovla Ramal Hüseynovun çıxış etdikləri “Kocaelispor”la qarşılaşıb. Komandalar bu heyətlə çıxış ediblər:
“Kocaelispor”: Metin Erol (Ali Balkaya 72), Burak Halil, Cem Sinan Vergül (Emirhan Önder 59), Abdullah Parlak, Mehmet Öztonga, Bilal Turgut (Anıl Erdebil 76), Uğur Yasan (Floribert 46), Uğur Daşdemir (Tevfik Altındağ 46), Onur Alkan (Ramal Hüseynov 46), Serdar Topraktepe (Tayfun Çakıroğlu 46), Maxwell Ofuyah (Ali Bayraktar 46)
“Muğan”: Kurtanoviç Ediz (Kamal Bayramov 46), Zecevic Milos, Navriz Sakirov, Elnur Tağıyev (Zaur Həsənov 56), Culav Aids (Damir İbriç 70), İsayev Arif (Kənan Bayramov 72), Cevad Premedov, Geferson Hainz, Tameogo Narcis, Vüsal Hüseynov (Fərrux İsmayılov 83), Ruslan Qafitullin
İlk hissəsi sönük keçən qarşılaşmanın ikinci yarısı maraqlı alınıb. Əvvəlcə “Kocaelispor”dan Ali Bayraktar hesabı açıb. 67-ci dəqiqədə Tayfundan ötürmə alan Ramal Hüseynov sürətlə cərimə meydançasına daxil olub. Qapıçıyla qarşı-qarşıya qalan həmyerlimiz gözəl zərbəylə hesab arasındakı fərqi 2 topa çatdırıb. 4 dəqiqə sonra “Muğan” hesab arasındakı fərqi azaldıb. 2005-ci ildə “Kocaelispor”da çıxış edən Damir İbriç fərqlənib. 80-cı dəqiqədə isə Ramal özünün ikinci, komandasının üçüncü qolunu vurub. Son dəqiqələrdə “Muğan”dan Zaur Həsənov hesab arasındakı fərqi azaltsa da, “Muğan”ın bundan artığına gücü çatmayıb. Beləliklə, “Kocaelispor” Ramalın vurduğu 2 qol sayəsində “Muğan”ı 3:2 hesabıyla məğlub edib. 


















Səhifənin yuxarısına keçidYuxarı


Son xəbərlər
27.03.24  21:58

Keyn sağaldı