19:16
«Birlik kuboku» yarışında Azərbaycan çempionu «İnter»in rəqibi olan Latviyanın "Ventspils" komandasının baş məşqçisi Roman Qriqorçuk klubun rəsmi saytına müsahibə verib. Xatırladaq ki, D qrupunda "Ventspils» və «İnter»lə yanaşı Qırğızıstanın «Dordoy-Dinamo» və Finlandiyanın «İnter» klubları da mübarizə aparacaq.
Qol.Az saytı Roman Qriqorçukun müsahibəsini təqdim edir.
- Püşkatma barədə ilkin təəssüratım normaldır. Bizim üçün «Birlik kuboku» mövsümə hazırlaşmaq üçün ənənə halını alıb. Biz turnirin başlanmasını səbirsizliklə gözləyirik. Bu yarış rəngarəngdir və müəyyən maraq doğurur. Moskvaya müxtəlif güclü komandalar yığışır və bu, yarışa maraq və intriqa qatır.
- "Dordoy-Dinamo" sizin üçün köhnə rəqibdir.
- Hə, "Ventspils" Qırğızıstan çempionu ilə hələ Sankt-Peterburqdakı turnirdə də qarşılaşmış və 1:0 hesabı ilə qələbə qazanmışdı. Qeyd edim ki, o zaman yaxşı təəssürat oyatmışdı. Əminəm ki, növbəti oyun da "Ventspils" üçün asan keçməyəcək.
- Sizin «İnter» adında daha iki rəqibiniz də var.
- Bu komandalarla qarşılaşmaq bizə maraqlıdır. Finlandiya klubu haqda demək olar ki, heç nə bilmirik, bu komanda barədə informasiya toplayacağıq. Azərbaycan «İnter»inə gəlincə, bu, çox güclü komandadır. Azərbaycan futbolu yüksəlişdədir, ölkəyə yetərincə təcrübəsi olan futbolçular və mütəxəssislər dəvət olunur, inkişaf və səviyyənin artdığı görünür. Turnir cədvəlində yüksək yerlərdə duran komandaların səviyyəsi yüksəkdir, «İnter» də bura aiddir. Bütün bunlar hörmətlə deməyə əsas verir ki, «İnter»lə matç çətin və gərgin keçəcək.
- "Ventspils" ənənəvi olaraq turnirdə birinci olmağı hədəf götürüb?
- Əgər biz meydana daxil oluruqsa, həmişə qələbə haqda düşünürük. Növbəti «Birlik kuboku»nun neçə keçəcəyini indidən müəyyənləşdirmək çətindir. Amma bizim birinci məqsədimiz qrup səddini keçməkdir.
_22.01.19.jpg)
Klopp üzr istədi
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Təəssüf ki, vəziyyətimiz çox üzücüdür" - Kaxaber Sxadadze
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!
