Peşəkar Futbol Liqasının (PFL) prezidenti Ramin Musayev 2008-2009-cu il mövsümünün yekunu ilə bağlı Qol.Az saytının suallarını cavablandırıb
- Ramin müəllim, geridə qalan mövsümü necə dəyərləndirərdiniz?
- Yaxşı.
- Bəs sizcə, əla olmağı nə əngəllədi?
- Hər şey yavaş-yavaş olur da. Gələn mövsüm daha da yaxşı çempionat görəcəksiniz.
- Konkret hansı yenilikləri görə biləcəyik?
- İlk növbədə “6-lıq” sistemi tətbiq olunacaq. Bundan başqa, təşkilatı işlərdə də yeniliklər olacaq. Daha jurnalist adından istifadə edib, amma bu sahədən xəbəri olmayan şəxslər gəlib mətbuat konfransında ağzına gələn sualı verə bilməyəcəklər. Bu məsələyə ciddi fikir veriləcək. Sonra, mən təklif edəcəm ki, çempionatın bütün oyunları eyni toplarla oynanılsın. Bir də görürsən, rayonda keçirilən matçları elə keyfiyyətsiz toplarla oynayırlar ki...
- Əksər, azarkeşlər, futbolçular və mütəxəssislər belə düşünürlər ki, bu çempionar ötən çempionatlarla müqayisədə maraqsız keçdi.
- O zaman mən də sual verirəm - həmin şəxslər maraqsız deyəndə nəyi nəzərdə tuturlar?
- Məsələn, əvvəlki illərlə müqayisədə indi çempionluq uğrunda daha az komanda mübarizə apardı.
- Siz mənə deyin görüm. Türkiyədə neçə komanda çempionluq uğrunda oynadı?
- 4-5 klub - “Qalatasaray”, “Fənərbaxça”, Beşiktaş”, “Sivasspor” və “Trabzonspor”.
- “Trabzonspor” sona 5-6 tur qalmış iddiasından əl çəkdi. Əsas mübarizə elə 4 komanda arasında getdi. Gəlin öz çempionatımıza baxaq: “Bakı”, “İnter”, “Simurq”, “Xəzər-Lənkəran”, “Qarabağ” qızıl medallar uğrunda son turlarlaradək mübarizə apardılar. İlk dövrədən sonra “Karvan” da bu siyahıda idi. İndi özünüz müqayisə edin. 70 milyonluq Türkiyədə də 4-5 komanda çempionluq uğrunda mübarizə aparır, 8 milyonluq Azərbaycanda da. Bu mənada, mən deyərdim ki, Azərbaycan çempionatı Türkiyə çempionatından geri qalmadı.
- Bəs azarkeş marağı?
- Gəlin, bunu bütün Azərbaycan futboluna aid etməyək. Azarkeş problemi yalnız Bakıdadır. Bəs niyə biz car çəkəndə ki, paytaxt klubları bölgələrə, Bakının qəsəbələrinə səpələnsin, heç kim buna qulaq asmadı? Niyə Rövnəq müəllim deyəndə ki, ay “Olimpik”, ay “İnter”, ay “Bakı” səpələnin, bunu klub prezidentləri qısqanclıqla qarşıladılar? Türkiyədə necədir? İstanbulda “Fənərbaxça”nın məskunlaşdığı ərazi “Fənərbaxça” ərazisi kimi tanınır. “Qalatasaray”, “Beşiktaş” da onun kimi. Olmaz ki, bizdə də, məsələn, Keşləni “Olimpik”in ərazisi kimi tanısınlar? “8-ci kilometr” yox, “Bakı”nın ərazisi desinlər. Bu, məgər pisdir? Tutaq ki,
hansısa klub getdi Maştağaya. Hər oyuna ən azı 1000 azarkeş gəlsə, bu, pis olacaq? Mən Lənkəranda gözlərimə inanmıram. “Turan” autsayder olsa da, bu komandayla oyuna 4-5 min azarkeş gəlir. Keçən ilki ölkə kubokunun finalını xatırlayın. “İnter”-“Xəzər-Lənkəran” oyununu stadionda 20 min azarkeş izləyirdi, onun da xeyli hissəsi lənkəranlılar idi. Bunu qəbul eləmək lazımdır, Bakıda azarkeşi olan bir komanda var, o da “Neftçi”dir. Bu gedişlə paytaxt klubları azarkeş toplaya bilməyəcəklər. Mütləq Bakıdan, mərkəzdən kənara çıxmaq lazımdır. Bu gün “Standard”a təklif edirik gedin Sumqayitda oynayın. Ora futbol şəhəridir, həc cür şəraiti var, azarkeşi var. “Gəncərbirliyi” çıxıb 0:6 uduzurdu, yenə oyunlarına 1000-2000 azarkeş gəlirdi. Hətta prezidentlərinə demişəm ki, nə kömək lazımdır, mən də edəcəm.
- Yeri gəlmişkən, hamı bu məsələnin 80-90 faiz həll olunduğunu desə də, hələ heç nə konkretləşməyib.
- Yerdə qalan 10-20 faizi də mən həll edərəm, təki getsinlər. Artıq hər şey “Standard” rəhbərliyinin verəcəyi qərardan asılıdır.
- Hakimliyin səviyyəsi haqqında nə fikirdəsiniz?
- Mən deyərdim ki, son 17 ildə bu qədər ədalətli, qərəzsiz hakimlik olmamışdı.
- Buna əminsiniz?
- 100 faiz.
- Babək Quliyevlə Anar Niyazovun məsələsinin sonu necə qurtardı? Konkret günahları nə oldu, cəzaları hansı müddətə oldu, bir sözlə, məsələnin mahiyyəti açılmadı.
- Bu, birbaşa Hakimlər Komitəsinə aiddir. Odur ki, mən münasibət bildirmək istəmirəm. Sualınızı adıçəkilən komitənin rəhbərliyinə ünvanlayın..
- Sizinlə danışıb, “Neftçi”nin çıxışına münasibət öyrənməmək düz çıxmır.
- Problem yoxdur, “Neftçi” haqqında da danışa bilərik. Bu komanda həqiqətən də, son 5-6 turu əla oynadı. Böyükağa Ağayevin gəlişindən sonra irəliləyiş hiss olundu. İnanıram ki, “Neftçi” növbəti mövsümdə öz sözünü deyəcək.
- Futbolun bölgələrə səpələnməsindən danışdıq. Amma əyalətlərdə inkişafa nail olmaq üçün birinci divizionda da komandalar yaratmaq lazımdır. Bizdə olan məlumata görə, artıq bir çox bölgə bu təşəbbüslə çıxış edib.
- “Gəncə” artıq rəsmi surətdə oynayacağını bildirib. “Şuşa”da bizə rəsmi müraciət göndərib və çox ciddi surətdə sənədləşmə işləri ilə məşğuldurlar.
- Bəs, Şəki, Gədəbəy, Sabirabad necə?
- Düzü, o bölgələrin komandaları hələ ki, rəsmi müraciət etməyblər.
- Növbəti mövsüm reqlamentdə hansısa dəyişiklik oluna bilər? Məsələn, “Karvan”ın durumu qeyri-müəyyəndir. “Olimpik” də onun kimi.
- Bu məsələdə heç bir problem yoxdur. “Karvan” gələn mövsümün ən iddialı komandalarından biri olacaq. “Olimpik”in də dağılmaq söhbəti yalandır.
- Bəs “Turan”? Tovuz klubu hələ nə vaxt bir araya gələcəyi günü müəyyənləşdirməyib.
- “Turan” da gələn mövsüm iddialı olacaq.
- Birinci diviziondan elitaya komanda buraxılmayacağına dair qərar qəbul olunanda demişdiniz ki, “sponsor tapsalar, məsələyə yenidən baxa bilərik”. Həmin sözünüz qüvvədə qalır?
- Elə bu gün birinci divizionun qaliblərinə də mükafatlarını verdik. Həmin komandaların rəhbərləri ilə də söhbət etdik. Dedilər ki, bu il yox, amma, gələn il üçün Premyer Liqada oynamağa hazır olacaqlar. Çünki hazırkı vəziyyətdə həm maddi, həm də infrastruktur bazaları elitada oynamağa imkan vermir. Heç normal stadionları da yoxdur. Amma gələn ilə kimi bu işləri yoluna qoyacaqlarına söz verdilər.
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!
Mbappe "Real" üçün 130 milyon avrodan keçməyə hazırdır
Azərbaycan çempionatında növbəti finalçı müəyyənləşdi
"Yurqorden" Musa ilə yolları ayıracağının anonsunu verdi
"Neftçi"nin iki futbolçusu "Qarabağ"la oyunu buraxacaq
Legioner rüsumu 50 min manat olsa...
Karlos Teves xəstəxanaya yerləşdirildi
Bir gündə beş boksçumuzun beşi də uduzdu - Avropa çempionatı
Kubokun cavab oyunlarına hakim təyinatları açıqlandı
Premyer Liqa klubunun futbolçuları saxlanıldılar
Arda Güler "Real"dan ayrılmaq istəmir
İtaliya kubokunda ilk finalçı bilindi
"Arsenal" "Çelsi"ni 5 cavabsız qolla məğlub etdi
"Göygöl"ün qələbəsi - Video
"Qəbələ" cavab oyununa itkilərlə çıxacaq
Çalhanoğlu: "Bir fincan qəhvə məndən bahadır"
Azərbaycanın U-17 millisi Belarusa uduzdu
"Füzuli" liderlə fərqi belə azaltdı - Video
“Bavariya” əfsanəvi futbolçuya heykəl ucaldacaq
"Şahdağ Qusar"ın qol şousu - Video
"Liverpul"da ciddi itki
2-ci liqa: 4 oyunda 19 qol