21.04.24
- Ötən tur komandan qələbə qazanaraq, liderliyə yüksəldi. Amma zirvədə yalnız bir tur duruş gətirə bildiniz. Son turdakı böyükhesablı məğlubiyyəti nə ilə izah edə bilərsən?
- Birincisi onu deyim ki, komandamızın 3 aparıcı müdafiəçisi meydana çıxmamışdı. Məğlubiyyətimizdə bu amilin böyük rolu oldu. Onların yoxluğu özünü açıq-aşkar biruzə verdi.
- Məğlubiyyəti təkcə bununla bağlayırsan?
- Təbii ki, yox. Başqa səbələr də oldu. Ümumiyyətlə, həmin gün bizim oyunumuz heç cür alınmadı. Rəqibdə isə əksinə, hər şey alındı. Futbolda belə şeylər olur. Nə etmək istədiksə, heç nə alınmadı.
- İndi komandada vəziyyət necədi?
- Son məğlubiyyətdən sonra ab-hava bir qədər korlanmışdı. Amma indi vəziyyət normallaşıb. Qarşıdakı oyuna hazırlaşırıq.
- Öz oyunun barədə nə deyə bilərsən? Hələ də qol hesabını aça bilməmisən.
- Qol vurmamağım məni də narahat edir. Amma bunun konkret səbəbini deyə bilmərəm. Çünki heç özüm də bilmirəm. Məşqlərdə bütün gücümlə çalışıram. Amma oyuna çıxanda nəsə alınmır.
- Bəlkə bu mühitlə bağlıdır?
- Əlbəttə, bunun da rolu var. Çinə heç cür öyrəşə bilmirəm.
- Belə başa düşdüm ki, orada çox qalmayacaqsan.
- Bu barədə indi dəqiqi bir söz deyə bilmərəm. Amma çox güman ki, elə belə də olacaq.
- Azərbaycanda isə söz-söhbət gəzir ki, “Qarabağ”a keçəcəksən...
- Bu haqda mən də eşitmişəm. Oradakı dostlarım zəng vuraraq, qəzetlərdə bu haqda yazıldığı barədə mənə məlumat verdilər. Amma tam səmimi deyirəm ki, bu yalandır. Bu haqda heç bir söhbət olmayıb. Mən başa düşə bilmirəm ki, bu cür məlumatlar hardan qaynaqlanır?
- “Qarabağ”dan kimsə səninlə əlaqə saxlayıb?
- Yox, heç onlar da mənimlə danışıq aparmayıblar. Bir daha deyirəm ki, bu məlumat tam yalandır.
- Ümumiyyətlə, Azərbaycana qayıtmağı düşünürsən?
- Hələ ki, yox. İstəyirəm karyeramı xaricdə davam etdirim. Buranı da yəqin ki, tərk edəcəyəm. Amma Azərbaycana qayıtmağına, nəvaxtsa qayıdacağam. İndi konkret zaman deyə bilmərəm. Bu bir ildən sonra ola bilər, beş ildən sonra da. Bunu dəqiq bilmirəm. Hər şeyi zaman göstərəcək.
- Digər ölkələrdən təkliflər var?
- 1-2 təklif var.
- Hansı klublardan?
- Bunu dəqiq bilmərəm. Çünki bu məsələ ilə menecerim məşğul olur. Bu yaxınlarda onunla görüşüm olacaq. O zaman daha ətraflı oturub, söhbət edəcəyik. Gələcək karyerama da çox güman ki, onda aydınlıq gələcək.
- Bakıya nə vaxt gələcəksən?
- 20 gündən sonra.
_22.01.19.jpg)
"Liverpul"da ciddi itki
Mourinyo əsəbiləşdi
Aydın finala çıxdı
“Fənərbaxça”dan xal itkisi
Azərbaycanın 3 boksçusu növbəti mərhələdə
MEDİA sosial şəbəkə istifadəçilərinə müraciət edib
“Neftçi” və “Difai” rəhbərliyi arasında görüş keçirildi
Liderdən qələbə, "Şəki Siti" və "Ağdaş" uduzdu
"Uduzuruqsa, bunun tək günahkarı biz futbolçularıq" - “Araz-Naxçıvan”ın yarımmüdafiəçisi
Modriç gələcəyi ilə bağlı qərar verdi
Fabio Kannavaro A seriyası klubunda
7 oyunun vaxtı məlum oldu
Con Terri və Endi Koul Premyer Liqanın Şöhrət Zalında
"Bakı Sportinq" "Cəbrayıl"a belə qalib gəldi - Video
Birinci Liqada oyunların vaxtı müəyyənləşdi
Liderlərin oyununda qonaqlar qalib gəldi
