20:01
Çempionlar Liqasının üçüncü təsnifat mərhələsində “Neftçi”nin rəqibi olan İsrailin Kiryat-Şmona şəhərinin “Hapoel” klubu 2000-ci ildə yaradılıb. Daha doğrusu, həmin vaxtdan eyni adlı şəhəri təmsil edən “Makkabi” ilə “Hapoel” birləşib. O vaxtdan komanda İsrail çempionatlarında “Hapoel” adıyla çıxış edir.
Qol.Az-ın məlumatına görə, “Hapoel” ev oyunlarını Kiryat-Şmona şəhərindəki 5200 azarkeş tutumu olan “İroni” stadionunda keçirir.
Qeyd edək ki, Kiryat-Şmonanı təmsil edən “Hapoel” və “Makkabi” 2000-ci ilə qədər İsrail çempionatının aşağı dəstələrində oynayıb. Həmin il “İturan” şirkətinin sahibi, iş adamı İzi Şeratski hər iki komandanı satın alıb.
Yalnız 2006-07-ci il mövsümündə “Hapoel” İsrail çempionatının yüksək liqasına vəsiqə qazanmağı bacarıb.
“Hapoel” Avropa miqyaslı yarışda ilk dəfə 2008-ci ildə oynayıb. O vaxt Çernoqoriya “Budva”sı ilə görüşdə İsrail təmsilçisi iki oyunun nəticəsinə əsasən uğur qazanaraq (1:1, 3:0) növbəti mərhələyə yüksəlib. Lakin növbəti mərhələdə “Hapoel” Bolqarıstanın “Liteks” klubuyla qarşılaşmada uğursuzluğa düçar olub – 0:0, 1:2.
2008-09-cu il mövsümündə Kiryat-Şmona təmsilçisi yüksək liqada yerini itirib, növbəti – 2009-10-cu il mövsümündə isə yenidən yüksək liqaya qayıdıb.
2011-12-ci il mövsümündə Kiryat-Şmona təmsilçisi tarixində ilk dəfə İsrail çempionu olub.
Bu il UEFA Çempionlar Liqasında ikinci təsnifat mərhələsindı mübarizəyə başlayan “Hapoel” Slovakiya “Jilina”sından üstün olub – 0:1, 2:0.
Statistikadan da göründüyü kimi, İsrailin “Hapoel” adındakı digər komandalarından fərqli olaraq, “Neftçi”nin rəqibi olan gənc “Hapoel”in Avropa miqyaslı yarışlarda təcrübəsi azdır. Komanda UEFA turnirlərində cəmi altı dəfə (dörd dəfə UEFA kuboku, iki dəfə Çempionlar Liqası) oyuna çıxıb.
Onlar qarşılaşmalardan ikisində qalib gəlib, ikisində heç-heçə edib, iki görüşdə isə məğlub olub.
Hazırda kluba israilli Liqat Xaal baş məşqçiliq edir.
Komandanın heyətinin əsasını israilli futbolçular təşkil edir. Hazırda “Hapoel”də cəmi üç legioner futbolçu var. Onlardan biri Slovakiya, biri Makedoniya, biri isə ABŞ vətəndaşıdır.
_22.01.19.jpg)
"Roma"nın Lukaku qərarı
"Yuventus"a Ronaldo şoku
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə
"Arsenal"ı nokaut etmək gözəl idi"
Ayşən Abduləzimova Macarıstan çempionu oldu
Arda Güler "Sevilya"ya rədd cavabı verdi
Azərbaycanın U-17 millisinin heyətində dəyişiklik
Bellinqem: "Oyunun sonunda ayaqlarım ölmüşdü"
