13.04.24
Bu müsahibə "Unibank"ın sponsorluğuyla hazırlanıb
FİFA referisi Anar Salmanov hazırda davam edən AÇ-2012-dəki hakimliklə bağlı Qol.Az-a müsahibə verib.
- AÇ-2012-dəki hakimliyin ümumi səviyyəsi haqqında nə deyə bilərsən?
- Açığı, bütün oyunları izləməmişəm, amma, şəxsən izlədiyim oyunlara əsasən deyərdim ki, ciddi bir hakim səhvi ilə rastlaşmamışam. Yalnız İtaliya - İspaniya matçını idarə edən macar Viktor Kaşşay bir neçə epizodda sarı vərəqə göstərə bilərdi. Nədəncə göstərmədi. Hər halda, bu da onun fikridir. Görünür, həmin epizodu o cür dəyərləndirib.
- Açılış oyununda ispaniyalı Karlos Velasko Karbalonun idarəçiliyi də birmənalı qarşılanmadı. Çoxlarının fikrincə, Velaskonun yunan Sokratis Papastatapulosa göstərdiyi hər iki sarı vərəqə həddindən artıq ağır qərar oldu. Xüsusilə, ikinci sarı vərəqə.
- Düzü, məhz həmin oyuna baxmadığım üçün epizodu görməmişəm. Amma sizə bir söz deyim. Yəqin ki, Pyerluici Kollinanın çempionatdan öncə verdiyi müsahibə ilə tanış olmusunuz. Kollina orada da bildirib ki, hakimlər epizodlar zamanı daha qətiyyətli olmalı, cəzaları daha da sərtləşdirməlidirlər. Görünür, Velasko da buna uyğun qərar verib.
- Ukrayna-İsveç görüşündə bir epizodda Cüneyt Çakırın İsveçin qapısına təyin etdiyi cərimə zərbəsi də mübahisəyə səbəb oldu. Türkiyəli referi ikili mübarizə zamanı isveçli müdafiəçinin dirsəyinin yuxarı qalxmasını qayda pozuntusu kimi qeydə aldı...
- Bilirsiniz, bax bu cür hallara görə UEFA “hakimin fikrinə görə” ifadəsini gündəmə gətirib. Yəni, epizoda daha yaxın olan şəxs hakimdir və yalnız o, futbolçunun hərəkətinin bilərəkdən, yaxud bilməyərəkdən edildiyini dəqiq müəyyənləşdirə bilər. Məsələn, hava mübarizəsi zamanı hakim görsə ki, futbolçu mübarizəya qalxan zaman disrəklə oynadı, bu zaman sarı vərəqə göstərir. Yox, görsə ki, topa təmas yoxdur və dirsək birbaşa rəqibə istiqamətlənib, bu, artıq birbaşa qırmızı vərəqədir. Yəni, var sərt oyun, var kobud oyun. Bunu da yalnız hakim müəyyənləşdirə bilər.
- Şəxsən sənə ən xoş gələn hansi hakimin idarəçiliyidir?
- Sloveniyalı Damir Skominanın idarəçiliyi daha çox xoşuma gəlir. Baxmayaraq ki, Viktor Kaşşay da yaxşı hakimdi, son Çempionlar Liqasının finalını idarə edib. Yeri gəlmişkən, Kaşşayla şəxsi tanışlığımız da var. Mən Maltada imtahan verəndə o da orada idi. Özü də Azərbaycan futbolu haqqında məlumatlıdır, 2005-ci ildə Çempionlar Liqasının ikinci təsnifat mərhələsinin Bakıda keçirilən “Neftçi”-“Anderlext” oyununu idarə edib.
- Növbəti Avropa çempionatında azərbaycanlı hakimi, lap elə sənin özünü görə biləcəyik?
- Bildiyiniz kimi, mən hazırda III qrupdayam. Yəni, burada hər şey mənim özümdən aslıdır. UEFA-da hörmət, adam, “day-day” prinsipi işləmir. Hər şey hakimin özündən aslıdır. Mişel Platini Anar Salmanovun dayısı deyil ki. Əgər özünü doğrultsan, buyur, hakimlik elə. Yox, doğrultmasan, o zaman deyirlər ki, get, dincəl. 2013-cü ilin martında mənim göstəricilərimə baxacaqlar və artım olsa II qrupa təyin edəcəklər. II qrupdan sonra isə I qrup gəlir. I qrup isə artıq Çempionlar Liqasının qrup oyunlarını idarə etməyə imkan verir. Ancaq bir məsələ də var ki, ola bilsin, elə bu ildən II qrupa düşdüm. Dediyim kimi, hər şey özümdən aslıdır.
Anar XANLAROV
_22.01.19.jpg)
"Qusar"dan darmadağın
Noyerdən yeni rekord
Bundesliqanın ən yaşlı futbolçusu karyerasını başa vurur
"Roma"nın müdafiəçisi "Milan"a qarşı oynamayacaq
Kvaratsxeliya "Napoli"nin məşqini buraxdı
MOİK-ə 3 xal qazandıran qollar - Video
"Barselona"nın futbolçusu: "Çox peşmanam"
"Şamaxı"nın 6 qolu - Video
"Şamaxı" və MOİK-dən qələbə
“Paris-2024” Yay Olimpiya Oyunlarının startına 100 gün qalıb
ÇL-in oyunlarını göstərəcək kanallar
"İmişli"nin şikayəti qismən təmin olundu
"Real"dan zəng gələndə iki dəfə düşünmədim"
1-ci liqanın mərkəzi oyunu FİFA referisinə tapşırıldı
Gündoğan: "Hakim penalti verməli idi"
Romario karyerasını bərpa etdi
Futbolçu oyun zamanı infarkt keçirdi, dünyasını dəyişdi
Azərbaycan millisinin rəqibi 2 yoldaşlıq oyunu keçirəcək
Mbappe İbrahimoviç və Şevçenkoya çatdı
Luis Enrike: "Mbappe əvvəldən sona qədər əsl lider idi"
"Azərbaycanda rəqibləri topu "Qarabağ"dan ala bilmirlər"
"Daha deyəcək bir şey yoxdur" - Simeone
