“Sumqayıt” klubunun yeni transferi Ceyhun Sultanovun klubun rəsmi saytına müsahibəsi
- “Sumqayıt”ın futbolçusu kimi ilk təəssüratların necədir?
- Təxminən iki həftə əvvəl “Sumqayıt” klubunun rəhbərliyi ilə görüşüm oldu. Bu klubun strategiyası ilə tanış olduqdan sonra onlarla danışıqlara başladım. Açığı, layihəni çox bəyəndim. Sumqayıt Azərbaycanın futbol ənənələri ilə zəngin olan şəhəridir. Bu şəhər hər zaman ölkə futboluna əvəzolunmaz futbolçular bəxş edib. Gənclərlə işləmək bizim kimi təcrübəli futbolçular üçün olduqca maraqlıdır. Gizlədəcək bir şey yoxdur. Mən “Sumqayıt”la uzun müddət əməkdaşlıq etmək niyyətindəyəm.
- “Sumqayıt”ın strategiyasını bilirsən. Gənclərdən qurulmuş və gələcəyə hesablanmış komandadır. Gənclərdən qurulmuş klubda əsas işin və məqsədin nə olacaq?
- Komandada məndən başqa, Samir Abasov və Aftandil Hacıyev kimi təcrübəli futbolçular yer alır. Hər iki futbolçu ilə vaxtilə bir komandada oynamışam. Düşünürəm ki, gənclərin yetişməsində və təcrübə toplamasında bizim də əməyimiz olacaq. Ölkə futbolunun inkişafını istəyiriksə, mütləq gənclərə dəstək olmalıyıq. Qaldı ki, “Sumqayıt”dakı işimə, çalışacağıq ki, klubu daha yüksək pillələrə qaldıraq.
- Son iki ildə “Kəpəz”də çiyin-çiyinə oynadığın Sabir Allahquliyev də “Sumqayıt”la anlaşıb...
- Sabirlə “Kəpəz”də birlikdə oynamışıq. Öz üzərində çalışan futbolçudur. Sumqayıtlı olması onun gələn mövsüm daha məsuliyyətli çıxış etməsi üçün əlavə üstünlükdür. Düşünürəm ki, Sabir “Sumqayıt” üçün uğurlu seçimdir.
- Yeni mövsüm “Sumqayıt”ı hansı pillədə görürsən?
- “Sumqayıt” Futbol Klubu 2011/2012 mövsümündə də yaxşı çıxış etdi. Komanda gənclərdən qurulduğu üçün təcrübəsizlik öz sözünü dedi. Komandanın özəyi olan gənclər artıq bir ildə kifayət qədər təcrübə toplaya bilib. Üstəlik bu ilin transferlərini həmin komandaya əlavə etsək, döyüşkən kollektivin yarandığını deyə bilərəm. İnşallah, növbəti mövsümdə hamı “Sumqayıt”ın gücünü görəcək.
- Sonda Sumqayıtlı azarkeşlərə nə demək istərdin?
- Biz əlimizdən gələni edəcəyik ki, azarkeşlərimizi sevindirək. Stadiona gedərkən arenadakı təmir işlərinə diqqət yetirdim. Sumqayıt stadionunun əsaslı təmiri futbolsevərlər üçün artıq sevindirici xəbərdir.
"Roma"nın Lukaku qərarı
"Yuventus"a Ronaldo şoku
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə
"Arsenal"ı nokaut etmək gözəl idi"
Ayşən Abduləzimova Macarıstan çempionu oldu
Arda Güler "Sevilya"ya rədd cavabı verdi
Azərbaycanın U-17 millisinin heyətində dəyişiklik
Bellinqem: "Oyunun sonunda ayaqlarım ölmüşdü"
Tovuz ilk dəfə avrokubok oyununu qəbul edə bilər
Azərbaycanı Avropa çempionatında təmsil edəcək şahmatçılar
Arteta: "Çempionlar Liqasında oynamağı öyrənməliyik"
"Narazılıq olub, təhqir olmayıb"
Noyerdən yeni rekord
AFFA-dan hakimi təhqir edən futbolçuya cəza
"Qəbələ"nin meneceri cəzalandırıldı
AFFA-dan cəza və cərimələr
"Roma" De Rossi ilə bağlı qərarı rəsmən açıqladı
Ançelotti: "Mərhələ adlayacağımıza əmin idik"
Azərbaycan U-17 millisi İnkişaf turnirində iştirak edəcək
Avrokubokun oyunları bu kanallarda