Rumıniyalı futbol mütəxəssisi Mirça Luçesku braziliyalı futbolçu Ronaldoyla bağlı maraqlı açıqlamalar verib.
Qeyd edək ki, Luçesku 1998-1999-cu il mövsümündə İtaliya “İnter”ini çalışdırarkən Ronaldo bu komandada oynayıb.
Ruminiyalı məşqçi “Sport-ekspress” qəzetinə müsahibəsində bildirib ki, Ronaldonun karyerasının uğursuzluqla nəticələnməsində onun spirtli içki və gecə həyatına aludə olması yetərincə rol oynayıb.
“Ronaldo pivəni çox sevirdi. Bundan başqa, çox vaxt gecə saat 4-ə qədər diskotekada olur, orada məclislər təşkil edirdi. Mən bununla bağlı onunla tez-tez söhbət edirdim. Ronaldo isə cavabında deyirdi: “Mister, mənim cəmi 23 yaşım var, həyatımı rəngarəng keçirmək istəyirəm”. Bu amillər onun futbolçu karyerasını məhv etdi”.
Luçesku Ronaldoya görə “İnter”dən ayrıldığını deyib: “Bəli, mənim bu komandadan getməyimin səbəbkarlarından biri Ronaldoydu. Hərçənd, onunla normal münasibətlərim vardı. Sonra biz Çempionlar Liqasında “Mançester Yunayted”ə səfərdə 0:2 hesabıyla uduzduq. Cavab matçının 60-cı dəqiqəsində, hesab 0:0 olarkən Ronaldonun yerinə meydana Bentolu buraxdım. O, oyuna girən kimi qol vurdu. Amma nəticədə “Mançester”lə 1:1 hesabıyla heç-heçə etdik. Bir gün sonra məşqə gələndə gördüm ki, Ronaldo yoxdur. Dedilər ki, o, Braziliyaya gedib. Soruşdum ki, kimim icazəsiyzlə. Dedilər ki, Morattinin (“İnter”in prezidenti Mossimi Moratti nəzərdə tutulur – red.)”.
Luçesku məhz bu hadisədən sonra “İnter”dən ayrıldığını bildirib.
"Sabah"ın U-13 komandası İtaliyaya yollanır
Saatlıda 4 qol vuruldu - Video
"Qarabağ"a qarşı bu dəfə fərqli çıxış etmək istəyirik"
Tonali mərc oyunlarında 50 qayda pozuntusunda ittiham olunur
Liderdən "İrəvan"a 3 cavabsız qol - Video
"Karvan" xal itirdi, "Araz Saatlı"dan darmadağın
Misli Premyer Liqasında 4 oyunun hakimləri bilindi
Dani Alveş ziyafət təşkil etdi
"Bavariya"ya rədd cavabı verdi
"Napoli" Xviça ilə yeni müqavilə imzalayır
"Neftçi"nin sabiq futbolçusu "Molde"də
"Bayer" hazırda dünyanın ən güclü komandasıdır”
"Neftçi" "Qəbələ" ilə oyuna itkilərlə çıxacaq
"Borussiya" Terziçin qarşısına şərtlər qoydu
26 oyunda 31 qol - Video
"Qarabağ" sabah 11-ci çempionluğu rəsmiləşdirə bilər
"Neftçi"nin legionerinin zədəsi sağaldı
Gürcülər çox döşünə döyməsin, biz də monqollara qalib gəldik
Benzia “Puşkaş” mükafatına layiq görülə bilər - Video
Qrizmann qayıtdı
"Real" üç futbolçusu ilə razılaşdı
Xavi jurnalisti məhkəməyə verdi
PSJ-nin iki futbolçusu zədəsini sağaltdı
Ronaldo hakimə etiraz etdi - Şəkil