Rusiyanın “Volqa” klubu azərbaycanlı futbolçu Vaqif Cavadovla yollarını ayırıb. Bu haqda Lent.az-a klubun mətbuat xidmətinin rəhbəri Sergey Kozunov məlumat verib.
Onun sözlərinə görə, 23 yaşlı hücumçu ilə müqavilə qarşılıqlı razılıq əsasında pozulub. Rəsmi qərar yaxın vaxtlarda açıqlanacaq. Lakin Kozunov bu qərarın nədən qaynaqlandığını açıqlamayıb:
“Səbəbini baş məşqçimiz Dmitri Çerışev və futbolçunun özündən soruşsanız yaxşı olar. Yəqin ki, Çerışev Cavadovla bu barədə söhbət aparıb. Hər halda Vaqif hazırda Türkiyədə təlim-məşq toplantısında olan komandamızla birgə deyil”.
Qol.Az-ın məlumatına görə, hazırda Bakıda olan Cavadov "Qarabağ" klubu ilə danışıqlar aparır.
Qeyd edək ki, Vaqif Cavadov Rusiyanın “Volqa” klubuna 2011-ci ilin yayında transfer olunub. Hazırda Nijni-Novqorod komandası 16 komandadan ibarət Rusiya Premyer Liqasında 14-cü yeri tutur. Ötən il oktyabrın 19-da isə Cavadov Azərbaycan milli komandasından da 1 il müddətinə kənarlaşdırılıb. Səbəb kimi onun Avstriya ilə oktyabrın 7-də keçirilmiş 2012-ci il Avropa çempionatının seçmə qrup matçından sonra millimizin düşərgəsini özbaşına tərk etməsi göstərilib. Həmin qərarda bildirilir ki, Cavadov Azərbaycan Premyer Liqasında çıxış edəcəyi təqdirdə, AFFA-nın İntizam qaydalarına uyğun olaraq, 5 təqvim oyununu buraxacaq, klub isə 5000 manat cərimə olunacaq.
"Roma"nın Lukaku qərarı
"Yuventus"a Ronaldo şoku
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə
"Arsenal"ı nokaut etmək gözəl idi"
Ayşən Abduləzimova Macarıstan çempionu oldu
Arda Güler "Sevilya"ya rədd cavabı verdi
Azərbaycanın U-17 millisinin heyətində dəyişiklik
Bellinqem: "Oyunun sonunda ayaqlarım ölmüşdü"
Tovuz ilk dəfə avrokubok oyununu qəbul edə bilər
Azərbaycanı Avropa çempionatında təmsil edəcək şahmatçılar
Arteta: "Çempionlar Liqasında oynamağı öyrənməliyik"
"Narazılıq olub, təhqir olmayıb"
Noyerdən yeni rekord